hósdagur 3. juli 2014síða 36

nr. 75 · 4. juli 2014 4 VIKUSKIFTI úr Rituvík Rituvík er ein lítil lítil bygd í Føroyum, men hon hevur fostrað tríggjar toppskjúttar í føroyskum mansfótbólti í hesi øldini. Klæmint A. Olsen og beiggjarnar Helgi L. Petersen og Sonni L. Petersen Fótbóltur Tróndur Arge trondur@sosialurin.fo Tað búgva áleið 250 fólk í Rituvík. Tað svarar til áleið eitt hálvt prosent av Føroya fólki. Hetta hálva prosentið av fólki, sum býr í eini vík fyri endan á eyst­ara armi á Skálafjørðinum, hevur fostrað tríggjar toppskjúttar í før­ oyskum fótbólti í hesi øldini. Í 2001 bleiv Helgi L. Petersen topp­ skjútti, tá hann og GÍ vunnu silvur. Í 2004 fylgdi Sonni L. Petersen beiggjanum sínum og vann somuleiðis gullskógvin. Hetta var fyri EB/Streym, sum akkurát ikki rakk heiðursmerkjunum hetta árið. Í fjør stóð so aftur ein rituvíkingur ovast á toppskjúttarlistanum. Hesa ferð var tað Klæmint A. Olsen, sum gjørdist toppskjútti fyri NSÍ. Hann er í løtuni greiður toppskjútti í landskappingini. Eitt hálvt prosent av Føroya fólki hevur sostatt fostrað yvir tjúgu prosent av toppskjúttunum í føroyskum fótbólti í 21. øld. Skúlin karmur um málskjóting Tað er ongin ivi um, hvør loynidómurin handan toppskjúttarnar úr Rituvík er. Boðini eru at møta á staðnum, har evn­ ini og eginleikin at skjóta mál hava sínar røtur. Talan er um asfaltvøllin á skúlanum við Stórá í Rituvík. Í dag er vøllurin minkaður niður í helvt, so pláss er fyri øðrum aktivitetum, men leivdirnar frá gamla vøllinum eru at síggja á asfalt­inum. Miðringurin er framvegis sjónligur á spæliplássinum, tó illa slitin. Nú er vøllurin innhegnaður, meðan benk­ur og annað er at síggja á tí, sum fyrr bara var ein fótbóltsvøllur. Í dag verður vøllurin í minni mun brúktur av komandi ættarliðnum, tí nýggjur vøllur við graslíki er á spæli­ pláss­inum, sum bleiv bygt fyri nøkrum árum síðani, bara einar hundrað metrar frá skúlanum. Sostatt eru umstøðurnar betri í dag hjá komandi gullskógvu vinnarunum, um Rituvík heldur fram við at framleiða lutfalsliga líka nógvar toppskjúttar. Túsundtals tímar á asfaltinum Felags fyri allar, tá spurt verður um orsøkina til, at heilir tríggir toppskjúttar koma úr Rituvík, er, at teir vísa til teir nógvu tímarnar, sum teir hava sparkað á vøllinum í skúlanum. – Eg haldi ikki, tað er nakar bein­ leiðis loynidómur annað enn, at vit altíð hava sparkað nógv, sigur Sonni L. Petersen og leggur afturat, at Ritvík er ein endastatión, har tað ikki hevur verið so nógv annað enn fótbóltur á skránni. – Vit súkklaðu kanska kapp onkun­ tíð, men annars gjørdu vit einki annað enn at spæla fótbólt, greiðir Sonni frá, meðan Helgi og Klæmint nikka játt­ andi. Tey flestu munnu minast óskipaða spælið frá barnaárunum. Í so máta var fót­bólturin í skúlanum í Rituvík onki undan­tak. – Eg minnist tað bara sum óspilt fótbóltsspæl. Tað var ongin, sum skipaði fyri. Teir bestu valdu, og tað var tað, sigur Helgi L. Petersen. – Tað bleiv spælt líka til midnátt, so komu foreldrini eftir okkum og fingu hálað okkum heim við ein tíma ella tveir seinni. Eg minnist eisini hvussu stævið tað var at bíða í kirkjutíð, tí tá mátti ongin sparka, greiðir Helgi L. Petersen frá. Tað var ikki altíð lætt at sleppa upp í part, tá størri dreingirnir spældu, men Sonni og Helgi høvdu góð ráð fyri tí. – Eg fann skjótt útav, at tað var Toppskjúttarnir NSÍ liðskiparin, Klæmint A. Olsen, er toppskjútti í Effo-deildini í higartil