týsdagur 27. mai 2014síða 12

Mikudagur 28. mai 2014 · Nr. 60 12 Sosialurin Hugskot og viðmerkingar – send sms til 225000 tíðindi Vilmund Jacobsen Vinnuliga hava seinnu árini verið ein katastrofa fyri Vestmanna við tað, at fleiri skip eru seld av bygdini, sam­ stundis sum fiskavirkið hev­ ur staðið stongt. Í løtuni er einki virksemi á fiska­virkinum, men seinastu 2-3 sumrini hava tey arbeitt makrel á virkinum. Soleiðis, sum borgar­ stjórin í Vestmanna kommu­ nu, Pauli T. Petersen, skilir, er ætlan­in aftur í ár at arbeiða makrel á virkinum. Tað eru privatpersónar, sum eiga fiskavirkið í Vest­ manna í dag. Vit eiga tørn Nú makrelkvotan er økt upp í umleið 150.000 tons, sam­ stundis sum Føroyar eisini eiga stóra svartkjafta-og silda­kvotu, vónar borgar­ stjór­in, at Vestmanna aftur kann fáa lut í hesum stóra fiski­ríki­dømi, sum er í okkara sjógvi. - Í løtuni eiga vest­menn­ ingar einki uppsjóvarloyvi, men tað var tann tíð, tá Vest­ manna átti part í upp­sjóv­ar­ kvotunum. Skip, sum vóru heima­hoyrandi í Vestmanna, vóru eitt nú Gullfinnur, Pe­la­ gos, Fram og seinast Olaf í Garða­stovu. Pauli T. Petersen sigur, at vestmenningar hava eitt brenn­andi ynski um at fáa eitt uppsjóvarloyvi aftur til Vest­manna, soleiðis at verulig gongd kann koma á aftur, bæði á sjógvi og landi. - Tá havt verður í huga, at bygdin áður hevur verið part­ur av hesum tilfeingi, sum í dag er nógv størri enn nakran­tíð, haldi eg, at vit nú eiga tørn at fáa lut í hesum kvot­um og innflutningsloyvi til skip. Geografiskt býti Borgarstjórin heldur, at allir før­oy­ingar eiga at fáa lut í tí vel­duga fiskiríkidømi, sum vit eiga. - Eftir mínum tykki hevur tað nógv størri týdning, at hetta ríkidømi verður deilt geo­grafisk út á økini heldur enn, at so stórur dentur verð­ ur lagdur á at leggja gjald á tilfeingi - ella at selja til­ feingi. Pauli væntar, at um fiski­ ríki­dømi verður selt, fáa vit sama mynstur, sum vit longu hava í dag, har somu aktørar verða í vinnuni, og at pláss ikki verður fyri nýggjum aktør­um, soleiðis at fleiri øk­ ir kring landið kunnu fáa at­ gongd til tilfeingið. - Tað kann væl vera, at tað er rationelt at hava nakrar størri eindir, men neyðugt er eisi­ni at hugsa um trivnaðin og at stuðla undir eina menn­ing úti um landið, tó at av­lopið tá kanska ikki verður eins stórt. Eykaavlopið við størri eindum er eftir mínum tykki peanuts í mun til tað virð­ið, sum trivnaðurin kring um landið kann skapa, um øk­ini fáa lut í stóra fiski­ ríki­dømi­num. Borgarstjórin heldur, at ymiskir møguleikar eru, hvus­su hetta kann gerast. - Ein møguleiki er, at ein ávís­ur partur av fiski­ríki­dømi­num verð­ ur tillutaður ávís­um ge­o­ grafiskum økjum, men kann fiskast av øðrum so leingi, sum skip ikki eru keypt ella leigað til økið. Í slíkum føri eiga ávísar bindingar at liggja á teimum, sum sleppa at fiska upp á loy­vi hjá viðkomandi, sigur hann. Blomstrandi vinnulív Gjøgnum alla ta tíð, sum borgar­stjórin minnist og eisini langt fyri hansara tíð, var Vestmanna væl fyri hvat fiski­førum og fiskiloyvum við­víkir. Men, í dag eru fá skip eftir, tí vinnulívið í bygd­ini hevur valt at selja skip­ini úr økinum. - Eftir av skipum í Vest­ manna í dag eru ísfiska­ trolarin Vesturbúgvin og trol­báturin, Skálafossur. Hin­ vegin eru Vestmenningur og Fram seldir, og sama er við Grøna­nesi. Fara vit nøkur fá ár aft­ur, áttu vestmenningar eisini ísfiskatrolararnar, Norna­gest og Columbus. Pauli T. Petersen sigur, at Vestmanna soleiðis gjøg­num nógv ár hevði eitt stórt virk­ semi innan fiski­skipa­rakst­ur og fiskavirkisvinnu. - Vestmanna var ein fiski­ vinnubygd burtur av, men nú er hetta grundarlagið burtur. Flestu kendu Vestmanna sum bygdina við blomstrandi skipa- og fiskavirkisvinnu. Tað er ein øgiligur saknur ikki at síggja skipini landa og ikki at síggja virksemi niðri á bryggjuni longur. Eg trúg­vi eisini, at hetta pínir nógv­ar vestmenningar, tí nógv­ir vestmenningar eru fram­vegis sjómenn. Borgarstjórin vísir á, at tá fiskavirkið læt aftur og var stongt í nøkur ár, mink­ aðu skattainntøkurnar hjá Vest­man­na kommunu, sam­ stund­is sum fólk vóru frus­ trer­aði um, hvat nú fór at henda. - Stívliga 100 fólk ar­beid­ du á fiskavirkinum, tá mest var at gera, og hetta hevði eina øgiliga ávirkan, tá hetta virk­semi helt uppat. Fóta okkum aftur Pauli T. Petersen heldur, at vest­menningar tó ikki eiga at stara seg blindar í tí, sum var og sum ikki er í løtuni. - Vit eiga at trúgva upp á, at vit koma í gongd aftur, eisi­ni vinnuliga á sjógvi og landi. Eg síggi altíð positivt upp á dagin, og eg trúgvi, at vit her í Vestmanna fara at koma sterkt aftur. Vit eru væl á veg, tá ræður um fíggj­ ar­liga grundarlagið undir kom­mun­uni, og eg trúgvi, at vit eisini vinnuliga fara at fóta okkum aftur, sigur borgar­stjórin í Vestmanna kom­mu­nu. Nú eiga vit tørn til innflutningsloyvi - Eg haldi, at allir føroyingar eiga at fáa lut í tí velduga fiskiríkidømi, vit eiga í uppsjóvarfiski. Tað hevur nógv størri týdning, at hetta ríkidømi verður deilt geografisk út á økini heldur enn, at so stórur dentur verður lagdur á at leggja gjald á tilfeingi - ella at selja tilfeingið, sigur Pauli T. Petersen, borgarstjóri í Vestmanna kommunu - Tað kann væl vera, at tað er rationelt at hava nakrar størri eindir í uppsjóvarvinnuni, men neyðugt er eisini at hugsa um trivnaðin og at stuðla undir eina menning úti um landið, sigur Pauli T. Petersen, borgarstjóri Tað var tann tíð, tá vestmenningar áttu uppsjóvarskip. - Nú haldi eg, at vit eiga tørn til innflutningsloyvi, sigur borgarstjórin. Myndir: Skip í Vestmanna (Facebook)