mánadagur 7. juli 2014síða 19

19 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 7. juli 2014 · Nr. 76 ítróttur fótbóltur fleiri vandastøður, meðan Linfield-leikararnir lúrdu eftir mótálopunum. Tíverri fyri B36 var tað tað seinna, sum hendi. Tveir minuttir fyri leiklok fór Linfield í mótálop, sum var væl mynstrað og endaði við, at innskifti Peter Thompson legði flatt innlegg úr vinstru, sum kom sær til ein leysan Michael Carvill, sum setti inn­aru síðu á bóltin og legði Linfield á odda 2-1. Hetta var sum vátur vøtt­ ur fyri heimaliðið, sum ikki hevði stundir at skapa nakað seinastu fáu minuttirnar. Teir taptu harvið 1-2 í einum heldur linligum dysti, sum ikki varð latin upp fyrr enn sein­astu 20 minuttirnar. Úrslitið ber við sær, at B36 helst má vinna við tveimum málum í returdystinum í Belfast týskvøldið. 2-1-sigur tryggjar tó longda leiktíð og ein møguligur 3-2-sigur ella málríkari eitt máls sigur tryggjar víðari lut­tøku við regluni um fleiri útivallar­ mál. albinus@sosialurin.fo Myndir: Álvur Haraldsen B36 Tórður Thomsen – Høgni Eysturoy ■, Hørður Askham ■, Andrias H. Eriksen, Odmar Færø (63. Símun Joensen) – Adrian Cieslewicz (89. Rasmus Dan Sørensen) Klæmint Matras, Róaldur Jakobsen, Hanus Thorleifsson (90. Rasmus Dan Sørensen) – Adeshina Lawal, Lukasz Cieslewicz ■ Linfield Jonathan Tuffey – Jamie Richards, Chris Hegarty, Mark Haughey (30. Jimmy Callagher) Matthew Clarke – Ivan Sproule, Stephen Lowry ■, Jamie Mulgrew, Aaaron Burns – Michael Carvill (90. Sammy Morrow) Andrew Waterworth (74. Peter Thompson) Høvdu uppiborið at vunnið Bara deyðbólturin søkti okkum Sámal Erik Hentze, venjari hjá B36, var ikki væl nøgdur eftir 1-2-tapið ímóti Linfield á Tórsvølli. Serliga var tað av­rikið í fyrra hálvleiki, sum hann var misnøgdur við. – Taktikkurin var at fara út at tora at spæla dystin og at tora at spæla okkara egna spæl. Tað riggaði als ikki í fyrra hálvleiki. Vit vóru ov spent­ir og høvdu ikki tol. Vit fóru at gúppa og slíkt, sum vit ikki plaga at gera, og vit vistu ikki, hvat vit skuldu gera, segði hann. – Vit fáa rættað upp á ting­ini í seinna hálvleiki og spæla ein heilt okey seinna hálvleik. Vit mugu spæla fyrra hálvleik í seinna dyst­ inum sum vit spældu seinna hálv­leik í dag, segði hann víðari. Hann helt ikki, at teir høvdu uppiborið eitt tap. – Eg haldi ikki, at teir høvdu uppiborið at vunnið hendan dystin. Um tað skuldi verið ein vinnari, so haldi eg, at vit høvdu betur uppiborið tað, metir hann. Hann hevur tó góðar vónir til seinna dystin í annað­kvøld. – Vit fara at spæla fótbólt, sum vit sóu í seinna hálvleiki í fyrra dystinun. Vit mugu hava to log spæla fótbólt. Um vit spæla okkum fram til møguleikarnar, so skulu vit nokk fáa málini, segði Sámal Erik, sum hevur góðar vónir um at tað skal eydnast at spæla seg víðari. – Tað er altíð 50% møgu­ leiki, men eg tori at siga, at vit hava betri møguleika enn tað. Vit skulu nú vaska talv­una reina og vísa hví vit ongan­tíð hava tapt á útivølli í ár, segði Sámal Erik Hentze at enda. albinus@sosialurin.fo Warren Feeney er nýggjur venjari hjá Linfield, og hann fegnaðist stórliga um at hava fingið ein sigur í sínum fyrsta kappingardysti. – Hetta var fantastiskt, eg eri næstan á mánanaum. Eg trúði upp á mínar leikarar, og teir gjørdu tað fantastiska væl. Vit hava vunnið á einum liði, sum er 15 dystir inni í teirra kappingarári og eru á odda við sjey stigum, segði hann. – Vit spældu serliga væl í fyrra hálvleiki, har vit vóru á bóltinum og stýrdi spæl­ inum. Vit vóru eisini væl við í seinna hálvleiki, har teir ikki klára at spæla seg ígjøgnum okkum. Tað var bara ein deyðbóltur, sum søkti okkum, segði hann. – Nú fáa vit ein góðan flog­túr heim, og so má eg fara at hugsa um, hvør fær spælt við týskvøldið, segði hann at enda. albinus@sosialurin.fo