hósdagur 31. juli 2014síða 26

Fríggjadagur 1. august 2014 · Nr. 85 14 Sosialurin Hugskot og viðmerkingar – send sms til 225000 ítróttur ítróttur Jóannes Hansen Fótbólturin er av álvara farin á rull aftur. Tað er stutt millum umførini, og tá ið tað samstundis kring ólav­søkuna er uppaftur longri millum bløðini, enn tað plagar at vera, so ber tað bara til at taka saman um tað, sum var í 16. umfari og sam­stundis at hyggja fram ímóti viku­skiftinum, tá ið 17. umfar er á skránni. Tá sær skráin soleiðis út: Skála-B68 (leygarkvøldið kl. 18.00), KÍ- NSÍ, EB/Streymur-B36 og HB-AB (sunnudagin) og ÍF- Víkingur (mánakvøldið). Ólavsøkuumfarið bar ikki stórvegis broytingar við sær í toppinum. B36 er framvegis sjey stig frammanfyri HB, sum tó flutti seg tættari B36 á tann hátt, at nú er mál­mun­ urin HB til fyrimunar (+1). Hann hevur annars verið betri hjá B36. Kiksaði heilt hjá B68 Eftir 1. hálvleik bendi einki ólav­søkuaftan á, at HB skuldi vinna 6-0 á B68. Væl upplagdi Kristin R. Mouritsen setti hol á í 2. minutti eftir fínt ein­ mans­avrik í vinstru, men so gekk væl hjá toftamonnum at halda tørn og eisini í ein­ støkum førum at hótta mót­ støðu­málið. Beinanvegin eftir hvíld­ ina økti HB, og so var spurn­ ing­urin bara, hvussu stórur heima­sigurin fór at verða. Styrkin hjá B68 var í 1. hálv­leiki samvinnan. Eftir steðgin sást, at dystar­venj­ ing­in hjá HB var betri, og tá ið gestirnir fóru at linkast, og skipanin datt sundur, og per­sónligu mistøkini vórðu fleiri, so skolaðu mál­ini ígjøgnum hjá Hans Jørgensen, sum fyri fyrstu ferð í ár vardi B68 málið. Merkisvert var tað, at tofta­menninir í HB – Fróði Benjaminsen og Jóan Símun Edmundsson – skoraðu helm­ingin av málunum. At B68 legði rygg til ein so­ vornan sekk bar við sær, at B68 eftir 16. umfar er niðast á støðutalvuni. Málmunurin er verri, enn hann er hjá Skála, sum higartil hevur ver­ið aftast. Leyp einki av hjá B36 Í B36 skýlinum var fagnað­ urin stórur nakrar minuttir í klokkan seks ólavsøkudag. Tá ið Dagfinn Forná bríksl­ aði fyri síðstu ferð, var talan um stóran lætta. KÍ mink­aði um munin til 2-1 við bein­leiðis frísparki, tá ið tað restaðu fimm minuttir. Dómarin legði fýra minuttir aftrat vanligu leiktíðini, og ta løt­una vóru nervarnir uttaná í B36 leguni. KÍ spenti álops­ bogan, og tað vóru nær við og næstan støður í B36 brots­ teig­inum. Toppliðið hevur verið meiri sannførandi fyrr í ár, enn tað var hesa ferð. Fram­ rætt­aða spælið hekk ikki væl saman, og í verjuni hevur tað sæð betri út. Avgerandi løtan var, tá ið ein tími var farin, og útlendsku álopsspælararnir vístu, at teir hava risa týdn­ ing fyri B36. Bæði 1-0 og 2-0 málið komu úr vinstru. Í fyrra førinum sendi Lukasz Cieslewicz av brots­teigar­ mark­inum og umvegis hand­ aru stólparótina og í málið. Í seinna førinum var tað lætt hjá Adeshina Lawal at sneiða seg leysan eftir stórt mistak í KÍ uppspælinum í høgru. – Tað snúði seg um at vinna við einum máli, og tað gjørdu vit. Vit fegnast, tí hetta var ikki besti dysturin hjá okkum, staðfesti vong­ verjin Høgni Eysturoy. Klaksvíkingar vóru sera miðvísir og disiplineraðir í verju­spælinum í 1. hálvleiki. Teir arbeiddu hart, og tað rigg­aði væl hjá Heðini Klakstein at skugga Róald Jakobsen. Páll Klettskarð varð eftir innlegg úr vinstru tvær ferðir spældur púra leysur mitt fyri málinum. Í fyrra førinum rakti hann ikki bóltin, tá ið hann skuldi seta innaru síðuna á, og í seinna førinum sendi hann við høvdinum við síðuna av málinum. – Tað gekk væl hjá okkum mesta partin av tíðini, men tá ið vit blundaðu í fimm minuttir, vórðu vit sektaðir. Tað verður man av so góðum spælarum. Vit iðra okkum, tí vit stóði einki aftanfyri B36 og høvdu betri uppiborið, helt KÍ veteranurin Hjalgrím Elttør, sum skoraði KÍ málið. ÍF slapp við skrekkinum Clayton Soares er komin aftur til Fuglafirðar eftir frítíð og viðgerð fyri knæ­ skaðan heima í Brasil. Sunnu­dagin skoraði hann sigursmálið til 1-0, tá ið eitt korter var farið av heima­ dystinum ímóti Skála. Eftir steðgin var Skála heilt væl við, og tað hevði einki for­gjørt verið í tí, sum skála­menn høvdu fing­ ið í hvussu so er javn­leik. Eitt nú var nýggi álops­ spæl­arin, Ahmed Keita, sum kom á vøllin beinan­ vegin eftir steðgin, púra leysur frammanfyri Jákupi Mikkelsen. Júst henda støðan er ein av ser­grein­ unum hjá veteran­inum í ÍF mál­inum, og tað sást aftur í, at Keita sendi bóltin skeivu megin stólpan. – Tað hekk munandi betri saman hjá okkum í 2. hálv­ leiki. Soleiðis sum spælið mynd­aðist, so hevði tað verið uppi­borið, um vit javnaðu, helt Skála miðverjin Petur Pauli Mikkelsen. ÍF venjarin Albert Ellefsen fegnaðist um, at tað eydnað­ist hansara monnum at vinna fulla úrtøku: – Fyri okkum var talan um seks stiga dyst. Um vit taptu, so vóru vit partur av niður­flytingarstríðnum. At vit vunnu ber við sær, at vit nú eru væl við í kappingini um fjórða plássið, staðfesti ÍF venjarin. AB misti tvær ferðir Fyri triðju ferð síðani 2010 hittust AB og EB/Streymur á í Gundadali heldur fram fótbóltur Tað leyp einki av, tá ið B36 helt tørn í toppinum, og HB tók seg eitt vet nærri grannunum við stórsigri á B68, sum nú er niðast av øllum og í annaðkvøld verður partur av botnuppgerð á Skála LIÐ TÍÐINDI AB B36 B68 EB/Streymur HB Leikbann: Sorin Anghel Ikki við: Bárður Olsen (Burturstaddur) og Aleksandrs Cekulajevs (Burturstaddur) Allir mans tøkir Skaddir: Óli H. Olsen (fótliður), Remi Langgaard (fipurspreinging) og André Olsen (ikki klárur enn) Ivasamir: Jonleif Højgaard og Evrard Blé Ikki við: Ibrahima Camara (uppihaldsloyvi) og Bjarki Johannesen (uttanlands) Ivasamur: Brian Olsen (Fótliður) Leikbann: Høgni Madsen Skaddir: Símun Samuelsen (Hælsinan, óvist), Gunnar Haraldsen (Lýskan), Heini Vatnsdal (Fibur, vikur), Christian R. Mouritsen (Fóturin, óvist) og Tróndur Jensen (Knæið) Leikbann: Fróði Benjaminsen Ivasamur: René S. Joensen Tvíkappingin