hósdagur 29. mai 2014síða 6

Fríggjadagur 30. mai 2014 · Nr. 61 6 Sosialurin Hugskot og viðmerkingar – send sms til 225000 Jón Brian Hvidtfeldt Veðrið var gott, henda leygar­ morgunin 10. mai. Hans Falkvard Hansen var spent­ur til dagin, nú alt tað før­oyska Team Rynkeby skuldi koma suður at súkkla runt Sand­ oynna. Saman við bygda­ mann­inum hjá sær á Sandi, Sverra Mohr Edvinsson, fór hann á súkkluna og setti kós móti Skopun. – Eg var til arbeiðis í Eld­ húsi, tá Sverri kom eftir mær. Vit fylgdust norðureftir, og eg minnist at vit fingu nokk so góða ferð á súkklurnar oman móti keiini í Skopun. Har stóð nógv fólk og bíðaði eftir ferjuni, og eg súkklaði einar tvær ferðir runt á keiini og heilsaði uppá. So bleiv alt svart. 56 ára gamli Hans Falk­ vard Hansen er ein av teim­ um 35 føroyingunum, sum síðani í vetur hevur verið at sæð á landsvegunum á súkklu og í eyðkendu, gulu blus­unum við frámerkinum hjá Team Rynkeby. Síðani 2002 er eitt súkklu­ lið hvørt summar farið úr Danmark við kós móti Paris. Fyrsta árið vóru tey 11 súkkl­ ar­ar, men so við og við eru fleiri komin aftur­at, og nú eru 26 lið við 1200 súkklar­ um úr øllum Norður­londum. Endamálið við súkklu­túr­ inum til Paris er at savna pengar til børn við krabba­ meini og familjur teirra. Í summar fer fyri fyrstu ferð eitt føroyskt Team Rynkeby lið avstað við kós móti Paris. – Tvær orsøkir eru til, at eg vildi sleppa við á før­oyska liðið. Inga Danberg, ið doyði av krabbameini, var bróður­ dóttir mín, og tí vil eg vera við til at seta fokus á krabba­ mein. Hin orsøkin er mín egna heilsa og vælferð, ið eg fegin vildi bøta um, sigur Hans Falkvard Hansen. Síðani 1. desember í fjør hevur hann súkklað 3533 kilo­metrar, og harvið ligg­ur hann væl fyri á topp-10 lista­ num í innanhýsis kappingini mill­um føroysku Team Rynkeby luttakararnar. Um­ framt mongu súkklu­túr­ar­ nar hevur hann tvær ferðir um vikuna trúliga ferðast av Sandi norður á venjingar­ miðstøð í Havn fyri at venja saman við hinum á liðnum. Venjingin hevur givið sjónlig úrslit, tí 22 kilo eru farin av vektini. – Eg haldi at tann fyrsta gula súkklublusan hevði eini fimm XL, men nú eru so eini trý X farin burturav, greiðir Hans Falkvard Hansen flenn­ andi frá. Hann hevur altíð verið lættur av lyndi, men síðani í vetur er alt annað eisini vorð­ið munandi lættari. – Eg orki nógv betri, eri í góðum formi og alt fellur mær nógv lættari. Saman­ um­tikið livi eg nógv betri, greið­ir Hans Falkvard Hansen sannførandi frá. Hann steðgar á eitt bil, áðrenn hann aftur fer at slenna: – Og tað sigi eg, júst aftur­ komin av Ríkissjúkra­hús­ inum. Tilburðurin Tað, ið hendi á keiini í Skopun henda leygarmorgun, er ikki at finna í minninum á Hans Falkvard Hansen. – Tað var sum at sløkkja eina kontakt. Eg hevði einki merkt av nøkrum. Onga pínu, einki. Men eg eri so koppaður av súkkluni, og minnist so einki aftur, fyrr enn eg lá á børuni í sjúkrabilinum. Tá var kommunulæknin komin til. Á Landssjúkra­hús­ inum spurdi ein lækni Hans, um hann nakrantíð fyrr var svímaður. – Eg svaraði jú, at tað var eg einaferð. Tað var, tá eg møtti konuni fyrstu ferð fyri okkurt um 30 árum síð­ ani, greiðir Hans Falkvard Hansen frá og vísir sam­ stundis, at hann longu í sjúkra­bil­inum var væl fyri og kundi skemta við læknan. – Tað var ein løgin kensla. Eg hugsaði, hvat var hent, tí eg merkti jú einki. Eg var væl fyri og føldi onga pínu, greið­ ir hann frá. Steðgurin á Lands­sjúkra­ húsinum var sera stuttur, og longu sama seinnapart varð Hans Falkvard Hansen sendur niður á Ríkis­sjúkra­ húsið. Har varð hann inn­ lagdur undir observatión, og mánadagin eftir staðfestu læknarnir, at tríggjar æðrar við hjartað vóru tiptar. – Læknarnir ætlaðu fyrst, at eg skuldi hava eina by­ pass. Men til alla lukku varð tað broytt, og eg fekk eina ballón í staðin. Tað var aðru ferð innan fáar dagar, at eg vann í lotto, sigur Hans Falkvard Hansen og út­grein­ ar vinningarnar: – Fyrst vann eg lívið aftur á Skopunarkei, og síðani slapp eg undan tí stóru skurð­viðgerð, ið ein bypass krevur. Ein slík skurðviðgerð hevði endaliga gjørt av við dreymin um Paris. Hans Falkvard Hansen fekk fresað eina æðr, ið varð tipt, umframt at ein ballón varð sett inn í eina aðra æðr. Triðja æðrin fekk frið frá læknunum. Men tilburðurin varð mett­ur somikið álvarsamur, at Hans fekk sett eitt tól inn í kroppin. Ein sonevndan ICD’ara, ið stendur fyri Inplanterbar Cardioverter Defibrillator. Talan er um ein fram­komnan pacemakara, sum kann viðgera hjarta­ steðg og lívshóttandi til­ burðir, tá hjartarútman fer av lagi. ICD’arin skal sita inni í kroppinum restina av lívinum, og gjøgnum eitt modul, ið Hans hevur fingið heim við sær av sjúkra­hús­ inum, kunnu læknar­nir á hjartadeildini á Ríkis­sjúkra­ hús­inum fylgja við, hvussu hjartað hjá Hans Falkvard Hansen uppførir seg. Tilburðurin á keiini í Skopun var somikið álvar­ samur, at uttan skjóta og rætta hjálp var fryntligi handils­leiðarin í Eldhúsi á Sandi ikki millum okkum longur. Í góðveðrinum henda leygar­morgun steðgaði hans­ ara hjarta við at sláa. Spilop og álvari Tey, ið kenna Hans Falkvard Hansen, vita at hann er ein skemtiligur maður. Tí vóru tey fleiri, sum hildu hann spæla hund, tá hann brádliga lá skerflatur á keiini henda morgunin og ikki rørdi seg ein millimetur. – Ja, tað er rætt. Aftaná havi eg latið mær fortalt, at har vóru fleiri, sum trúðu at eg skemtaði, tí eg eri tann, sum eg eri, sigur Hans Falkvard Hansen við einum skálka­smíli. Fyrstur at síggja álvaran í støðuni var Piotr Krakowski, ið sá vinmannin liggja har á rygg­inum. – Hann leyp til og merkti, at har var eingin pulsur, og so fór hann upp at rópa, greið­ir Hans frá og hermir eftir eyð­kenda tónalagnum hjá karismatiska fótbólts­ venj­ar­anum. Nógv fólk vóru á keiini henda morgunin, og tey hoyrdu eyðkendu rópini hjá Piotr. – Eg stóð í bíðirøðini til ferjuna, tá eg hoyrdi róp­ ini, okkurt um at Hans var deyður. Og jú, vit vóru fak­ tisk nógv, ið hildu at hann bara tvætlaði. Vit høvdu jú akkur­át sæð hann súkkla runt á keiini, greiðir Sólrun Ørvarodd frá. Hon var ein av fleiri, ið lupu til at hjálpa, og byrjaði hon at geva Hans Falkvard Hansen fyrstuhjálp. Sjálvur minnist Hans Falkvard Hansen einki frá til­ burð­inum. Men hann er takk­ samur fyri ta hjálp, ið hann fekk henda lagnumorgun. Og hann er takksamur fyri ta umsorgan, ið hann hevur merkt frá fólki aftaná. team rynkeby føroyar lívið aftur Hans fekk – Eg súkklaði oman á havnalagið í Skopun henda góðveðursmorgun, súkklaði nakrar ferðir runt á keiini, men so bleiv alt svart. 56 ára gamli Hans Falkvard Hansen er júst afturkomin av Ríkissjúkra­ hús­inum, men dreymurin um at súkkla til Paris livir enn