fríggjadagur 18. juli 2014síða 13

juli 13 Ólavsøkan 2014 Originalarnir eru burtur – Vit eru so skjót at geva diagnosur, venda og seta í bás. Øll skulu vera líka, og rúm er ikki fyri originalunum longur, sigur Halleluja Sofus. – Eg havi valt at síggjast. Tað verður ikki øðrvísi, og tað ger eisini, at eg havi nakað at fara upp til, tí eg kann gleðast um, at eg havi torað, og at eg í dag eri góðtikin, sigur Sofus. – Eg havi valt at liva á tí stuttligu síðuni, sigur Sofus. 70.000 fólk vitjaðu Sofus – Vit hava ov lítið av talentleitarum í Føroyum. Tað er lætt hjá teimum, ið duga at koma sær fram. Men tað eru so nógv, ið fáast við ymiskt áhuga­ vert, men tey síggjast ikki í almenna rúm­inum. Ofta eru tað bestu lista­ fólkini, ið ikki duga at koma sær fram. Eg royni altíð at siga við slík fólk, hvussu fantastisk tað er, ið tey gera, sigur Sofus. Og sjálvur hevur Sofus nógvar fjepparar, ið halda nógv av tí, hann fæst við. – Eg havi eini 1000 vitjandi fólk í bilh­úsinum hjá mær summarhálvuna. Tað eru mest útlendingar, men eisini føroy­ingar. So síggja tey bilarnar, og eg syngi fyri teimum, um tey ynskja tað, og tey fáa eisini ein film um Føroyar við sær. Eg geri tað av mínum eintingum, tí eg haldi Føroyar hava tað uppiborið, sigur Halleluja Sofus. – Útlendingar eru bilsnir av, at Føroyar eru eitt framkomið land, tí myndir úr Føroyum vísa oftast fuglar, flagtekjur og so framvegis, men hetta eru ikki Føroyar í dag, metir Sofus. – Tað kemur fyri, at eittnú týsk­ arar ávegis til Ísland steðga á her, men fara als ikki víðari, sigur Sofus. – Eg geri nógv fyri at umboða Føroyar, tá eri í útlondum við bil­ unum hjá mær. Á eini sýning hevði eg 70.000 vitjandi á mínum bási, og eg hevði 50 kilo av faldarum um Føroyar við mær. Allir faldararnir vóru burtur tann fyrsta dagin, sigur Sofus, sum altíð hevur Merkið við sær á ferð. Sofus er ofta á ferð úti í heimi við sínum sermerktu akførum, og hann sæst eisini úti í heimi. T.d. fær hann nógva rúmd í útlendskum motor­ bløðum, og eisini har er Merkið við. – Eg arbeiði nú uppá ein Cadillac frá 1960, ið ætlandi skuldi standa lið­ugur í ár, men tað hevur verið so nógv annað á skránni, og pengar skulu eisini til. Eg byggi eisini eina motor­súkklu, so sigast kann ikki annað, enn at sinnið er ungt, sigur Sofus við einum smíli. – Eg havi eini 4 gamlar bilar, ið eg arbeiði við, og eg havi roknað uppá, at eg verði 130 ár, tá eg eri liðugur við teir, sigur Sofus flennandi, og leggur afturat, at í dag er alt hetta bert frítíðarítriv. – Bilarnir eru nógv eftirspurdir. Eg fái javnan tilboð um at koma á bilsýningar í útlondum, og um at fáa frítt pláss. Hetta eru pláss, ið kosta millum 35.000 krónur og 70.000 krónur, sigur Sofus, ið hevur vunnið heiðurs­tekin á fleiri framsýningum í útlondum. – Eg royni at umboða Føroyar, annað kann ikki sigast. Og stuttligt er, at fólk ofta vitja aftur. Fyri stuttum ringdi eitt par til mín, og spurdi, um hetta var sami Sofus, sum var í sending­ini hjá Gintberg. Tey spurdu, um tey kundu koma á vitjan. Tá tey vitjaðu, so spurdi konan: Kan du synge for os? Tað gjørdi eg so, tí eg helt hetta vera stuttligt, og eg elski tað, sigur Halleluja Sofus. Ein dreymur at syngja Sofus er kendur fyri akfør síni, men kendur er hann eisini sum sangari, tó at hann ikki hevur gjørt so nógv við sangin í mong ár. – At syngja og standa á palli hevur altíð verið ein dreymur. Eg sang í áttatiárunum saman við systrunum, og tað var so tað. So var stilt og eg arbeiddi eisini í útlondum í nøkur ár, sigur Sofus. Í nøkur ár hevur Sofus sungið í tí stilla, tá brúdleyp og annað hevur verið á skránni. – Men tíbetur heitti Jákup Zachariassen á meg um at royna veingir­nar aftur, so okkurt er nú ávegis, men nær útgávan kemur, er ikki lætt at siga beint nú, sigur Sofus. Elskar Havnina – Eg elski Havnina, men eg skilji ikki altíð tað, sum verður gjørt við býin, sigur listamaðurin Sofus. Til dømis skilji eg ikki tað, ið hendir úti við Skansan nú. Hví skal ein stórur bygningur kroystast niður har nú?, tað skilji eg ikki, sigur Sofus. Og Skálatrøð kundi verið flott. Staðið kundi verið ein havn fyri ferða­fólk, og kundi verið bundin í økið við gamla kirkjugarð við eini brúgv. Og vit hava tørv á einum tórs­palli. Hesin kundi verið hongdur upp yvir Skálatrøð, uttan at vit mistu parkerings­pláss, sigur Sofus, og vísir mynd av flottum bygningsverki, ið er opið,og stendur á fýra beinum, og sum Sofus eisni hevur gjørt vart við og víst á hjá myndugleikunum í kommununi. – Arkitktar hava allir lisið somu bøkur, og kanska havt somu lærarar. Eg havi ongan møguleika at byggja nakað, men tað ger onki, um ein hevur hugflog, og tað ger onki, um eg geri vart við meg og kanska gevi íblástur, metir Sofus. Ongin trupulleki at gerast 60 Tú ert júst fyltur 60 ár. Hvat sigur tú um tað? – Tað er fínasta slag! Eg leggi ikki árarnar inn fyri tað. Hatta er bara eitt tal. Ein skal halda sinnið ungt, og ikki halda, at ein ikki kann nakað, tí tú kanst!,sigur Sofus. – Hatta tími eg als ikki at hugsa um, hvørki viðvíkjandi klædnastíli ella á annan hátt. Ein kann framvegis rigga væl, um aldurin er har, um ein bert røkir seg væl, sigur Halleluja Sofus. – Tað eru fleiri tilkomnir havnar­ menn, ið eru tað, ið teir eru, og sum rigga. Ein sær teir eittnú sita í Vágsbotni, og eg hyggi nógv eftir teimum, sigur Sofus, ið ikki noktar, at hann hevur verið ein slóðari, ið hevur gjørt sítt til, at samfelagið er rúm­ligari í dag, enn fyri fáum árum síðani.