mánadagur 21. juli 2014síða 9

9 Mánadagur 21. juli 2014 · Nr. 82 Sosialurin Hugskot og viðmerkingar – send sms til 225000 Gleði meg at vitja støð sum eg kenni frá myndum Norska Sonja drotning kom leygardagin til Føroya, og eftir almenna partin av vitjanini skal hon komandi dagarnar at vitja ymsastaðni í Føroyum Danjal av Rana Myndir: Sigmar Mørkøre Leygardagin kom norska Sonja drotning til Føroya á vitj­an. Fyrsti parturin av vitj­anini var almennur, men drotn­ingin verður verandi á priv­atari vitjan í Føroyum í nakr­ar dagar. Leygardagin fingu vit orð­ ið á Sonju drotning, tá ið hon hevði vitjað í Kirkjubø.  – Her er ómetaliga áhuga­ vert at vitja. Tað er, sum at søg­an situr í veggunum. Hesi gomlu húsini, kirkjan og múr­urin hava stórt søguligt virði.  Og so er tað eisini norsk kongssøga, segði Sonja drotn­ing, eftir at Jóannes Pat­ursson, bóndi, hevði víst henni runt í Kirkjubø. Leygardagurin var einasti al­menni vitjunardagurin hjá drotningini, men hon verð­ur verandi í Føroyum til hós­ dag­in.   – Vit fara at vitja nakrar av hinum oyggjunum kom­ andi dagarnar. Millum ann­að fara vit til Suðuroy miku­dag­ in, og vit vóna eisini at vitja Gjógv og Mykines. Eg gleði meg at síggja nøkur av hes­ um støðunum, sum eg ein­ans kenni frá myndum.  Kongaskipið Noreg siglir til Suðuroy mikudagin, og sambært skiparanum ligg­ ur leiðin eisini vestur um oyggj­arnar, fyri at síggja há­bærsligu náttúruna vest­ an­fyri.  – Eg eri sera áhugað í list, og tað er ein av orsøkunum til, at eg eri í Føroyum hes­ar dagarnar, segði Sonja, drotn­ ing, tó uttan at vilja siga meiri um, hvat tað merkir.   – Eg vóni, at Føroya Lands­ stýri á onkran hátt megnar at varðveita múrin og fær lagt tak omanyvir bygningin, kanska sum vit hava gjørt við dómkirkjuleivdirnar í Ham­ar í Noregi, segði Sonja, drotn­ing. Listin dregur Sonja, drotning av Noregi, er fødd 4. juli í 1937. Gentunavn henn­ara er Haraldsen. Hon og Harald kongur møttust fyrstu ferð í 1959, men tað var ikki fyrr enn í 1967, at tá­ verandi krúnprinsurin, Har­ ald, fekk loyvi frá pápa sín­ um, Ólavi kongi, at gifta seg við Sonju, ið ikki var aðal.  29. august 1968 vórðu tey gift í dómkirkjuni í Oslo. Sonja drotning er cand. mag. í fronskum, enskum og lista­ søgu. Hon hevur eisini eina yrkisútbúgving í kjóla- og draktseyming. Líka frá ungdómsárum hev­ur Sonja drotning ver­ið áhuga í list, serliga í nú­tím­ ans list og grafikki, og eig­ur hon eina stóra privata lista­ saml­ing.   Í 2013 sýndi drotningin fyri fyrstu ferð síni egnu lista­verk fram. Tað var í eini framsýning saman við norsku listamonnunum Ørn­ ulf Opdahl og Kjell Nupen. Og tað er eftir øllum at døma Kjell Nupen at takka, at drotn­ingin í hesum døgum vitj­ar í Føroyum.   Kjell Nupen var, sam­an við Ørnulf Opdahl, læru­ meist­ari hjá drotningini fram til deyða sín í mars 2014. Í 2005 hevði Kjell Nu­pen eina listaframsýning á Lista­savni Føroya. Tað var hann, sum fyrst bjóðaði norsku drotn­ ingini at koma við sær til Føroya. Kjell Nupen doyði eft­ir stutta sjúkralegu í mars í ár, men drotningin gjørdi av, at vitjað Føroyar allíkavæl, utt­an lærumeistara sín. danjal@sosialurin.fo