mánadagur 7. juli 2014síða 30

10 nr. 6 I 7. juli 2014 Vinnublaðið hjá Miðlahúsinum ALS steðgar ulla- móttøku um tað sær út nú, verður als ongin skipað og miðsavnað innsavning av ull í ár. Í øllum førum verður tað ikki Arbeiðs­ loys­isskipanin, ALS, ið fer at standa fyri nakrari ullamóttøku, eins og arbeiðsloysisskipanin gjørdi í fjør. – Orsøkin er einføld, teir aktørarnir, ið áttu at sýnt ulla­móttøkuni áhuga – landsstýrið, Búnaðar­ grunnurin, Búnaðarstovan og Bóndafelagið – gera tað ikki, sigur Høgni í Stórustovu, deildar­leiðari í ALS. – Vit átóku okkum uppgávuna at standa fyri ullamóttøku í fjør og høvdu vónað og eisini ætlað, at átakið kundi halda áfram í ár, men vit hava júst fingið noktandi svar frá Búnaðargrunninum, sum vit aftur hesaferð høvdu søkt um stuðul til verkætlanina. – Tað er ikki uppgávan hjá ALS at átaka sær fíggjarliga ábyrgd av, at hetta tilfeingið kemur til høldar. Innsavningin og skiljingin av ullini er eisini sera arbeiðskrevjandi og krevur harafturat servitan, so vit kunnu ikki átaka okkum hesa uppgávuna einsamøll. Tí mugu vit tíverri siga, at vit skipa ikki fyri nakrari ullamóttøku í ár, sigur hann. Aðra staðir her á síðunum undrast Jacob Vestergaard, landsstýrismaður í land­búnaðar­ málum, seg yvir, hví ALS ikki bara kann heita á fólk um at lata ullina fyri onki, tí tað er eins lætt og at koyra hana burtur, men Høgni í Stórustovu sigur, at byrðan kortini hevði verið ov stór. – Øll skipanin av arbeiðnum – innsavning av ullini, skiljing, pakking, avskiping og annað – er so umfatandi og kostnaðartung, at kostnað­urin hevði verið ov stórur fyri okkum, sjálvt um vit fingu ullina fyri onki. Ulla­fram­ leiðsla er jú ikki eitt kjarnuvirksemi hjá ALS, sigur hann. Væleydnað átak Deildarleiðarin harmast, at ullainnsavningin nú dettur niðurfyri aftur, tí hann heldur inn­ savningina í fjør vera stak væleydnaða. – Tað var eitt gott og meiningsfult átak við nógvum viðspælarum: IRF stillaði bingjur upp og flutti ullina ókeypis til Kollafjarðar, Royndarstøðin hjá Búnaðarstovuni hýsti mót­ tøkuni ókeypis, Búnaðargrunnurin stuðlaði, og vit fingu aktiverað fólk í ALS-skipanini við meiningsfullum arbeiði, sigur Høgni í Stórustovu og leggur afturat: – Ullin er eitt tilfeingið, sum eigur at koma til høldar, tí talan er um eitt virði við potensjali fyri einari lønandi vinnu, og hetta var eisini tankin, tá vit orðaðu umsóknina um stuðul úr Búnaðargrunninum. Búnaðargrunnurin stuðlaði verkætlanini í fjør við sløkum 220.000 krónum, og ALS hevði væntað sær nakað tað sama í ár. Vinnublaðið ætlaði at spyrja Regin I. Jakobsen, stjóra í Búnaðargrunninum, hví grunn­urin ikki vildi ganga umsóknini á møti aftur í ár. Men hann er í summarfrí og var ikki at hitta. Tá stuðulin varð játtaður í fjør, legði Búnaðar­grunnurin tó dent á, at talan ikki var um eina afturvendandi játtan. Høgni í Stórustovu sigur, at um onkur fær broytt fortreytirnar í einari knappari vending, so kann ALS eisini broyta støðu: – Um tað skuldi verið soleiðis, at onkur í 11. tíma kemur við neyðugu pengunum ella til dømis fær ávirkað Búnaðargrunnin til at broyta støðu, so hann kortini vil stuðla eini verk­ætlan aftur í ár, so eru vit til dystin fús at skipa fyri ulla­móttøku – tað skal ikki standa á, sigur hann. s Hóast ullamóttøkan í fjør eydnaðist stak væl, skipar ALS ikki fyri nakrari móttøku í ár, um ikki onkur í 11. tíma kemur við neyðugu pengunum. Búnaðargrunnurin hevur sýtt umbønini um stuðul, og ALS sær tað ikki sum sína uppgávu sjálvt at bera kostnaðin av ullainnsavningini. Teir, ið áttu at sýnt ullamóttøkuni áhuga, gera tað ikki, staðfestir Høgni í Stórustovu, deildarleiðari í ALS Ingolf S. Olsen – Ullin er eitt tilfeingið, sum eigur at koma til høldar, tí talan er um eitt virði við potensjali fyri einari lønandi vinnu, sigur Høgni í Stórustovu, deildarleiðari í ALS Tema: Føroyksa ullin Mynd: Álvur Haraldsen