mánadagur 2. juni 2014síða 32

16 nr. 5 I 2. juni 2014 Vinnublaðið hjá Miðlahúsinum Tollmarkið verður ikki hækkað að er dýrt at keypa á netinum, tá tú situr í Føroyum. Skal vøran sendast til Føroya koma avgjøld og tollur á, og ein vøra kann gerast dupult so dýr, sum hon upp­runaliga var sett til at kosta á netinum. Tá tað kemur til smyrls, krem, luktilsi og annað innan hetta økið, er einki mark fyri nær tollur kemur á, og brúkarin skal gjalda toll av vøruni uttan mun til, um tað er eitt neglalakk til 16,00 krónur ella eitt krem til 500 krónur. Í seinastu útgávu av »Vinnan«, høvdu vit samrøðu við Elsu Bech, sniðgeva, sum er búsitandi í Svøríki. Hon hevur egnu fyritøku og selur mest á netinum. Hon hevur millum annað stórar trupulleikar av, at tað er so dýrt at selja til Føroya. Størsti málbólkurin hjá henni er føroy­ingar, men føroyinar kunnu ikki keypa nakað fyri yvir 299 krónur, við frakt, uttan at tollur kemur á. Tí selur hon ikki so nógv til Føroya, sum hon kundi, sigur Elsa Bech við Sosialin. Harumframt koma avgjøld frá Posta og Taks, sum gera vøruna enn dýrari, og tað kann vera ógjørligt hjá kundanum at vita, hvat vøran fer at kosta í veru­leikanum, sigur Elsa Bech. Hækka ikki tollmarkið Men Jørgen Niclasen, fíggjarmálaráðharri, sigur, at ongar ætlanir eru um at hækka toll­ markið fyri vørur keyptar umvegis netið. – Fyri tað fyrsta er tað kappingaravlagandi. Tey sum eru vinnurekandi í Føroyum, og skuku hava ein handil at bera seg, skulu gjalda avgjøld, toll og mvg, og tað er kapp­ ingar­avlagandi, um brúkarin kann keypa vøruna uttan øll hesi avgjøld frá eitt nú einum donskum handli, sigur hann. Haraftrat er tað ein inntøku trupulleiki fyri landið, um markið verður flutt ov høgt upp. Eitt nú hevur Posta sligið upp, at markið verður hækkað til 2000 krónur. – Um markið verður flutt á 2000 krónur gongur tað so mikið út yvir inntøkuna, sum landið hevur av søluni, at pengarnir mugu koma onkra aðrastaðni frá, sigur Jørgen Niclasen. Internethandilin er komin fyri at vera Fíggjarmálaráðharrin ásannar tó, at internet­ handilin er komin fyri at vera, og sigur, at Fíggjarmálaráðið í løtuni arbeiðir við at gera skipanina smidligari fyri brúkaran. Eitt nú kann ein brúkari uppliva, at ein pakki, sum inniheldur ein dunk av barberskúmi, skal tollast sum luksusvøra. So kemur tollavgjald aftrat, og so eksploderar prísurin bráddliga á einum pakka, sum skuldi havt ein prís undir 300 krónur í alt – tað er ikki í lagið og skal broytast, sigur fíggjarmálaráðharrin. – Vit arbeiða við at finna eina loysn, sum ger tað smidligari hjá brúkaranum, uttan at tað er kappingaravlagandi í mun til lokala vinnulívið, og uttan at tað gongur út yvir inntøkurnar hjá landinum, sigur hann. T Tað er dýrt at keypa á netinum, tá tú býrt í Føroyum. Fíggjarmálaráð­- harrin er tó ikki sinnaður at gera nakað við lága tollmarkið, sum er á 300 krónur, tá tú keypur vørur umvegis internetið Marjun Dalsgaard Internethandil – Tað er kappingaravlagandi um brúkarin, sum keypir á netinum, ikki skal gjalda tey avgjøld, sum tann, sum hevur handil í Føroyum skal, sigur Jørgen Niclasen – Tað er trupult at selja til Føroya umvegis netið, sigur Elsa Bech. Hon er sniðgevi og hevur eina fyritøku í Svøríki, har hon býr. Ein stórur partur av hennara málbólki býr í Føroyum, men av tí at tollmarkið er 300 krónur við farmagjaldi, verður tað dýrt hjá brúkarum at keypa vørur frá henni umvegis netið. Umframt toll koma avgjøld frá Posta og Taks