hósdagur 29. mai 2014síða 30

Sosialurin nr. 61 · 30. mai 2014 6 VIKUSKIFTI Jú men, sanniliga, sanniliga huga­ligt og fløvandi og tolsemi við stórum T, at tey samkyndu, hvørki­kyndu, tvíeggjaðu trans­ persónar og alt annað kyndu uttan hinskyndu hava fingið, ella tora vit at skriva hava tikið sín egna pall og sleppa í hvørt Harrans signaða heim gjøgnum bak­dyrnar. Snilt. Men tað er teimum væl unt. Tey hava brúk fyri at verða hoyrd. Og 700 milliónir rættkynd ella hvussu tað eitur vilja fegin hoyra vánaligar poppsangir. Sama, hvør syngur og hvør dansar. Euro Melody Grand Vision Prix, heimsins størsta party. Finnið tvey nýggj orð í hasum fimm, jú, Gay Pride við nógv fleiri fjepparum enn teimum 10.000 á Vaglinum lítla ólavsøku­ aftan. Og tað allarbesta var, at ein føroy­ingar var við og trýsti á onkrar knøttar og/ella snaraði teimum. So eru øll tey køvisligu, sum altíð skulu finnast at øllum fram­ stigum, vera neilig. Hatta var ikki ætlanin við familju­veitsluni hjá mammu, pápa og tveimum børnum og tilboðs­sukurvatni og kipsum og heima­vedding. Hvør vinnur stóru rokningina fyri at skipa fyri næsta ár? Vónandi Russland. Føroyar eru ikki við í hesum stóra geymi fyri nasjonalstatir. Men øll tey nýggju fullveldini eystan fyri tærda jarntjaldið, sum ikki verður sandblást og lakkerað, eru við. Og tey atkvøða hvørt fyri øðrum. Tú fært 12 frá mær og eg fái 12 frá tær. Okkara lagna er felags, exsovjett, og tað er einki stuttligt. Tað ger einki, um vit ikki sleppa at geva okkara egna meistara­verki 12, tí tað sleppa hini heldur ikki. Og onnur fáa nógv fleiri stig enn hasi 12 frá okkum, eisini kapitalistarnir vestan­fyri. Hvat feilar? Men júst tað sama gera okkara frændur sokallaðu. Tey, sum boy­kotta okkum, tey geva eisini hvørjum øðrum 12 fyri 12 og vit fáa einki, tí vit eru ikki við, og vit fiska ikki burðardygt, og vit gera ikki sum Maria vil. Noreg plagar at geva okkum 12 stig, siga tey í Danmark. Nei, vinir okkara í Noreg plaga at geva okkum 12 stig. Og vóru Føroyar við, ja, so fekk Danmark sjálvandi øll okkara stig, ikki bara hasi stjørnu­prýddu 12, men øll stigini. Tí Danmark er okkara vinur. Men vit fingu neyvan 12 frá Danmark, hóast okkara frægastu popp­ sangarar, sum ikki eru ferdigir sum slíkir, oftast eru danskir í donskum fjølmiðlum. Aftur til nýggja sniðálopið á Evropameistarakappingina í poppi við hálvfinalum og finalu, tí so nógvur poppur er, at pláss er ikki fyri øllum í finaluni (har haltar tolsemið), tí pláss eigur at vera fyri øllum allastaðni. Harrin signi heimið so dyggi­ liga, meðan Grand Priksið er í altarinum undir baldýringini, nú tað ikki longur er meinaleyst undir­hald, men markleyst. Vit sníkja okkum at hyggja. Gardinurnar fyri, so eingin sær, at vit síggja órakaðan mann í kjóla. Frælsi fyri øll. Gamaní, men ófrælsir menn liva longur enn frælsir menn, sigur ein av óteljandi kanningum hjá granskarum, sum keða seg. Giftir menn liva longur enn gamlir dreingir, sum ikki gerast so gamlir. Frælsi fram um alt annað. Ein flokkur, sum ikki er borgaraligur, sambært honum sjálvum, vil loyva samkyndum at gifta seg borgara­liga, tí Harrin kann ikki signa tey. Men tey, sum umboða flokkin í fólkaræðinum, ráða sjálvi, um tey eru fyri tí ella ímóti. Tað er teirra persónliga tjóðarfrælsi. Samkyndar pandur eru tann minnilutin, sum er mest hóttur av øllum minnilutum. Men tær yvirliva, tí tær eru friðaðar. Harrin signi heimið, um Gud vil. Umafturafturum høgni djurhuus Móðurmálsviðursløn 2012 Harrin signi Prix Pride Starv? – Art Director og blaðkvinna á Egmont Publishing í Stockholm. Art Director er tann, ið ger formin á sjálvum blaðnum. Eg fáist við tvey ymisk bløð – »Travel News« og »Allt om Rymden«. Hvat er tað besta við starvinum? – Tað besta er, at tað er so skiftandi. Ongin dagur sær líka út, og eg fái høvið at nýta mítt hugflog og skapanarhug. Hvønn eginleiki hjá tær ert tú fegnast um? – At eg eri fitt. Tí, sum man møtur øðrum, verður man eisini møttur sjálvur. Og tey flestu eru faktiskt fitt og vinarlig móti mær. Hvør eginleiki hjá tær irriterar teg? – Eg eri í so bráð – alt skal helst henda nú! Tað gongur bæði útyvir familju og starvsfelagar. Eitt sindur av toli hevði ikki verið so galið at havt afturat. Hvørjum tónleiki lurtar tú eftir? – Um tú spyr mannin, so sigur hann, at Inna hatar tónleik! Men tað geri eg ikki. Men eg orki sjáldan at lurta eftir tónleiki, tí mær dámar frið aftaná ein strævnan arbeiðsdag.  Annars elski eg Grand Prix og eri til svensku finaluna hvørt ár. Hvør er besti sangur, sum er gjørdur? – Hey Jude hjá The Beatles. Hvat ger teg glaða? – Míni børn gera meg glaða hvønn einasta dag. At ferðast, eta gott, mussast og at læra meg okkurt nýtt ger meg eisini glaða. Hvat ger teg kedda? – At hugsa um, hvussu stutt eg hevði mammu mína á lívi. At fólk, sum eg elski, hava tað trupult. Hvat er luksus fyri teg? – At hava ein heilan dag fyri meg sjálva og bara ger tað, mær lystir, er satt luksus fyri eina mammu. Tá gangi eg í handlar, fari kanska til onkra viðgerð, seti meg niður á eina cafe og eygleiði fólk. Hvat ert tú glaðast fyri at eiga? – Eg eri øguliga glað fyri okkara summar­ hús á Álandi. Vit hava átt tað í 11 ár og vænti tað verður nógv ár afturat. Hvat brúkar tú frítíðina til? – Eg royni at venja einar 3-4 ferðir um vikuna, eg lesi nógv, eri saman við vinfólki, og tá eg havi ráð og tíð, ferðist eg. Hvat tímur tú ikki at hoyra uppá? – Fólk sum siga uppaftur í saman. Haldi tað er eitt stresssymptom – fólk gloyma, at tey longu hava sagt eitthvørt, og so siga tey tað umaftur. Tá havi eg hug at rópa hart. Hvørja bók eigur einhvør kvinna at hava lisið?  – »Det finns en särskild plats i helvetet för kvinnor som inte hjälper varandra« av Lizu Marklund og Lotta Snickare. Hevur tú eina fyrimynd? – Tað eru nógvar fyrimyndarliga kvinnur, sum eg kundi havt sum fyrimynd. Men tað havi eg ikki. Eg havi mammu mína sum fyrimynd. Hon hugsaði altíð meira um seg sjálva enn øll onnur, eggjaði og stuðlaði okkum børnum at standa á egnum beinum, tók sær av teimum, sum høvdu tad trupult, og so var hon stak stuttlig. Inna Törnroos lagt til rættis: Eyðun Klakstein Mamma er mín fyrimynd Inna Törnroos, sum starvast í Stockholm og eisini skrivar fyri Sosialin, heldur, at hon er fitt, men í so bráð, og hon hevur mammu sína sum fyrimynd