mánadagur 2. juni 2014síða 44

28 nr. 5 I 2. juni 2014 Vinnublaðið hjá Miðlahúsinum Ókeypis lýsingar stimbra útberingini in tann størsta avbjóðingin hjá siðbundnu postverkunum kring allan heim er støðugt lækk­andi talið av útberingum. Brøv, rokningar, lýsingar og annað verða í alsamt størri mun send mót­takarunum á talgilda net­inum, meðan postverk um allan heim hava verið tvingað at fremja ógvusligar tillagingar í rakstrinum. Føroyar eru einki undantak, og samstundis sum stórar tillagingar eru framdar á Posta, hevur stovnurin miðvíst arbeitt við nýggjum virkisøkjum og tiltøkum, sum kunnu stuðla undir kjarnuvirkseminum. Bæði – ikki annaðhvørt Nýggjasta átakið hjá Posta er lýsinga­ portalurin, bera.fo, har øll tey tilboðsbløð, ið annars verða borin út kring landið, eisini kunnu lesast talgilt. Her kann brúkarin sammeta tilboðini hjá ymsu handlunum. Innkeypslistar kunnu gerast, og eisini kunnu hesir deilast við aðrar brúkarar. Eitt nú um frúan í húsinum hevur sæð okkurt tilboð, sum maðurin skal hava heimvið. Rókur Jákupsson Jakobsen varð fyri stuttum settur í starv sum marknaðar- og samskiftisráðgevi á Posta, og hann hevur millum annað menningina av Bera um hendi. – Endamálið hjá Posta við hesum er fyrst og fremst at geva eitt eyka virði til lýsinga­bløðini, soleiðis at vit á tann hátt kunnu stimbra út­ber­ ingini, sum jú er kjarnuøkið hjá Posta. – Kring allan heimin er gongdin, at kundarnir í størri og størri mun handla á netinum, men hinvegin vísir gransking eisini, at enn er tað so, fólkum dámar betur at fáa eitt nú lýsingabløð á prenti. Við Bera kunnu vit hjálpa kundum okkara at fáa bæði, tí tað nýtist ikki at vera annað hvørt online ella prent. – Tað merkir so eisini, at hetta fyrst og fremst er ein møguleiki hjá teimum, sum senda síni lýsingabløð umvegis Posta. Vit hava longu havt nakrar fyrispurningar frá kundum, sum einvíst hava ynskt at fáa sínar lýsingar á Bera. Kostnaðarkonseptið skal tó vera ájavnt E Tað ljóðar heldur rangvørt, men endamálið hjá Posta við ókeypis lýsinga- portalinum – Bera – er at stimbra útberingini av prentaðum lýsingum Jákup Mørk Á bera.fo kunnu ymsu lýsinga­ bløðini lesast í talgildari útgávu, og eisini kunnu prísir á vørum sammetast. Talan er tó bert um bløð, sum verða borin út av Posta Lýsingar: