týsdagur 1. juli 2014síða 53

53 Mikudagur 2. juli 2014 · Nr. 74 Sosialurin Hugskot og viðmerkingar – send sms til 225000 merkisdagar Góda Gumma og Gubbi Hjartaliga tillukku við tykkara fødingar­ døgum, gumma tú verð­ur 80 ár 26/7 og gubbi tú bleivst 80 ár 24/6. 80 ár er ein høgur aldur, men tá man er so væl fyri sum tit hev­ur aldurin einki at siga. Vit báðir “synirnir” hildu at tað var upp á sítt pláss, at tit fingu nakrar reglur í fjøl­ miðli­num. Tit hava altið staðið okkum nær, líka sum við altíð hava følt og føla at vit eru nakað serligt hjá tykkum. Vit eiga manga gódar stundir sam­an vit tykkum. Bara fyri at nev­na onkrar løtur, so kundi tad verði, ein gódan duss, blund á bonki­num, fótbólts kampar, fjall­dag­ar, flettingarløtur, vitjan­ir av tykkum báðum úti á Gadd og í Varde og mangt annað, sum vit við gleði kunnu minnast aftur­á. Gumma er næst elst av 8 systkjum og elsta dóttir í heimi­n­um á Høgabakka. Sum gumma plagar at siga, so gekk tað rúm tíð, áðrenn nøkur systir kom aftur­at. Omma átti nevniliga tríggjar dreingir áðrenn tann næs­ta systirin kom. Gumma plagar at taka til, at tá var stórur munur á gentum og dreingjum. Beiggjarnir slup­pu tá í tíðini, lætt tá tað kom til tað húsliga arbeiðið. Og tá tað kom til innfaringar tíðir um kvøldarnar, so skuldi tú altíð listra ordrar, men hjá beiggj­ unum var ikki so farligt. Beiggj­ar­nir vóru livandi, og skaptu teir sjálv­andi eina stóra rúgvu av skit­num klæðum, og sjálvandi var alt vaskað við hond, mangan var hetta tín uppgáva. Og fyri at lætta um hjá Ommu, tókst tú sjálvandi eisini títt tørn, tá kúgv­in skuldi mjólkast. Gumma tú hevur altíð verið sera vælgjørd, tað vita vit eisini í dag. Tí er tað eingin ivi, at tú hev­ur verið til stóra hjálp hjá mammu og pápa tínum, sum eisini tíni systkin hava notið gott av. Abbi tín turkaði fisk á Kópa­skeri og har lá tín partur heldur ikki eftir. Nora var á húsarhaldskúla í Nørre Nissum, sum mangar aðr­ar føroyskar gentur. Her hevði tú nógv og góð minnir saman við bæði donskum og føroyskum vin­konum. Gumma arbeiddi á Hotel Før­oyum og kenna vit teg rætt, hev­ur tín partur heldur ikki ligið eftir her. Í hesari tíðini minnist tú til manga góða søgu, millum ann­að ein bleiv ein frakki keypt­ur uppá avbetaling. Tit fingu tvær gentur, har av bert tí einu untist at liva tvey ár saman við tykkum. Báðar gentur­nar vóru kallaðar Sólborg, tað er ikki ov nógv at siga, at tær hava verið og eru tykkara eitt og alt. Ommu og abbadóttirin Nora kom seinni, og hon hevur eisini verið eitt vælsignilsi fyri tykk­ um. Gubbi er elst av 7 systkjum. Gubbi vaks upp á Glyvrum, og sum so mangur drongur tá á døg­um fór hann sum ungur til skips. Har hann eigur nógv og góð minnir, serliga er tað tíðin við Kolumbusi við Jákup Andrias Vang sum skipara , ið fyl­l­ir nógv. Gubbi hevur verið virkin á fleiri økjum. Har hann hevur ging­ið uppí arbeiðið við lív og sál. Politikkarar ganga høgt uppí, at gera avrikslistar sum sjálv­andi vísa á, hvat teir hava av­rik­að. Um vit skuldu gjørt ein tílíkan til gubba, so hevði hann verið nakað soljóðandi: Ar­beitt hjá Landsverk í meira enn 40 ár, brandmeistari og sam­stundis eisini varða­bruna­um­skjón­armaður í meira enn 25 ár, selt billettir fyri Støkk í nógv Harrans ár, røktingarmaður á Hvít­ urð í 40 ár, fjallmaður í meira enn 50 ár. Umframt at tú altíð hevur verið sera góður við okkum báðar, og altíð verið klárur við einari hjálpandi hond. Takk fyri tað. Við hesum fáu orðum vilja vit báðir ynskja tykkum báðum hjartaliga tillukku við degnum, og má Harrin framhaldandi verða hjá tykkum. G,A. Nora og Martin Magnussen 160 ár