hósdagur 3. juli 2014síða 31

31 Fríggjadagur 4. juli 2014 · Nr. 75 Sosialurin Hugskot og viðmerkingar – send sms til 225000 ítróttur Jóannes Hansen HB var mikukvøldið partur av 1-1 javnleiki suðuri í Gibraltar. Mótstøðuliðið var Lincoln, sum var fyrsta um­boð hjá Gibraltar í euro­peiskari liðkapping nakrantíð. Tað gekk betri hjá Lincoln, enn tað gjørdi, tá ið før­oyskt lið fyri fyrstu ferð royndi seg í europeisku meistara­kappingini. Tað var fyri 22 árum síðani, tá ið KÍ á heima­vølli tapti 3-1 ímóti Skonto Riga. Úrslitið mikukvøldið ber við sær, at vánirnar hjá HB at spæla seg víðari í kapp­ ing­ini mugu metast at vera hampuliga góðar. Tað var týdningar­mikið ikki at tapa, og tað var sera týdn­ingar­ mikið hjá HB, at tað eydn­ aðist at skjóta mál á útivølli. Lincoln legði seg framum í 18. minutti við brotssparki. HB hevði yvirvág tað mesta av tíðini, hóast leik­ liga avrikið ikki var heilt sann­før­andi. Í fleiri førum vóru sendingarnar ikki nóg neyvar, og tað bar møgu­ leikar fyri skjótum mót­álop­ um við sær hjá heimaliðnum, sum fyri tað mesta hevði nógv fólk aftarlaga á vøll­ inum. Men tað var lítil broddur í álopsspælinum hjá Lincoln, og tað var heldur ikki so nógv tyngd í álopunum hjá HB. Eftir steðgin var HB greitt omaná, og tá ið tað restaðu tjúgu minuttir eydnaðist tað at javna. Málskjútti var Levi Hanssen, sum í útgangsstøðu í kvøld var fremsti maður í høgru. Eftir skjótt álop og sending frá Kristini R. Mouritsen, sum var fremstur í vinstru, setti Levi Hanssen bóltin í heimamálið. Fram ímóti dystarenda kendust heimamenninir ikki sørt frustreraðir. Teir gjørdu nógv fríspørk og sóu tríggjar ferðir gula kortið. Alex José dos Santos, sum mikukvøldið var vongverji í vinstru, var ein­asti HB spælarin, sum sá gult. Um eina viku verður av­ gjørt á Tórsvølli, um tað verð­ ur HB ella Lincoln, sum skal spæla í øðrum innleiðandi umfari í europeisku meist­ ara­kappingini. joannes@sosialurin.fo fótbóltur Vit áttu at vunnið dystin HB hevur kós longri út í Europa HB spældi mikukvøldið javnleik á útivølli móti Lincoln FC í Gibraltar. Javnleikurin og serliga málið á útivølli ger tað, at møguleikin hjá HB at koma víðari er góður Tað sigur málskjúttin á HB liðnum, Levi Hanssen, sum mikukvøldið skoraði sítt 4 mál í Champions League fótbólti André Olsen HB spældi mikukvøldið 1-1 á útivølli móti Lincoln FC úr Gibraltar. Stóran part av dyst­inum var HB aftanfyri, men 20 minuttir fyri leiklok javnaði Levi Hanssen fyri HB. Hetta var samstundis eis­ini tað sætta málið hjá Levi Hanssen í evropeiskum fót­bólti. Áður hevur hann skotið 2 mál í Europa League og nú 4 í Champions League.   Levi Hanssen sigur at teir í HB sita eftir við einari kenslu av, at teir kundu havt vunnið dystin. – Vit sita eftir við eini kenslu av, at vit áttu at vunn­ið dyst­in. Vit høvdu fleiri stór­ar møgu­leikar og høvdu bóltin størsta partin av dyst­inum. Serliga í seinna hálv­leiki vóru vit omaná.  – Men tá tú hugsar um, hvussu seint vit skorað tað útjavnandi málið í dystinum, kunnu vit loyva okkum at vera nøgdir. Hava góðar vónir til seinna dystin Levi Hanssen hevur góðar vónir um, at HB kann leika seg víðari, tá liðini aftur møt­ast á Tórsvølli í komandi viku. – Nú kenna vit betur mót­støðuliðið og kunnu fyri­reika okkum betur. Tað kem­ur at vera ein fyrimunur hjá okkum at spæla á heimavølli og eg haldi at vit hava góðan møguleika fyri at spæla okk­um víðari í næstu rundu.   Seinni dysturin millum HB og Lincoln FC verður leiktur á Tórsvølli týskvøldið 8. juli. andre@sosialurin.fo Myndir: Turið Láadal Sejersdóttir / www.hb.fo