týsdagur 22. juni 2004síða 2

2 Nr. 116 - 22. juni 2004 Nr. 116 - 22. juni 2004 3 Listin í hásætið á Varmakeldu Ongin ivi er um, at fuglfirðingar hava valt mentan og list sum vørumerki fyri Varmakeldustevnuna í ár. Umframt stór- sligna samtakið »Menniskja í Søgu og søgn«, fáa stevnugest- irnir eina ørgrynnu av øðrum listarligum upplivingum at velja ímillum á Varma- keldu, sum verður í døgunum 1.- 4. juli VARMAKELDA Anna V. Ellingsgaard anna@sosialurin.fo Listarligu tiltøkini á Varma- keldu byrja longu miku- kvøldið 30. juni kl. 20.00. Eftir at Jógvan á Lakjuni hevur sett Varmakeldufram- sýningina í Mentanarhúsin- inum, verða tveir fyrilestrar um list á skránni. Bárður Jákupsson fer at tosa um føroyska list, og Petur Mart- in Petersen og Brynhild Petersen fara at halda fyrilestur um ávikavist lívið og listina hjá listamanninum Jóanesi Kristiansen. Hósdagin 1. juli lata síð- ani ein røð av ymsum fram- sýningum upp, har høvi verður at síggja og hoyra verk hjá bæði føroyskum og útlendskum, kendum og minni kendum listafólkum »Vanvart« Í Riberhúsi hevur leirlista- konan Gurðið Poulsen eina forvitnisliga stakfram- sýning, sum hon nevnir "Vanvart". Heitið sipar til tilfarið, tann brenda stein- toysleirin, sum bæði er ótrúliga sterkur og óbroyti- ligur, men samstundis skroypiligur og lætt støkkur sundur. Í summum verkum hevur listakvinnan toygt leirin so langt, at hann er á markinum, har hann ikki "kann ella vil" meira. Men heitið "Vanvart" er eisini ein tilsiping til menniskja- lyndið, sum á ein gátuføran hátt kann tykjast so óvika- ligt og sterkt, men sam- stundis er so veikt og við- brekið. Øll verkini á hesi fram- sýningini hjá Gurðið Poulsen eru nýggj. Út úr kjallaranum Í fimleikarahøllini letur afturvendandi Varmakeldu- framsýningin upp, og hevur hon hesuferð fingið heitið "Blandað list". Hóast fram- sýningin ongantíð hevur havt nakra skipaða nevnd, og kom í lag í síni tíð mest fyri at lokka listafólk "út úr kjallararnum", sum ein av fyrireikarnum tekur til, so hevur hon yvirlivað og kann í ár hátíðarhalda sín 35 ára føðingardag. Kanska hetta eisini hevur givið øðrum listafólkum hug og dirvi at kaga út úr kjallaranum. Í Gomlu Toy- stovuni lata tey ungu dyrn- ar upp til framsýningina "Ung List", har flestu lista- fólkini eru undir 30 ár. Frá fyrireikarnum frætta vit, at tey ungu hava sýnt hesi framsýningini ógvuliga stóran áhuga. Okkurt bend- ir á, at ung listafólk tora betur at bjóða seg fram, tá tey vita, at øll hini á fram- sýningin eisini eru lut- fallsliga nýggj í listayrk- inum, halda fyrireikarnir. Tey menningartarnaðu smæðast heldur ikki burtur. Hesuferð eru tað tey á Verkhúsinum Stíggur, sum saman við Ogga Lam- hauge, pedagogi og grafik- ara, sýna fram myndir og lutir. Framsýningin "Menn- ingartarna saman við Ogga" verður at síggja í Stórhúshøll. Útlendsk luttøka Tað vera tó ikki bara før- oyskar listaframsýningar at síggja á Varmakeldu í ár. Í Arbeiðsmannafelagshúsinu m fer danski listabólkurin 7:9:13 at sýna fram. Hetta eru somu listafólkini, sum hava gjørt standmyndirnar, sum í løtuni verða settar upp á ytra armi í bátahyl- inum í Fuglafirði. Sum nakað rættiliga øðr- vísi verður Kommunuhús- kjallarin hesar dagarnar karmur um eina ljóðmynd. Tað er íslendski ljóðlista- maðurin Baldvin Ringsted, sum við fløguspælarum og 16 hátalarum fer at skapa eina ljóðuppseting, sum skal ímynda samskiftið millum norðurlendskan og amerikanskan tíðaranda. Kort yvir listina Av tí at so nógvar framsýn- ingar hava opið samstundis, eru nærum øll hóskandi høli í bygdini tikin í nýtslu. Hesi liggja rættiliga spjødd, og tí er ætlanin, at tey vitjandi bert skulu nýtast at keypa eitt atgongumerki, sum so er galdandi til allar framsýn- ingarnar. Saman við at- gongumerkinum, sum verð- ur keypt í fimleikarahøllini, fáa fólk eisini útflýggjað eitt lítið kort yvir, hvar í bygdini hinar framsýningarnar eru. Eisini verða gøturnar í bygdini merktar við littum pílum, so ongin trupulleiki skuldi verðið at finna tað, tú leitar eftir. ALV-stýrið vil einki siga Hóast ónøgdsemi og ákærur frá bæði Øssuri av Steinum sjálvum og næmingum á ALV-skúl- anum vil ALV-stýrið ong- ar viðmerkingar gera til málið um umstríddu upp- søgnina av skúlastjóran- um Við Áir. - Sum vit áð- ur hava víst á er hetta eitt persónsmál, og vit vilja ikki fara út í fjølmiðlarnar við viðmerkingum um eitt persónsmál, sigur Doris Hansen, forkvinna í nevndini í ALV. ALV-stýrið átti at verðið skift út – Sambært lógini skal ALV-stýrið skift- ast út eftir fýra ár- um, og núverandi stýrið hevur sitið síðani 1. januar 2000. Tí er tað sera løgið og harmiligt, at stýr- ið í síni egnu yvirtíð tekur eina so drast- iska avgerð og sigur skúlastjóran Við Áir upp, sigur Jóannes Eli Iversen, fakfelags- formaður hjá Øssuri av Steinum UPPSØGN Heini í Skorini heini@sosialurin.fo Uppsøgnin av skúlastjór- anum á ALV-skúlanum Við Áir hevur vakt miklan ans. Doris Hansen, for- kvinna í ALV-stýrinum, vil ongar viðmerkingar gera til uppsøgnina av Øssuri av Steinum í fjølmiðlun- um, tí talan er um eitt per- sónsmál, og nú hevur fak- felagið hjá Øssuri av Steinum, Føroya Lærara- felag, kært framferðarhátt- in hjá stýrinum til avvarð- andi landsstýrismannin í almanna- og heilsumálum, Hans Paula Strøm. Formaðurin í Føroya Lærarafelagi, Jóannes Eli Iversen, sigur, at við kær- uni hevur fakfelagið gjørt tað, sum stendur í teirra makt at ávirka støðuna, og sambært Dimmalætt- ing fer Hans Pauli Strøm at viðgerða málið í kom- andi viku. Stýrið sitið ov leingi Fakfelagsformaðurin hjá Øssuri av Steinum sigur seg harmast um viðferð- ina, Øssur hevur fingið frá stýrinum. – Skúlastjórin Við Áir hevur gjørt eitt pionerar- beiði á ALV-skúlanum og verið har í mong harrans ár. Tí er tað løgið og harmiligt, at hann fær slíka viðgerð frá stýrinum, sigur Jóannes Eli Iversen. Men fakfelagsformaðurin hevur eisini aðrar ákærur móti ALV-stýrinum. – Sambært lógini skal ALV-stýrið skiftast út eftir fýra árum, og núverandi stýrið hevur sitið síðani 1. januar 2000. Tí er tað sera løgið og harmiligt, at stýr- ið sigur skúlastjóran upp í síni egnu yvirtíð, sigur Jóannes Eli Iversen. Stýrið skuldi sambært honum sostatt verið skift út, og við hesum í huga er drastiska avgerð teirra sera undranarverd. Jóannes Eli væntar, at nývalið í januar mánaði er ein orsøk til, at stýrið ikki er skift út. – Samanumtikið bakka vit Øssur av Steinum upp í hesum máli, og nú hava vit so kært uppsøgnina til landsstýrismannin, sigur Jóannes Eli Iversen, for- maður í Føroya Lærara- felagi. C M Y K 3 2