týsdagur 5. august 2014síða 6

Mikudagur 6. august 2014 · Nr. 87 6 Sosialurin Hugskot og viðmerkingar – send sms til 225000 vivino Netverk er alt ”Businessdating” er sum áður nevnt ein av­gerandi part­ ur av at leiða eina fyri­tøku í USA, og tað er lætt í USA, tí amerikanarar eru so lættir at koma í samband við. - Fólk her eru seljarir, og tí er alt eittsindur ljósareytt. Tað venur man seg við. Tey halda, at eg eri øgiliga undir­spældur við mínum nordiska hátti at vera uppá. Eg haldi, at longur norður tú kem­ur, meira introvert eru fólk, sigur Heini. Tað kann skapa misskiljingar. - Sigi eg 100 prosent, so meini eg 100 prosent, men tey siga 120, um tey meina 100. Á tann hátt skal man líka finna hvønn annan, og tú lærir skjótt at draga eitt­ sind­ur frá, tá tú hevur við amerikanarar at gera, sigur Heini Zachariassen. - Opinleikin ger tað lætt at koma í samband við fólk, og tú kanst fara til frokost sam­ an við einum ótali av fólk­um, sum møguliga, møgu­liga ikki, kunnu vera við til at skapa tína fyritøku, ella beina hana á eina ávísa kós. Tað kann vera onkur, sum hevur eitt hugskot til, hvønn tú kanst tosa við, ella hvat tú kundi sett teg inn í. Tað kann eisini føra bein­leið­is samstarv við sær. Onkun­tíð førir tað einki við sær, men tað ger einki – tað nýt­ist ikki at føra til nakað, sig­ur Heini. Øðrvísi leiðslustílur Amerikanska mentanin er øðr­vísi enn danska og før­ oyska á ymiskan hátt. Eitt nú er leiðslustílurin øðrvísi í USA. - Skandinavar hava tað við at seta kritiskar spurn­ ing­ar til leiðsluna, kanska í so nógv, meðan man í USA aldrin sigur leiðsluni ímóti. Tað kann eisini verða vanda­mikið. Mær dámar væl, at fólk siga sína hugsan, tí tað kann vera, at eg taki feil, sig­ur Heini. Hann hevur fyrr bygt eina fyritøku upp, og selt hana, tá hon bleiv størri, men hann veit ikki um hann verð­ur troyttur av Vivino. - Eg haldi, tað er stuttligari at leiða eina lítla fyritøku. Tá tú kemur upp um 100 starvs­fólk byrjar tað at taka langa tíð at gjøg­num­føra eina avgerð. Ein lítil fyri­tøka gevur tær frí­ari ræs­ir, sigur Heini. Hann seldi anti­virus­fyri­tøku­na Bull­ guard í 2010. At flyta alla familjuna til USA var eitt stórt stig, og børn­ini, sum eru 16, 13 og 8 ár skuldu byrja eitt heilt nýtt lív í USA. Tann elsta dóttirin, Bar­bara hevði flutt aftur til Dan­ markar beinanvegin, um hon kundi, heldur Heini. Tann ynskta, Paula, sum hevði tað ringast, tá tey komu, tí hon ikki dugdi enskt, tosar nú flótandi og stór­trívist. Kona Heina, Mai­britt, ger sjálvboði arbeiði í skúlanum hjá børn­unum, eins og nógvar aðrar mamm­ur í umráðnum. Bastian, mið­ ling­urin, hevur stóra gleði av, at verða ein høgur ung­ ur maður, tí kurvabóltur er tað heilt stóra í USA. Sum heild trívist familjan. - Veðrið her er fan­ tast­iskt, her er vakurt, og vit eru sera fegin um almenna skúl­an, so vit eru sum heild fall­in væl til, sigur Heini Zacharias­ sen. Hann veit ikki at siga, nær tey venda aft­ur til Danmarkar. Tað er ein fyrimunur at bróðurin Per eisini býr í USA, og ein vin­ mað­ur, býr somuleiðis í sama umráði. fakta Heini Zachariassen er 42 ár og er uppvaksin í Hoyvík. Hann er bróður Per Zachariassen, sum bleiv serliga kendur, tá hann framleiddi danska X-Factor sendingarnar og í vár varð heintaður til Danmarkar frá USA at standa fyri Eurovision, sum Danmark var vertur fyri. Harumframt hevur Heini ein eldri bróður, Martin Zachariassen, sum er leiðari og professari á Datalogisk Institut á lærda háskúlanum í Keypmannahavn, og eina systir, Annu, sum starvast sum samskipari á Professiónsháskúlanum í Keypmannahavn, Metropol. Heini er giftur Maibritt Juul Zachariassen og saman hava tey trý børn. Barbaru, sum er 16 ár, Bastian, sum er 13 ár og Paulu, sum er átta ár. Børnini ganga í skúla í San Fransisco og Maibritt ger nógv sjálvboði arbeiði í lokala skúlanum, eins og nógv onnur, ið eru komin til landið við einum maka, sum vil royna eydnuna. Eftir 9. flokk fór Heini í bankalæru í Fossbankanum. Síðan gekk leiðin á Handilsskúla úti í Marknagili, og síðani fór hann til Danmarkar, har hann tók HA. Undir útbúving hitti Heini nakrar ungar menn, sum hann stovnaði antivirus fyritøkuna Bullguard saman við. Bullguard vaks skjótt, og í 2006 varð Heini valdur til top 100 talent av vinnublaðnum, Berlingske Business. Í 2010 seldi Heini síni partabrøv í Bullguard og var eitt skifti nevndarformaður í Føroya Tele. Hann sat somuleiðis í nevndini í íverksetaragrunninum SET. Í 2009 byrjaði Heini at arbeiða við hugskotinum til vínapplikatiónina, Vivino. Í 2013 fekk hann risaíløgu á 10 milliónir dollarar í fyritøkuna og flutti til San Fransisco, California í august 2013. Tað er umráðandi at vera har tað hendur, sigur Heini Zachariassen, sum flutti til San Fransisco við allari familjuni í august 2013 Turrur fiskur kann eisini njótast í sólini í San Fransisco