mánadagur 7. juli 2014síða 25

5 Vinnublaðið hjá Miðlahúsinum nr. 6 I 7. juli 2014 ánadagin í farnu viku boðaði Elektron frá, at Kjartan Thomassen, sum hevði sitið sum fyri­bilsstjóri síðstu fimm mánaðirnar, eftir at Niels Christian Nolsøe fór frá fyrst í februar í ár, nú var settur sum nýggjur stjóri í Elektron. Hóast talan er um eitt nýtt andlit í júst hesum stjórastólinum, so hevur 62 ára gamli klaksvíkingurin drúgvar royndir frá leiðslu, tí í meira enn 20 ár var hann stjóri í Samteld, sum Elektron keypti í 2007. – Nú er kanska eitt høvi at spyrja seg sjálvan, hví júst kunningartøkni bleiv lívs­leiðin. Tað lá nokk ikki í kortunum frá barna­árunum av, tí tá var kunningartøkni slett ikki til. Eg eri nummar trý í einum systkina­flokki, har eg havi tveir eldri beiggjar og eina yngri systur, og í einum fiskivinnuplássi sum Klaksvík er tað helst sjógvurin, ið hevur hug at seta sín dám á, so hjá okkum dreingjum vóru tað nokk skiparar­nir har norðuri, ið vóru stóru fyri­myndirnar, greiðir Kjartan frá, nú vit hava sett honum stevnu og sita í friði og náðum í einum fundarhøli á Elektron, ið kallast Mega. – Tað vísti seg eisini, at elsti beiggin bleiv skipsførari og sigldi við onkrum av størru cruise-skipunum hjá DFDS, so tað kundi jú verið ein møguleiki hjá mær við. Men næstelsti beiggin fór niður á skeið í pro­grammering, og tað fangaði eisini mín áhuga, so eg valdi at fara tann vegin. Eg kann til stuttleika nevna, at hann starvast sum programmørur á Elektron, so nú eri eg altso stjóri hjá beiggja mínum, sum var orsøk til, at eg eisini valdi hesa leiðina. Sjálvur fór Kjartan Thomassen í læru á P/F Data í 1971, har hann formliga lærdi til elektronikkmekanikara við skúlagongd í Sønderborg og øllum, sum skuldi til. Men hann hevði ikki verið lærlingur í meira enn tvey ár, tá hann bleiv tekniskur leiðari og hevði høvuðsábyrgd av høvuðsteldunum, sum vóru har. – Longu um tað mundið hendi tað seg meira enn so, at eg setti fótin innum á Elektron, tí vit arbeiddu nógv saman við Elektron. Vit vóru tveir, sum skiftust í summar­fríðtíðini tey fyrstu trý ella fýra árini, men so hvørt sum meira fólk kom í starv á báðum støðum, endaði tann manna­gongdin heilt náttúrliga, sigur hann. – Síðani var tað gjarna so, at tey fólkini, eg fekk aftur at mær, vóru nógv betri út­búgvin enn eg, men mín fyrimunur var nokk, at eg var so mikið spesialiseraður innan EDV-økið, meðan hini ofta vóru nógv meira breitt útbúgvin. Og tað var helst eisini ein fyrimunur fyri meg, at eg byrjaði so tíðliga í hesum fakinum. – Eg skal ikki siga, at vit í Føroyum eru dugnaligari enn onnur, men av tí at vit eru smærri og hava nógv styttri arbeiðsgongdir, gevur tað okkum møguleika til á øllum økjum at vera minst líka dugnalig sum onnur. Og tað er eitt mál, sum eg haldi, at vit eiga at seta okkum, sigur nýggi stjórin í Elektron, Kjartan Thomassen, ið hevur væl yvir 40 ára royndir í føroysku KT-vinnuni Tekst og myndir: Hilmar Jan Hansen Føroyar kunnu ganga undan framhald... Profilurin: Kjartan Thomassen