hósdagur 5. juni 2014síða 32

Sosialurin nr. 64 · 6. juni 2014 8 VIKUSKIFTI LURTA LES & UPPLIV lagt til rættis: Eyðun Klakstein Her eru nakrar av stóru kon­ sertunum í okkara granna­ lagi komandi tíðina Føroyingar smæðast ikki við at ferðast til stóra konsertir uttan­lands. Í vikuni hava nógvir føroyingar verið til Metallica og Aerosmith í Danmark, og fyri framman bíða ivaleyst nógvar konsert­ferðir hjá føroyingum. Vit hava kagað í konsert­ kalendar­ar í býum, hagar tað er lætt at ferðast úr Føroyum, og her eru nakrar av stóru kon­sert­unum, vit funnu. Iron Maiden Copenhell, Keypmannahavn, 11. juni Legendariski bretski rockbólkurin Iron Maiden skal vera orsøkin til, at festivalurin Copenhell í ár verður hildin mitt í viku og ikki um vikuskifti. Iron Maiden eru á pallinum mikukvøld, og tað verður roknað sum størst konsertin á rockfestivalinum hesaferð. Pearl Jam San Siro, Milano, 20. juni Teir vóru partur av grungebylgjuni í 90’unum, men teir hava yvirlivað skiftandi rák og verða roknaðir sum ein av mest týðandi bólkunum frá grunge. Nú eru teir á konsertferð aftur, og eitt høvi er at uppliva teir á San Siro leikvøllinum í Milano. Neil Young And Crazy Horse Laugardalshølinn, Reykjavík, 7. juli Fyri fyrstu ferð fer góði gamli Neil Young at framføra í Íslandi. Tað verður í Laugardalshøllini í Reykjavík. Neil Young hevur skrivað nakrar ordiliga perlur, og hann kann bæði framføra við stórari innliving og nógvari rockorku. Nú verður so høvi at hoyra hann í okkara grannalagi. Iggy Azalea hevur megnað nakað, sum seinast hendi hjá The Beatles fyri 50 árum síðani Tað stendur einki til hjá Albert. Hann er seyðamaður millum allar kovboyararnar í villa vestri, og tað er lítið at reypa sær. Hann missir eisini unnustuna Louisu, tí hon er troytt av Albert, sum ikki vil taka stríðið upp við hinar hørðu menninar, men heldur grenjar um vánaligu umstøðurnar. Tá ið ljóshærda Anna kemur til býin, verður Albert skotin í henni, og tey gerast væl – meira enn væl. Men stóri trupulleikin kemur so, tá ið maður Onnu, tann ræðani Clinch Leatherwood, ríður inn í býin. Nú er spurningurin, hvussu Albert kann sleppa burtur úr støðuni, og um hann er til reiðar at stríðast fyri Onnu. Nýggi filmurin A Million Ways To Die In The West er ein øðrvísi og skemtiligur kovyboyfilmur, sum ger ræðuskítin í býnum til hetju. Filmurin hevði frumsýning hesa vikuna og kann komandi tíðina síggjast í biohøllum á okkara leiðum. Tann fyrsti Jústi varð boriní heim í Útistovu í Vági í Klaksvík í 1799, og hann búsettist á Viðareiði. Nýggja bókin hjá Líggjasi í Bø er um hendan Jústa og hansara eftir­komarar. Hendingarnar, sum verða umrøddar, fara fram í fyrra partin av 19. øld og eitt sindur út um miðjuna av 20. øld. Hetta tíðar­skeiðið fór gamla bónda­ sam­felagið at rilla, og stórar samfelags­broytingar fóru fram. Teir av Jústa-ættini høvdu ilt við at góðtaka órættvísu samfelags- og kirkjuskipanina, og teir gjørdust við tíðini uppreistrarsinnaðir. Hóast teir vóru fæloysingar allir sum ein, mutaðu teir ímóti og høvdu tann stoltleika, at teir vildu ráða fyri sær sjálvum og bóru høvur hátt. Nýggja bókin sigur søguna um hesar litríku menn, sum settu sær spor og gjørdu mun í føroyska samfelagnum. Eisini viðger bókin ymiskar tættir í Viðareiðis søgu. Bókin »Jústa-ættin og aðrar Viðareiðissøgur« er 350 blaðsíður til støddar, og 2. Hvítusunnudag kl. 16.00 verður hon løgd fram á sam­komu í Viðareiðis skúla. 23 ára gamla Iggy Azalea er nýggja stjørnuskotið í altjóða rapptónleiki. Hon vaks upp í Australia, men flutti sum 16 ára gomul til USA at búgva. Í farnu viku var hon ovast á amerikanska Billboard hitlistanum Hot 100 við sanginum Fancy, sum er tikin av hennara fyrstu útgávu, The New Classics. Iggy Azalea var eisini nummar 2 á sama hitlista við sanginum Problem, sum hon hevur spælt inn saman við Adriana Grande. At sami tónleikari er nummar 1 og 2 á Billboard Hot 100 er ikki hent, síðani The Beatles megnaðu bragdið fyri hálvari øld síðani. Nýggja fløgan hjá Iggy Azalea brýtur frá nógvum av tí rapp­tón­leikinum, sum hevur verið frammi. Tónleikur tykist øðrvísi, kanska enntá løgin viðhvørt, men onkursvegna riggar hann og fangar fólk. Ummælarin hjá Rolling Stone skrivar, at um hetta er framtíðin, so er tað eitt løgið stað. Men gev Iggy ein kjans og lurta eftir hennara rappsangum, sum nú eru tøkir á útgávuni The New Classics. LURTA! Seyðamaður í villa vestri Jústarnir vildu ráða fyri sær sjálvum 23 ára gomul endur- tekur Beatles-bragd Konsertir í granna­- lagnum Kovboykomedia, sum ger ræðu­ skítin til hetju Líggjas í Bø hevur skrivað bók um Jústa-ættina á Viðareiði Jústa-ættin og aðrar Viðareiðissøgur Líggjas í Bø 2014