mánadagur 26. mai 2014síða 18

Mánadagur 26. mai 2014 · Nr. 59 18 Sosialurin Hugskot og viðmerkingar – send sms til 225000 ítróttur fótbóltur Jóannes Hansen Tá ið Ransin N. Djurhuus bríksl­aði fyri síðstu ferð á Skála í gjár, var tað týðuligt, at hvørgin parturin var nøgdur við úrslitið. 1-1 var ikki tað, sum Skála og EB/ Streymur høvdu ætlað. Heima­liðið hevði sæð møgu­ leikan at vinna fyri fyrstu ferð í ár, og gestirnir úr Sunda­lagnum roknaðu hetta sum møgu­leikan at lyfta seg aftur eftir eyðmýkingina miku­kvøldið í fyrru hálv­ final­uni á útivølli ímóti Víkingi. Hans Pauli Samuelsen umsetti brotsspark til mál, og stutt eftir umsetti Ólavur Mikkelsen frísparksinnlegg til mál. Harvið var miðskeiðis í 1. hálvleiki 1-1, og soleiðis varð tað. Skála miðverjin Pætur Dam Jacobsen, sum undan­ farnu árini hevur spælt við EB/Streymi, iðraði seg: – Sambært leikgongdini er ikki so nógv at siga til javn­ leikin. Hjá okkum verður tað tungt, um vit ikki megna at vinna fulla úrtøku. Vit halda, at tað ber til, men enn hava vit ikki prógvað fyri okkum sjálvum, at tað ber til. Tað er neyðugt, at vit gera tað, um vit skulu vinna okkum upp um niðurflytingarstrikuna. EB/Streyma veteranurin Egil á Bø harmaðist um, at hann og liðfelagarnir ikki vunnu fulla úrtøku: – Serliga í 2. hálvleiki høvdu vit yvirvág, og tað hevði einki forgjørt verið í tí, um vit vunnu 3-1. Tíbetur er lagið framvegis gott, og eg ivist ikki í, at tá ið alt kem­ ur til alt, so fara vit at vinna triðja plássið. Tey bæði fremstu plássini eru havnar­ fel­øg­ini longu farin avstað við, helt Egil á Bø. joannes@sosialurin.fo Pætur Albinus Lagið var gott hjá argjafólki undan dystinum ímóti NSÍ sunnudagin, har fótbólts­ líkindini vóru framúr og vónir­nar góðar eftir ein 4-1-stórsigur ímóti ÍF eina viku frammanundan. Neyvan mundi nakar gruna, at ein sonn eyð­mýking var fyri framm­an, men tað var júst tað, sum eitt NSÍ-lið, ið hóast gott spæl var uttan sigur í seks umfør á rað, borð­reiddi við á Argjum. Dreymabyrjan Valla mundu øll havt sett seg, tá ið Klæmint A. Olsen hevði lagt NSÍ á odda longu í 6. minutti. Smáar tíggju min­uttir seinni var hann aftur á blettinum og stútaði eitt innlegg í málið, og á odda 2-0 eftir bara einum korteri mátti sigast, at NSÍ hevði fingið eina dreymabyrjan. At leggja trýst langt frammi á vøllinum og at bróta ígjøgnum á vongunum var greiða ætlanin hjá NSÍ, og hetta fekk av álvara AB til at standa á halunum – og tað kom at kosta enn meiri. Tá ið fyrri hálvleikur var hálv­ runnin var Jógvan Isaksen hjá AB óheppin við at senda bóltin í egið mál, tíggju min­ uttir fyri steðgin økti Andy Ó. Olsen til 4-0 og fimm min­uttir seinni var tað Árni Frederiks­berg, sum gjørdi tað til 5-0. Henda ótrúliga hálv­leiks­støða var úrslit av góðum og vánaligum spæli frá ávikavist NSÍ og AB. NSÍ gjørdi júst sum teim­um lysti og spældu seg til ein heilan hóp av bóltum inn í málfeltið, har AB í fimm førum mátti gjalda kostnað­in fyri iva­ somum upp­ruddingar­arbeiði bæði í verju og helst serliga á miðvøllinum. Klæmint streyk avstað Hóast AB byrjaði seinna hálv­leik betur og eitt nú Jobin Drangastein hevði risa møguleika at pynta um støð­ una, so gekk tað ikki leingi áðrenn mynstrið aftur vísti seg við at NSÍ mynstraði seg betur ígjøgnum. Og serliga var tað Klæmint A. Olsen, topp­skjúttin í Effodeildini í fjør, sum útmerkaði seg og kleiv nøkur stór fet mótvegis at endurvinna henda heið­ urin í ár. Tá ið seinni hálvleikur var hálvrunnin var hann aftur hægstur á innleggi og við miklari fer stútaði bóltin í málið, áðrenn hann nakrar min­uttir seinni sendi eitt frí­spark beinleiðis í málið. Enda­liga úrslitið gjørdist 7-0 til NSÍ og við fýra málum er Klæmint A. Olsen nú greiður topp­skútti í Effodeildini við 10 málum í eins nógvum dystum. Eingin umbering Eftir dystin høvdu brøðurnir hjá AB, Heðin og Jónas Stenberg onga umbering fyri skrædlinum. – Tað er so nógv, sum gong­ur galið í dag, og tað er trupult at seta orð á júst hvat tað er, segði Jónas Stenberg eftir dystin. – Vit royndu at fara upp at trýsta NSÍ, men tað riggaði ikki so væl í dag. Eg haldi, at NSÍ dugdi væl at spæla seg ígjøgnum trýstið og at fáa málmøguleikar, segði Jónas áðrenn bróðurin, málverjin Heðin, tók undir: – At fara sjey ferðir inn í málið eftir bóltinum, tað havi eg ongantíð roynt áður, segði Heðin. albinus@sosialurin.fo Tóm kensla á SkálaKlæmint klamsaði AB (1-1) 1-1 (0-5) 0-7 0-1: Hans Pauli Samuelsen br 18. 1-1: Ólavur Mikkelsen 25. Dómari: Ransin N. Djurhuus 0-1: Klæmint A. Olsen 6. 0-2: Klæmint A. Olsen 15. 0-3: sjálvmál 23. 0-4: Andy Ó. Olsen 35. 0-5: Árni Frederiksberg 40. 0-6: Klæmint A. Olsen 67. 0-7: Klæmint A. Olsen 72. Dómari: Rúni Gaardbo Skála Mark Ryutin – Jákup Jacobsen, Pætur Dam Jacobsen, Petur Pauli Mikkelsen, Teitur R. Joensen – Holgar Durhuus (Uni Jacobsen, 88.), Ólavur Mikkelsen (Karstin Justesen, 78.), Andras Frederiksberg, Edvin Jacobsen, Jákup Johansen ■ – Brian Jacobsen ■ EB/Streymur René Tórgarð – Jónas þór Næs, Egil á Bø, Marni Djurhuus (Høgni Madsen, 81.), Rógvi E. Nielsen – Gert Hansen, Niels Pauli Danielsen (Brian Olsen, 70.), Pól Jóhannus Justinussen – Leif Niclasen, Gunnar Zachariasen, Hans Pauli Samuelsen AB Heðin Stenberg – Martin Midjord (Jobin Drangastein, 46.), Jógvan Isaksen, Dmitrije Jankovic, Beinir Ellefsen – Bárður Olsen ■, Kári Nielsen ■ – Hørður M. Mohr (Magnus Egilsson, 77.), Jónas Stenberg, Sorin Anghel – Leivur Holm Joensen ■ (Jóan Símun Edmundsson, 53.) NSÍ Andras Gango – Jónhard Frederiksberg, Jens Joensen, Per Langgaard, Einar Tróndargjógv – Magnus H. Olsen (Haraldur R. Højgaard, 73.), Sjúrður Jacobsen - Andy Ó. Olsen (Debes Danielsen, 69.), Jann Martin Mortensen (Jákup Andr. Gaardbo, 83.), Árni Frederiksberg – Klæmint A. Olsen Var tað Argja Bóltfelag ella Argja Róðrafelag, sum hevdi opið hús í dag? Besta SMS Fótbóltssendingin Triði hálvleikur á Rás2 EB/Streyms spælið minnir nógv um tað hjá Manchester United – skuffandi! Besta SMS Fótbóltssendingin Triði hálvleikur á Rás2 Steingrím Jacobsen: Skála fjeppari Eftir teir fyrstu 10 dystirnar tykjast nervarnir at verða burtur og spælið er til tíðir heilt gott. Tó manglar bert tann avgerandi parturin - málskjótingin! Vónandi kemur hesin síðsti parturin uppá pláss heilt skjótt, tí liðið er avgjørt ikki verri enn hini!! skála Rógvi Dam: EB/Streymur fjeppari Vit tóku ikki av í dag, ikki nóð gott, eitt stig kunnu vit ikki brúka til nækað, næsta dyst skullu vit vinna. Saman standa vit sterk eb/Streymur Bárður Olsen: AB fjeppari NSÍ kom til opið hús á argjum í dag kann sigast. Tað var pínligt at síggja hvussu illa tað gekk i dag og hvussu lætt tað var borðreitt fyri gestunum í dag, ikki tað at teir vóru so nógv betur heldur tað, at vit raktu dagin so illa. Hettar klára tit betir dreingir kom so, trúgvi uppá tað!! Koyr á AB John Andersen: NSÍ fjeppari Sex in the city + 1 !!! ...Er tad nakar møguleiki fyri at forleingja karantenuna hjá Trygva Mortensen? Koyr á NSÍ Bæði skálamenn og teir í EB/ Streymi kendu seg hava mist tvey heldur enn at hava vunnið eitt stig AB mátti venda rygg til størsta tapið í ársins útgávu av Effodeildini, tá ið NSÍ vitjaði á Argjum sunnudagin. Klæmint A. Olsen var við fýra málum høvuðssniðgevin handan 7-0-stórsigurin hjá NSÍ og er hann nú greiður toppskjútti í Effodeildini