mánadagur 21. juli 2014síða 11

11 Mánadagur 21. juli 2014 · Nr. 82 Sosialurin Hugskot og viðmerkingar – send sms til 225000 G! Festivalur Samanumtøka av G! Festivalinum Barbara Holm G! festivalurin megnaði enn einaferð at prógva sítt serstaka virði fyri føroyska samfelagið, tá ið ársins festivalurin takkaði fyri seg leygarnáttina. Hóast høvuðs­ nøvnini á G! ikki vóru so áhugaverd, sum tey onkuntíð hava verið, so var tón­leikurin úr Føroyum frálíkur í ár. Tey føroysku nøvnini vóru veru­liga nakað fyri seg, og saman­ setingin av føroysku bólkunum var spennandi. Samstundis kann sigast, at fleiri av útlendsku nøvnunum yvir­raskaðu, og serstakliga var íslends­ki parturin framúr. Tó so má sigast, at skráin ikki var so spenn­ andi sum onkuntíð fyrr. Osar av mentan Eingin ivi kann vera um, at G! festi­ valurin á ein frálíka hátt megnar at vera ein sýnisgluggi fyri føroyska ment­an og tónleik sum heild. G! er so nógv meira enn bert tónleikur, og til­boð­ini á økinum í ár vóru framúr. Til dømis var eitt nú eitt yoga- fjós at finna á økinum, sum før­oy­ ing­ar stóðu fyri, har til bar at fara inn og finna frið, og læra um yoga og meditatión. Samstundis var festi­valin kirkjan aftur at finna á festival­øki­num, meðan Norðlýsið var karmur um Gudstænastu fyrra­ partar. Í einum fjósi á økinum vóru eisini fleiri leikir og øðrvísi fram­ førslur á skránni. Eitt nú vóru gamlir teknifilmar sýndir fram, sum vóru áhugaverdir bæði hjá ung­um sum eldri. Í sama fjósi fór eisini ein frum­ framførsla fram á G!, og sjónleikurin var so mikið væl umtóktur, at fólk stóðu heilt út á vegin og royndu at fáa sjónleikin við, tær fýra ferðir hann var sýndur fram. Talan er um Terry'sa Saga, sum er ein stuttligt og ógvu­liga undirhaldandi útlegging av Føroyingasøgu, sum sjónleikarin Kjart­an Hansen og Eventmálaráðið stend­ur fyri. Samstundis var tað ógvuliga kær­komið at síggja í ár, at góðskan á matinum á økinum var munandi betri. Meðan vit onkuntíð hava fing­ ið pitsur og burgarar og fastfood annars í hópatali, var tað nærum einki slíkt at síggja á økinum í ár. Ístað­in vóru eitt nú framúr búffar við grønmeti, fiskasuppa og fleiri fiska­rættir, pasta bolognese, sushi og eitt breitt úrval av kaffisløgum at fáa á økinum. Alt í alt má sigast, at G! festi­ valurin á hvørjum árið hevur so nógv spennandi tilboð til vitjandi, um­framt tónleikin, at tað mangan kenn­ist sum man ongan møguleika hev­ur fyri at náa at uppliva alt, sum G! fyrireikararnir hava at bjóða. Samstundis er kenslan á G! so serstøk, tí her finnur tú allar hugs­andi partar av føroyska sam­ fela­g­num savnaði saman í einari hugna­ligari bygd, har heim, fjós, barna­garðar og alt møguligt annað verð­ur drigið inn í eitt serstakt G! hug­lag bert fyri eitt vikuskiftið. Skurrar í oyrunum Tá G! festivalurin í stóran mun er ein ímynd av føroysku mentanini í dag, og festivalurin samstundis tyk­ist verja garð um okkara felags sam­leika, kann tað ikki annað enn skurra í oyrunum, tá Stóra Sang­ løtan er á skránni. Hóast løtan er ógvuliga hugnalig og undirhaldandi á nógvar mátar, er tað mest sum niðrandi at uppliva okkara størstu sangskattar á slíkan hátt. Í ár var tað betri eydnað enn í fjør, men kortini tykist tað undrun­ ar­vert, at G! fyrireikararnir velja at lata løgini í bossanova tónar, og so­ statt taka burtur alt tað serstaka, sum er í hvørjum lagið sær. Verturin, Finnur Koba, var ógvu­ liga undirhaldandi, og tað vóru sangararnir í stóran mun eisini. Men tað var eyðsæð, at fleiri teirra ikki megnaði at fylgja við í bossa­ nova taktunum, og tískil var tað til tíð­ir tærnakrympandi. Samstundis tykist tað óhóskandi at lata sangskattir okkara í slíkan búna, tí allir sangirnir vera mest sum líka. Hóast hugskotið er rætti­ liga stuttligt hevði tað ivaleyst verið lætt­ari at svølgt, um temaði skifti á hvørj­um ári, og ikki var bossanova ár eftir ár. Føroyska mentanin væl fyri Hóast Stóra Sangløtan helst ikki fellur á góða jørð hjá øllum, so má sigast samanumtikið, at ein sangløta av slíkum slag - tað vil siga við fleiri ymiskum sangar­um, og einum stórskíggja við tekstu­ n­um - riggar ógvuliga væl inn í G! huglagið. G! umboðar alt frá vík­ inga­m­entan til yoga, og alt har ímill­um, og er eitt sera gott dømi um, at vit í Føroyum hava eina ríka ment­an, sum á ongan hátt stendur í stað. Vit síggja á hvørjum ári, at eld­sálir kring landið skipa fyri spenn­andi átøkum av ymsum slag, og tað er avgjørt at fegnast um. Samstundis er Syðrugøta nakað fyri seg, og spælir ein stóran leiklut í, at G! helst er tað besta dømi um nakað serføroyskt, sum vit kunnu vera errin av. barbara@sosialurin.fo G! mentanin slær ikki feil Á hvørjum ári streyma túsundtals føroyingar og útlendingar til Syðrugøtu at uppliva G! festivalin, og aftur í ár prógvaði festivalurin hví. Tað er kanska ikki tey stóru høvuðsnøvnini, sum lokka fólk til sín, men serstaka mentanin á G! er nakað, sum helst ikki ber til at uppliva aðrastaðnis. Vit taka samanum festivalin, og nevna nøkur av hæddarpunktunum á ársins festivali