hósdagur 24. juli 2014síða 16

Fríggjadagur 25. juli 2014 · Nr. 84 28 Sosialurin Hugskot og viðmerkingar – send sms til 225000 ítróttur ólavsøkuróðurin Vestanstevna er farin aftur um bak, og tríggir føroyameistarar eru longu kosnir. Men spenningurin er í hásæti í fleiri øðrum róðrum Marita á Rógvi Á Vestanstevnu vórðu tríggir FM-vinnarar kosnir – Erla Kongsdóttir í fimm­anna­ førum við kvinnum, Jarn­ bardur í seks­manna­førum við kvinnum og Drekin Reyði í tíggjumannaførum. Í hinum FM-kappingunum er púra opið í stríðnum um gull­krónurnar, sum verður avgjørt á ólavsøku. Tískil er lagt upp til eitt brak, tá ið báts­manningarnar spenna í á síðstu stevnu í ár. Ólavsøkuróðurin Ólavsøkuróðurin er heilt serligur. Fyrst og fremst er teinurin einans 901,25 metrar í mun til teir 1000 metrar­nar, ið hava verið á teim­um seks undanfarnu stevn­unum. Harumframt hava manningarnar hava havt 18 dagar at fyrireika ársins síðsta róður. Orsakað av, at so long tíð er millum vestan­stevnu og ólavsøku, kunnu úrslitini á ólavsøku taka áskoðaran á bóli, tí hvør hevur fingið mest burturúr venj­ingini? Hvør bátur fær form­kurvuna at vera í hæddini tann 28. Juli? Eisini er ólavsøkan heilt serlig, tí hetta er síðsta stevnan í róðrarárinum. FM- vinnararnir og ólav­søku­ vinn­ararnir verða kosnir, og Út­varpssteypið og Niklas í Koltri-steypið verða latin fyri heilt serlig avrik. Heilt serligt er at standa sum FM- og ella ólavsøkuvinnari framman­ fyri eini mannamongd, ið fagnar manningunum og Ólavi kongi. Flestu rógvarar munnu semjast um, at betur kenslu fært tú ikki so rógvari í Føroyum. Spurningurin er, hvør fer avstað við ymsu heitunum í ár? 5. mannafør gentur: FM-stríðið í hesum róðri stend­ur millum Drekan úr Havnar Róðrarfelag og Silju úr ÍF-Kappróðri. Báðir bátar hava 36 stig, so tann bátur, ið verður fremri gerst eisini Føroya­meistari. Tískil er spenningurin í hásæti í hesi kapping. Drekin stóð seg best á trimum teimum fyrstu stevn­unum, meðan Silja veru­liga hevur sýnt styrki í sein­astu trimum róðrunum. Nú hava manningarnar 18 dagar at fyrireika seg, og tað er avgerðandi, hvussu venjingar­ætlanin verður snikkað saman. Við Per Venned sum venjara, ið hevur drúgvar royndir við Nevinum Reyða, Páll Fanga og Klaks­víkingi, hevur Silja ein gløggan heila handan venjingar­ætlanina. Saman við góðu gondini hjá Silju bendir alt á, at tær eru favo­ rittar at vinna bæði FM og ólav­søku­róðurin. 5. mannafør dreingir: FM-stríðið í hesum bólki stendur millum Fípuna Føgru og Blik. Fípan Fagra er á odda við 41 stigum, meðan Blikur hevur 37 stig. Fípan Fagra hevur einans mist eitt stig í hesum róðrarári, og tað var á Eystanstevnu. Eftir hendan róður, hava teir sýnt sannførandi styrki á vánni, og tað tykist sum tað verður trupult at taka klaks­ víks­dreingirnar í ár. Tískil er Fípan Fagra favorittur at vinna bæði ólavsøkuróðurin og FM-heitið. Men Blikur hev­ur áður sýnt, at hann kann hótta Fípuna – møgu­ liga megnar Blikur hetta á ólav­søku? 5. mannafør kvinnur: Í hesum bólki vann Erla Kongs­dóttir FM-heitið á vestan­stevnu. Spenningurin er tískil, hvør vinnur ólav­ søku­róðurin. Erla Kongs­ dóttir er favorittur, tí bát­urin hevur vunnið greitt á øllum stevnum. Nærmastu kapp­ ingar­neytarnir hava verið Havfrúgvin og Sílið. Við so royndari manning kann ein vænta, at Sílið veruliga fer at hótta Erlu Kongsdóttir. Tað er ikki óhugsandi, at Sílið eisini kann vinna á Erlu Kongsdóttir. Spurn­ing­ urin er, hvussu nógv Sílið megn­ar at betra seg innan 18 dagar. Mann skal heldur ikki gloyma Hav­frúnna, sum hevur lagt alla orku í fyri­ reik­ing­ina til ólav­søk­una longu eftir fjarðastevnu­róð­ urin. 6. mannafør kvinnur: Eisini í hesum bólki er FM-stríðið longu av­greitt. Jarnbardur er føroya­ meist­ari, og spenningurin er tískil, hvør verður ólav­ søku­vinnari. Í hesum róðri er Jarn­bardur greiður favo­ rittur, men ein skal ikki gloyma Sølmund, sum hevur sýnt gott róðrarlag sein­astu róðrarnar. Eisini verður spennandi at síggja, um Páll Fangi kemur undan kavi til ólavsøkuróðurin, ella um gomlu Jarnbarda­ legendurnar á Herningi gera eitt comeback eins og í 2012. Tær kunnu um nakar hótta Jarn­bardi. Tað vístu tær í Miðvági, tá tær róðu bestu kvinnutíð, hóast tær rógva sum »masters«. 6. mannafør menn: Í hesi kapping stendur FM- stríðið millum Hvessing og Jarnbard, sum hava ávíkavist 38 og 33 stig. Hvessingur hev­ur sýnt besta róðrarlag í ár. Tað sýnist, sum einasti veru­ligi kappingarneytin hjá Hvessingi er Páll Fangi, og hann rør væntandi ikki á ólav­søku, tí Klaksvíkingur vænt­andi verður mann­ aður. Rør Páll Fangi ikki, er mest sannlíkt, at Hvess­ingur vinnur bæði FM og ólav­søku­ róðurin, tí Jarnbardur hevur ikki sýnt somu styrki eins og á norðoyastevnu. 8. mannafør: Í áttamannafarsróðrinum stendur FM-kappingin mill­ um Kvívíking og Knørr, sum hava ávíkavist 40 og 35 stig. Kvívíkingur hevur vunn­ið fýra róðrar greitt, meðan Knørrur og Mið­ vingur hava vunnið hvør sín róður. Tað skal ganga illa, um Kvívíkingur ikki gerst føroya­meistari. Ólavsøku­ róðurin er púra opin, tí allir bátar hava sýnt megi og veik­ leikar. Tað tykist tó, eins og Miðvingur hevur betrað seg mest, meðan Knørrur ikki hev­ur betrað seg eins nógv. Rakar Kvívíkingur dagin, kann hann uttan iva vinna ein greiðan sigur. Eisini í hes­um bólki er avgerðandi, hvussu manningarnar fyri­ reika seg fram til ólavsøku. 10. mannafør: Í tíggjumannafarsróðrinum er Drekin Reyði Føroya­ meist­ari. Spenningur hevur ikki verið í hesum róðri í ár, men á ólavsøku kunnu bæði Vestmenningur og Klaks­víkingur hótta Drekan Reyða. Rør Klaksvíkingur á ólav­søku, kann hann uttan iva eins væl vinna róðurin og Drekin Reyði. post@sosialurin.fo Mynd: Álvur Haraldsen upptakt kappróður