hósdagur 3. juli 2014síða 39

nr. 75 · 4. juli 2014 7 Savnsmarathon í Suðuroy Á sumri ber til at fara savnsmaraton í Suðuroyni; í oynni eru søvn úr suðri í norð og eru tey øll ymisk og geva tískil eina fjøltáttaði uppliving. Hvørt savn hevur sína søgu, m.a. ber til at læra um lokala bygdarsøgu í Porkeri á Tvøroyri, skoða vøkru verkini hjá Ruth Smith á savninum, ið ber hennara navn, Gallarí Oyggin bjóðar eitt sjónarhorn av nútímans list, Sluppsavnið í Vági sigur frá gomlum døgum, um sjólívið og menniskjalagnur og sansa stóra fuglalívið á Fuglasavninum í Sumba. Arbeiðið handan søvnini er alt sjálvboðið og sum vitjandi verður upp­ living ríkari, tí her fær tú eisini høvið at møta teimum lokalu suðringunum, sum við eld­huga hava uppbyggt og leggja nógva orku í frásøgn og vísa á viljan og verkið handan søgurnar. Fá meira at vita á Kunningarstovunum í Suðuroy Vitjan á Kallsoynni – Gongutúrur út á Kallin Náttúruljóðini eru einastandandi, fuglarnir og havið, einki annað. Tá ið komið er aftur til bygdina, verður vitjað í smiðjuni á Trøllanesi. síðan verður farið aftur í bussin og til mikladals, har greitt verður frá søgnini um kópakonuna, einari av mongu søgnunum í Kalsoynni. Eftir túrin bíðar ein góð máltíð á Húsum. Fá meir at vita á Norðoya Kunningarstovu Síging og rapelling á Sandoy Nú er møguleiki fyri at síga í 300 metra hædd í Lonini vestan fyri á sandoynni. Fyri tey, ið koma norðanífrá, verður skipað fyri busssambandi úr skopun til søltuvíkar og aftur, so bilurin kann standa eftir á Gomlurætt. Bílegging á Sandoyar Kunningarstovu. Har fæst eisini meira at vita um túrin, tíðspunkt, prís, torleika og ferðaætlan. Fá meir at vita á Sandoyar Kunningarstovu Upplivingar til sjós – á Streymoynni Streymoyggin bjóðar alt frá rutsjibanatúrum við skjóttgangandi báti og fuglalívi í Vestmanna bjørgunum til slupptúrar við Norðlýsinum og fiskitúrar, ið alt setur dám á summarupplivingarnar. Norðlýsið siglir túrar í fjørðinum og til Klæmintsgjógv í Hesti, har konsert er í hellinum. Í Vest manna upplivir tú náttúruna heilt nær og fært veruliga kensluna av, hvussu stórsligin náttúran er undir Vestmannabjørgunum. Og við skjóttgangandi bátinum, við fráferð úr Vágsbotni, er tað sum ein rutsjibanauppliving við nógvari ferð – ein sterk uppliving, ið ikki er fyri veikar sálir. Fá meir at vita á Visit Tórshavn Gongutúrur til Gásadals Gásadalur er seinasta bygd í Føroyum sum hevur fingið vegasamband. Bergholdið lat alment upp fyri ferðslu í januar 2007. Farið verður til gomlu bygdagøtuna uttanfyri Bø, har gongutúrurin um fjallið byrjar. Gøtan er brøtt og tung at byrja við, men lætnar munandi, so skjótt komið er upp um fyrstu brekkuna. Á vegnum steðga vit við Líkstein, har hvílt varð, tá líkkistur vórðu bornar til Bíggjar, tí eingin kirkjugarður var í Gásadali. Longri uppi er Keldan Vívd, har vígt vatn er í, sum søgnin sigur gevur ævigan ungdóm, um drukkið verður úr henni. Vit koma fram við Risasporinum og njóta vakra útsýnið yvir Tindhólm, Drangarnar og Mykines, áðrenn vit koma í Skarðið og síggja tann vakrar Gásadal. Gøtan oman í Dalin er brøtt, og tí er avgjørt ein fyrimunur at hava stav. Túrurin tekur umleið 3 tímar. Fá meir at vita á Vága Kunningarstovu Ferðast í Føroyum Lagt til rættis: Rannvá G. Fossaberg