hósdagur 3. juli 2014síða 37

nr. 75 · 4. juli 2014 5 smart at bjóða seg fram sum málverja. Hinir tímdu ikki at standa í mál, so eg keypti mær málmanshandskar, og soleiðis slapp eg upp í part fyrstu árini, greiðir Sonni frá. Eisini Helgi hevði funnið eina máta at sleppa inn í hitan. – So leingi tú eigur bóltin, so sleppur tú upp í part. Tað fann eg eisini útav og fekk mammu at keypa mær besta bóltin á marknaðinum. So slapp eg altíð upp í part, sigur Helgi, sum mangan spældi við dreingjum, sum vóru nøkur ár eldri enn hann og Sonni. Stóru fyrimyndirnar vóru Ian Højgaard og Bogi Olsen, sum vóru nøkur ár eldri. Av ymsum orsøkum hava teir ikki sett so týðulig spor í før­oyska fót­bóltsheiminum, men fyri Helga og Sonna høvdu teir stóran týdning. – Eg minnist, tá vit skuldu yvir til handilin, sum var í bygdini tá. Ian jungler­aði við bóltinum allan vegin til handlin og aftur á vøllin. Tað var einki fyri hjá honum, greiðir Sonni frá. Helgi minnist aftur á aðra hending, tá keypast skuldi í handlinum. – Vit høvdu ikki tíð, so onkur av teim­um yngru var sendur at keypa. Eg skuldi hava eina appilsin. Hesin fekk av at vita, tá hann kom við eini appilsin, tí tað var sjálvandi ein appilsin sodavatn eg skuldi hava, fortelur Helgi, meðan teir tríggir verða avmyndaðir við hvør sínum gullskógvi í hondini. Ongin at spæla til Meðan Helgi og Sonni vóru partur ung­dómslívi í Rituvík, har tað mangan vóru yvir tjúgu spælarar, so var støðan øðrvísi hjá Klæminti. – Vit vóru eisini altíð á vøllinum her, men vit vóru ikki so nógvir. Tað vóru ikki so nógvir at spæla til, so tað vit skutu bara upp á mál. Kanska tað er ein partur av forkláringini hjá mær, sigur Klæmint, ið gjørdist toppskjútti við NSÍ farna kappingarár. Søgan hjá Klæminti er annars tann sama. Tað eru tímarnir á vøllinum við bóltinum, sum er loynidómurin handan væl eydnaðu málnøsina. Klæmint er í dag 23 ára gamal og tískil væl yngri enn bæði Helgi og Sonni, sum eru avikavist 36 ár og 33 ár. – Eg minnist væl, tá Helgi og Sonni og hinir plagdu at spæla her. Í so máta eru teir fyrimyndirnar hjá mær. Tað var eisini ein tíð, har spælarar sum Eyð­ stein Skipanes, Jónstein Petersen og Kári Hansen búðu í Rituvík og spældu við NSÍ. So tað vóru spælarar, sum tú hevði eyguni eftir, greiðir Klæmint frá. Men søgan hevur sama reyða trá, sum hjá Helga og Sonna. Tað eru teir nógvu tímarnir, sum eru brúktir á vøll­ inum. – Vit vóru altíð á vøllinum. Tað hendi seg, at tú fórt í ánna ein túr um tað bleiv ov heitt, men so var tað aftur á vøllin, sigur Klæmint, sum í fjør bleiv topp­skjútti í føroysku kappingin við 21 málum. Helgi og Sonni fáa ikki møguleikan at vinna ein gullskógv afturat, men fyri Klæmint er øðrvísi út. Hann er bara 23 ára gamal og er í løtuni toppskjútti í før­oysku kappingini. – Eg ætli mær at vinna ein gullskógv afturat. Og hann skal verða flottari enn hesin, sigur Klæmint smílandi og vísir til, at gullskógvarnir hjá Helga og Sonna eru vakrari at líta á enn hansara. Klæmint hevur sum ungur longu fingið ábyrgdina sum liðskipari hjá NSÍ. Framtíðin eisini bjørt Umframt Klæmint, sum framvegis hevur fleiri góð ár eftir sum fót­bólts­ spælari, tykist menningin av góðum fót­bólts­spælarum í Rituvík at standa við. Hóast ongin er á vøllinum hendan miku­dagin, er gott lagt í fleiri av teim­ um yngru í bygdini. Hetta kom millum annað til sjóndar, tá Sosialurin fyrst í apríl kundi fortelja søguna um níggju ára gamla Marjus Nón. Hann hevði staðið seg so væl til úrvals­venjing í samband við NM kapp­ing, at bæði Manchester United og Bayern Munchen vísti rituvíkingum áhuga. – Uttan stuðul frá foreldrunum høvdu vit ikki komið so langt. Tað hev­ ur ótrúliga stóran týdning at fáa stuðul heimanfrá, tá tú ert ungur. Tað hevur verið tilfeldið hjá okkum trim­um, sigur Helgi. Tað er einki í vatninum í Rituvík, sum gevur spæalrunum harfrá serlig evni, men hinvegin hart arbeiði, nógv­ir tímar á vøllinum og stuðul frá bak­landinum, sum er loyndidómurin hand­an toppskjúttarnar úr Rituvík. mynd: Álvur Haraldsen Helgi L. Petersen Sonni L. Petersen