hósdagur 3. juli 2014síða 29

29 Fríggjadagur 4. juli 2014 · Nr. 75 Sosialurin Hugskot og viðmerkingar – send sms til 225000 ítróttur fjarðastevnuróður kappróður upptakt Leygardagin 5. juli verður fimti FM-róður í hesum róðrarári. Leiðin gongur til Vestmanna, ið hevur hýst Fjarðastevnuni annaðhvørt ár síðan 2003, tá stevnan varð løgd afturat teimum upprunaligu seks FM-stevnunum. Áðrenn leiðin gongur til Vestmanna, leita vit aftur til jóansøku á Vágsfirði, ið enn einaferð borðreiddi við óvæntaðum vinnarum og hendingum Marita á Rógvi Í fimmannafarsróðrinum við dreingjum fingu vit aftur nýggjan vinnara, tá Fípan Fagra fekk stavnin fram um Blik. Minni enn eitt sekund skilti bátarnar, tá ið mál­dóm­ arin lat skotið av. Í fimmannafarsróðrinum við gentum kom eisini nýggj­ ur vinnari undan kavi. Silja úr Fuglafirði tók øll á bóli og legði Drekan aftur um seg við meira enn einum sek­undi. Tað sermerkta við hes­um róðrinum var, at tvey reyð kort vórðu drigin úr lummanum hjá høvuðs­ dóm­aranum og latin Bliki og Spógvanum. Seksmannafarsróðurin við monnum fekk eisini nýggj­an vinnara. Tað var Hvess­ingur, sum róði ein sann­førandi róður. Tann mest spennandi róð­ urin hendan dagin var átta­ mannafarsróðurin. Knørrur megnaði í evstu løtu at fáa rongina fram um Kvívíking, og munurin var bert 3/25 partar, tá ið bátarnir komu á mál. Knørrur steðgaði harvið sigursrøðini hjá Kvívíkingi. Við hesum úrslitum í huga kann hugsast, at Fjarða­stevna fer at borðreiða við fleiri spennandi róðrum. Fjarðastevna 5. mf dreingir: Kappingin um gullkrónurnar fer uttan iva at standa millum Blik og Fípuna Føgru, eins og á undanfarnu stevnum. Róðrar­nir hava verið tættir og spennandi, og Fjarða­stevnu­róðurin verður einki undan­tak. Hvør rakar dagin? 5. mf gentur: Róðurin er púra opin. Tríggir ymiskir vinnarar seinastu fýra stevnuna tala fyri einum sera spenn­andi róðri. Drekin, Silja, Fípan Fagra og Jallurin liggja fram­við gullinum. 5. mf kvinnur: Tað tyk­ist, eins og Hav­frúgv­ in er einasti bátur, ið kann hótta Erlu Kongsdóttir. Á Fjarða­stevnu legst ein bátur aftur­at flotanum, og tað er Sílið úr Havnar róðrarfelag,. Sílið kemur á stevnu við royndari manning, ið hevur róð motiónsróður í nakrar vikur. Spurningurin er, um Sílið kann gera tað nærum ógjørliga – tað er sæð áður. 6. mf kvinnur: Jarnbardur er í nógv betur venjing enn hinir bátarnir. Leygardagin luttekur Páll Fangi við royndari manning. Kann hann gera tað, sum hinir bátar­nir ikki hava megn­að? 6. mf menn: Eins og við 5.mf gentum og dreingjum, liggja fleiri bátar framvið gullinum – Jarn­bardur, Hvessingur, Sølmundur og Páll Fangi. Hetta verður avgjørt ein spenn­andi róður, og tað ber ikki til at spáða um ein vinn­ara, tí tríggjar ymiskar mann­ingar hava vunnið, nú fýra stevnur eru avgreiddar. 8. mf: Áðrenn jóansøku hevði eg mett, at Kvívíkingur fór at vinna greitt á Fjarðastevnu. Nú er sannføringin ikki eins sterk, tí Knørrur tók øll á bóli á jóan­søku og vann á Kvívíkingi. Kvívík­ing­ur hev­ur heima­sjógv á Fjarða­ stevnu, og tað kann vera til fyri­muns fyri Kvívíking. Vón­andi verður róðurin eins spenn­andi og á jóansøku, tá minni enn ein rong var mill­ um Knørr og Kvívíking. 10. mf: Drekin Reyði hevur verið sann­førandi, og verður tað eisini leygar­dagin. Tó legst Vest­menningur aftur­at flota­num, og kann hann hótta hinar bátarnar. Spenn­ ing­urin í hesum róðrinum er ikki um, hvør fer at lyfta steyp upp um høvd. Spenn­ andi verður, hvør kemur á mál sum nummar tvey og trý. post@sosialurin.fo Myndir: Álvur Haraldsen