hósdagur 17. juli 2014síða 10

Fríggjadagur 18. juli 2014 · Nr. 81 10 Sosialurin Hugskot og viðmerkingar – send sms til 225000 Siðsøga við Óla Jacobsen Tvær systrar doyðu av tuberklum Tað eru fáar bygdir sum eiga so nógv søgu sum Gjógv. Men tað er altíð okkurt at leggja afturat. Vit hava hitt tann 92 ára gamla Jógvan Christiansen, ættaður frá Gjógv G jógv er ein søgurík bygd, og her er eisini nógv fest á blað. Vit kunnu bara hugsa um bóka­verkið hjá Peter Jacob Sigvardsen. Okkurt ískoyti er eisini gjørt í hesi røð. Hetta var røðin við Dinnufíu og Jógvan Sofus Ferjá í 2007. Serliga Dinnafía mintist so ótrúliga væl til. Hon er eitt gott dømi um, at tosast skal við slík fólk, áðrenn tað er ov seint. Hon doyði stutt eftir hennara frásøgn, og tað var eitt satt kvett, at partur av hennara vitan er varð­veitt. Vit hava nú hitt Jógvan Christiansen, sum var dupult systkinabarn við Dinnufíu. Hon var nakað eldri enn Jógvan, men tíðin hjá teimum hevur verið nakað tann sama. Gjógv var ein uppá seg stór bygd við einum ríkum bygdar­lívi og við teimum vanlukkum, sum vóru so eyðkendar fyri hesa tíðina. Jógvan er føddur 23.10 1921, og er tískil 92 ára gamal. Hann minnist eisini ta ræðuligu van­lukkuna við Acorn í 1928, tá ið sjey menn brendu í hel. Av teimum vóru fýra gjáar­ menn. Dinnafía saman við øðrum gjáar­fólki gav sítt stóra íkast til hesa frásøgn, sum finst í bókini »Havið tók teir«. Vanlukkan var serliga mein hjá Jákup Paula Biskupstøð, sum misti 17 ára gamla Hans Jacob í hesi vanlukku og sjálvur bleiv illa brendur. Stutt frammanundan var son­ urin, Poul, dottin oman í gjónni. Sagt varð, at júst tann dagin vóru børnini í skúlanum farin útferð til gongu til Eiðis. Mamman vildi ikki lata Poul fara við, tí hon helt ætlaðu leiðina, norðari vegur, vera ov vandamikla. So skuldi hetta henda! Pápin kendur skipari Pápi Jógvan var Óli Andreas Christiansen. Hann var ein av teimum mongu skiparunum, sum kom frá Gjógv. Hann var føddur 25. august 1880 og var til sjós í mong ár. Hann tók skiparaprógv hjá brøðrunum við Stein í 1908. Hann fór til skips í 1901 við Hurricane við Poul Johannes Joensen, gamla skipara, við Gjógv. Í 1905 fór hann við Onnu við Dánjal Johannes við Sílánni á Tvøroyri. Hann var fýra ár við honum, tað seinasta árið sum besti­ maður. Hann segði eina ferð, at frægari og hampilig­ari mann enn Dánjal Johannes hevði hann ikki verið saman við. Árini 1909- 1911 førdi hann Trongisvingin. Í 1912 førdi Óli Andreas Ortariu og árið eftir Norðlýsið. Hann var heima undir fyrra heimsbardaga, men í 1920 var hann bestimaður við Star of Hope. Í 1921-1924 var hann bestimaður við Fame við Hendrik Olsen, ættaður frá Gøtugjógv men búsitandi í Fuglafirði. Hann førdi sjálvur Langanes hjá Restorff í 1925 og 1926, Alexandru í 1927, Star of Hope í 1928 og Pilot í 1930 og 1931. Hann var síðani bestimaður í 1932 og 1933 við Acorn við Poul á Brúgv á Eiði, maður við Johonnu Sofíu í 1934 við Sofus Hilduberg, sum var gjáarmaður, og flaggskipari sama ár í Grønlandi. Í 1937 var hann sum maður við Irex við Johan Magnus Lamhauge í Lamba. Óli Andreas legðist nú uppá land, men í 1949 var hann ein túr undir Íslandi við Føroyinginum sum sonurin Olrik førdi. Hann doyði á sumri 1961. Abbin Olrik Pápi Óla Andreas var Olrik. Tá ið hann doyði í 1943 skrivaði Andreas Samuelsen í Dimmalætting: Den 7. April døde i sit Hjem ved Gjov Odels­mand Joen Olrik Christiansen, godt og vel 96 Aar gammel. Den afdøde er sikkert kendt af enhver, som har haft nogen Forbindelse med Bygden Gjov. Han var en af de gode gamle Færinger, en brav Mand, som havde sine Meningers Mod, uanset om han fik Medhold eller ikke. Saafremt han ikke fik Følge, stod han alene som en Mand. Afdøde var i mange Aar medlem af Kommunalforstanderskabet for de forenede Sogne paa Østerø. Købmand S.P. Petersen ældre, i Fuglefjord, som samtidig var Forstanderskabsmedlem, har fortalt mig adskilligt fra den Tid, om hvor samvittigheds­ fuldt Olrik Christiansen optraadte, og hvor dygtigt han forsvarede sin Mening og sine Standpunkter i foreliggede Sager. Bygden og Sognets Beboere kunde være rolige for, at deres Interesser blev vel Forvaret hos ham. Personligt kendte jeg kun den Afdøde de sidste godt 30 Aar, men jeg kendte ham af hæderlig Omtale langt forinden. Han var »ein rættur maður« i besiddelse af det færøske Folkesamfunds bedste Egenskaber. Ære være hans Minde. Jógvan minnist, at Sámal Petur plagdi at vera inni hjá abbanum, tá ið hann kom til Gjáar. Tá fortaldi Sámal Petur, at eina ferð restaðu 25 oyru í fíggjarætlanini hjá kommununi. Hetta endaði so við, at Olrik vildi taka uppá seg at rinda hesa upphæddina! Jógvan greiðir frá: Tá ið abbi doyði í 1943 var stórur tørvur á viði orsakað av heimsbardaganum. Hetta gjørdi tað eisini trupult at fáa við til líkkistur. Men vit áttu eitt rekatræ, og tað varð sagað til brettir, sum ein líkinda kista kundi fáast burtur úr. Mamma kallaðist Lena. Hon gjørdist 57 ára gomul. Men tvey av systkjunum Dia og Andrea gjørdust 100 ár. Dia gjørdist 102. Jógvan og Poula Jógvan Christiansen 1. partur