týsdagur 27. mai 2014síða 8

Mikudagur 28. mai 2014 · Nr. 60 8 Sosialurin Hugskot og viðmerkingar – send sms til 225000 Brenna fyri arkitekturi – Onkur vil kanska kalla okkum nørdasligar, men vit vilja heldur kalla okkum perfektionistar. Sum nýútbúnir, ungir arkitektar mugu vit vísa, hvat tað er, vit duga, fyri at kunna gera okkum galdandi á marknaðinum. Tað siga Ragnar Zachariassen og Søren Yde Jensen, sum júst hava vunnið arkitektakappingina um miðbýin í Havn meldurin Rannvá G. Fossaberg Á aðru hædd í gamla bygn­ ing­inum hjá Poul Hansen Undir Bryggjubakka í Vágs­ botni sita tveir ný­út­búnir, ungir arkitektar framman fyri stórum telduskíggjum við teimum nýggjastu forrit­ unum, ið verða nýtt innan design og arkitektur. Tað er í hesum hølunum, at teir báðir Ragnar Zachariassen og Søren Yde Jensen sein­ asta hálva árið hava sitið og gjørt eina ætlan fyri, hvussu miðbýurin í Havn skal síggja út. Tað arbeiðið hava teir gjørt so mikið væl, at teir í farnu viku vunnu arkitekta­ kapp­ingina um mið­býin í Havn, sum Tórshavnar komm­una skipaði fyri. – Vit høvdu sett okkum sum mál, at hetta var ein kapp­ing, vit skuldu vinna, og tí hava vit eisini lagt alla tíð og orku í verkætlanina. Men tá vit lótu okkara upp­ skot inn til kappingina, vóru vit als ikki vísir í, at verk­ ætlanin var nóg góð, og tí eru vit ovurfegnir um at hava vunnið, sigur Ragnar Zachariassen, sum saman við Søren Yde Jensen stovnaði fyri­tøkuna Zeta Architects tíðliga í 2012. – Vit brenna fyri fak­inum, og vilja veruliga gera okk­um galdandi innan arkitekta­ heimin. Ikki bara í Føroyum, men eisini uttanlands. Og skalt tú tað, krevst eisini, at tú brúkar nógva tíð upp á tær ymsu verkætlanirnar og ert noyddur at seta nógv ann­að til viks. Men tað gera vit fegnir, tí tað er hetta, vit tíma, sigur Søren Yde Jensen. Hittust á arkitektaskúlanum Fyri tveimum árum síðani stovnaðu teir báðir 33 ára gamli Ragnar Zachariassen, sum er úr Vestmanna, og 29 ára gamli Søren Yde Jensen, ið er úr Vestjyllandi, arkitekta­fyritøkan Zeta. Tá vóru teir júst liðugt útbúnir arkitektar á arkitekta­ skúlanum í Århus. – Vit hittust, tá vit gingu tað fyrsta árið á skúlanum, men vit endaðu síðani á hvør sínari linju. Søren er út­lærdur býararkitektur, meðan eg komi frá linjuni arki­tektur og ætetisk, greiðir Ragnar Zachariassen frá, og Søren Yde Jensen heldur fram: – Men onkursvegna hildu vit alla tíðina sambandið við líka og prátaðu í fleiri umførum um, at vit møguliga skuldu gera okkurt saman, tá vit einaferð blivu lidnir á skúl­anum. Hóast vit gingu á hvør sínari linju, so fylgdu vit rætt­iliga væl við í, hvat hin gjørdi, og dugdu ivaleyst baðir at síggja, at vit hava sama hug­burð til arbeiði, og mátin, vit gera tingini uppá, er rættiliga eins, sigur Søren Yde Jensen. Áhugan fyri arkitekturi fingu teir báðir, tá teir vóru heilt ungir. Søren Yde Jensen valdi bæði í 9. flokki og 10. flokki at fara í starvsvenjing hjá arkitektafyritøku, og longu tá var hann greiðir yvir, at hann skuldi gerast arki­tektur. Fyri Ragnar Zacha­riassen, sum eisini er út­búgvin byggifrøðingur, kom áhugin fyri arkitekturi av álvara til sjóndar, tá hann sum tann­áringur á sokallaða vinnu­degnum í Hoydølum var á vitjan hjá Árna Winther Arkitektum. – Eg gloymi ongantíð, hvussu Páll Lave tosaði um linjur­nar á einum BMW bili og skrúvurnar úti á Lands­sjúkra­húsinum, tí eg helt, tað var so fantastiska spenn­andi. Síðani tá havi eg altíð vitað, at tað var tann vegin, eg skuldi fara, fortelur Ragnar Zachariassen. Ein avbjóðing Stutt eftir at teir báðir vóru lidnir við útbúgvingina, bleiv arkitektakapping útskrivað um miðbýin í Klaksvík. Tá vóru ungu arkitektarnir skjót­ir at taka avgerð um, at teir skulu luttaka. – Vit hugsaðu, at nú skuldu vit taka kjansin og royna at fáa eitt gott sam­ starv upp at koyra. Tað rigg­aði so mikið væl, at vit end­aðu á einum 3. plássi, sum gjørdi, at vit av álvara fingu blóð upp á tonnina til at halda fram sum sam­ starvs­felagir, greiðir Søren Yde Jensen frá, sum flutti til Føroya at búgva í juli mánaði í fjørð. Síðani hava teir fingið fleiri verkætlanir í skjáttuna og hava luttikið í ymsum Umframt heiðurin hava Zeta Architects fingið 350.000 krónur fyri teirra vinnandi uppskot um miðbýin Mynd: Álvur Haraldsen