hósdagur 3. juli 2014síða 38

nr. 75 · 4. juli 2014 6 VIKUSKIFTI Helgi Lamhauge Petersen Føddur: 5. apríl 1978 Starv: Tryggingarfelagið Føroyar og hjálparvenjari hjá NSÍ Gullskógvin: Í 2001 fyri GÍ – 19 mál í 18 dystum Feløg: NSÍ, GÍ, B36, ÍF, Fram og FC Hoyvík Dystir og mál í bestu deildini: 194/52 Í 2001 spælir Helgi L. Petersen við GÍ. Hann er koyrdur troyttur í NSÍ og skiftir til GÍ. Lands­ kappingin byrjar væl, og GÍ skúgvar alla mót­ støðu til viks. Aftaná 12 umfør hevur GÍ bara mist stig í einum dysti. Hegi skorar mál í sjey teimum fyrstu dystunum. GÍ klárar tú ikki at halda B36 aftanfyri seg, sum vinnur FM. – Eg fekk góða hjálp frá einum góðum liði. Serliga Henning Janskor og Rúni Justinussen vóru drúgvir á vengrunum, meðan Poul Ennigarð gekk á odda í verjuni, greiðir Helgi L. Petersen frá. Samanlagt blívur tað til 19 mál í 18 dystum, men merkisvert er, at um Helgi L. Petersen hevði tikið brotsspørkini tað árið, so kundi hann tikið metið hjá Una Arge og Súna Fríða Barbá, sum er 24 mál. Sonni Lamhauge Petersen Føddur: 4. novembur 1980 Starv: Tryggingarfelagið Føroyar Gullskógvin: Í 2004 fyri EB/Streym – 13 mál í 18 dystum Feløg: NSÍ og EB/Streymur Dystir og mál í bestu deildini: 149/39 Tað er trongt við spæltíð í álopinum hjá NSÍ fyrst í hesi øldini, og tí velur Sonni at royna eydnuna í EB/Streymi, sum er fari at røra upp á seg í føroyskum fótbólti. Tað eydnast væl og felagið er við í stríðnum um heiðursmerki líka til seinasta umfar. – Eg minnist longu miðskeiðis í kappingini, at Sorin Anghel letur meg skjóta brotsspark og sigur, at eg skal blíva toppskjútti. Marni Djurhuus tekur eisini kredit fyri, at eg bleiv topskjútti, tí hann eina ferð spældi upp á tvørs til mín, sigur Sonni brosandi. Eisini Helgi hevur nakað at leggja afturat. Í seinasta umfarinum er Sonni í kapping við Rógva Jacobsen um gullskógvin. HB og Rógvi eru á vitjan í Runavík. Móti endanum av dystinum verður lagt nógv fyri at steðga Rógva. – Eg segði við tann, sum dekkaði Rógva, at nú taki eg yvir. Og so skuldi Rógvi bara ikki skora, tí lítlibeiggi skuldi eisini hava ein gullskógv. Eg vildi heldur hava tveir gullskógvar í familjuna enn ein, sigur Helgi. Klæmint Andrasson Olsen Føddur: 17. juli 1990 Starv: TN Bygging Gullskógvin: Í 2013 fyri NSÍ – 21 mál í 26 dystum Feløg: NSÍ Dystir og mál í bestu deildini: 154/81 Tað eydnaðist akkurát ikki Klæminti A. Olsen og hinum í NSÍ at vinna sær luttøku í Evropa í 2013. Kappingarárið eydnaðist annars bara væl og felagið bleiv nummar fýra í landskappingini. Ein av høvðusorsøkunum var máltevið hjá Klæminti, sum tó hevði ein langan málturk mitt í kappingini. Tá farið var í holt við seinasta triðingin, hevði Klæmint bara skotið seks mál. – Tá væntaði eg als ikki at blíva toppskjútti, men so glapp, og tað var bara stuttligt, at eg skuldi enda ovast og fáa gullskógvin, sigur Klæmint. Millum annað skoraði hann fýra mál móti KÍ og trý móti 07 Vestur. Í seinasta umfarinum var hann í harðari kapping við Páll Andrasson Klettskarð úr KÍ. Men við tveimum málum í 4-2 sigrinum á HB tryggjaði liðskiparin hjá NSÍ sær gullskógvin. myndir: Álvur Haraldsen