hósdagur 10. juli 2014síða 32

Fríggjadagur 11. juli 2014 · Nr. 78 20 Sosialurin Hugskot og viðmerkingar – send sms til 225000 ítróttur hm-upptakt fótbóltur Týskland hevur fýra HM-sigrar ímóti Argentina Síðani HM-endaspælið í Svøríki í 1958 hava Týskland og Argentina spælt seks dystir í HM-endaspølum ímóti hvørjum øðrum. Í fýra førum hevur Týskland sigrað, og á einum sinni endaði javnt. Tann eini argentinski sigurin varð tó HM-finalan í 1986. Týskland vann HM-finaluna í 1990, tá liðini møttust á í finaluni aftur. Dysturin á Maracana leikvøllinum verður sostatt triðja finalan millum liðini Heri Simonsen Við at møtast í HM-finaluni á triðja sinni skriva Týskland og Argentina søgu. Hetta er fyrstu ferð, at tvey lið møtast í finaluni á triðja sinni. Brasil og Italia møttust í HM-final­ unum í 1970 og 1994, tá Brasil sigraði í báðum førum. Argentina og Týskland, sum tá æt Vesturtýskland møtt­ust í HM-finalunum í 1986, og eisini í 1990. Týsk­ land má sigast at hava yvir­ tikið søg­una hjá Vestur­ týsk­landi, og tað er eisini viður­kent av fót­bólts­søgu­ frøð­ingum. Eystur­týskland – ella DDR, sum tað eisini varð nevnt vann seg bara í eitt HM-endaspæl, og varð tað júst í HM-enda­spæl­ inum, sum varð avgreitt í Vesturtýsklandi í 1974. DDR gjørdi annars skreyt­ir í øðrum ítróttar­ grein­um, men tíverri mang­ an vegna doping, sum seinni er av­dúkað. Fýra týskir sigrar Áðrenn Argentina og Týsk­ land møttust í HM-final­ unum í 1986, og í 1990, møtt­ust liðini í HM-enda­ spøl­unum í 1958, og í 1966. Tá varð talan um dystir í bólka­ spælinum. Í HM-endaspølunum í 2006, og í 2010 møttust liðini í fjórð­ings­finaluni. Í hesum fýra dystunum gjørdist Týsk­land sigurs­harri í trim­ um dystum, meðan ein end­aði javnt. 8. juni í 1958 vann Vestur­týsk­land 3-1 á Argen­tina í HM-enda­spæl­ inum í Svøríki. Hetta varð á leikvøllinum í Malmø. Lið­ini møttust aftur í HM- enda­spælinum í Onglandi í 1966. Hetta varð 16. juli á Villa Park í Birmingham. Tá gjørdist talan um javn­leik 0-0. Argentina tapti fjórð­ ings­finaluna ímóti Ong­ landi, sum vann á Týsk­landi í finaluni, aftaná longda leiktíð, og við einum ógvu­liga iva­somum máli. Tá Týskland varð HM- vertur í 2006 møttust liðini aftur í fjórðingsfinaluni á tí olympiska leikvøllinum í Berlin. Hetta varð 30. juni í 2006. Aftaná vanliga leiktíð stóð á jøvnum 1-1. Dysturin fór til longda leiktíð og umdyst, sum endaði við, at Týsk­land vann enn eina brots­sparks­kapping. Stadion­speakarin bleiv uppsagdur, tí Argentina klag­aði um, at hann hevði biðið fjøldina stuðla Týsk­ landi í tí spennandi og tøttu upp­gerðini. Liðini møttust aftur í fjórðingsfinaluni í HM-enda­spælinum tann 3. juli í Suðurafrika í 2010. Í Cape Town vann eitt væl spæl­andi týskt lið heili 4-0 á Argentina. So sigast má, at týskararnir hava hagtølini við sær. Ein finalusigur í part Teir mest týdningarmiklu dyst­ir­nir millum Argentina og Týskland vóru tó HM- final­urnar í 1986, og í 1990. Finalan á Azteca leik­vøll­ inum í Meksiko býi við 114.000 áskoðarum tann 29. juni í 1986 gjørdist ógvuliga minnilig. Argentina vann 3-2, har týskararnir vístu ógvuliga góðan stríðsvilja. Tá 55 minuttir vóru farnir varð Argentina á odda 2-0, men uppá seks minuttir, í 74. og í 80. minutti vendu týskarar dystinum við tveim­um málum, og javnaðu til 2-2. Men Argentina hevði ein ávísan Diego Maradona á sínum liði, og við einum genial­um uppleggi varð hann við til at spæla Jorge Burruchaga leysan, og hesin skoraði sigursmálið til 3-2 í 83. minutti. Fýra ár seinni møttust liðini aftur í HM-finaluni. Hesaferð á tí olympiska leik­ vøllinum í Róm í Italia. Talan gjørdist um eina keðiliga finalu, har týskarar tó vóru frægari. Týskarar vunnu 1-0 við einum sigursmáli, sum fall í 85. minutti. Talan varð um eitt brotsspark, sum Andreas Brehme setti í netið. Roberto Sensini feldi Rudi Völler í brotsteiginum, og dómarin varð eirindaleysur, og dømdi brotsspark. Heimafólkið stuðlar neyvan Argentina Sunnukvøldið klokkan 20 føroyska tíð møtast lið­ini á sætta sinni í einum HM- enda­spæls­dysti, og á triðja sinni í einari HM-finalu. Um hugt verður eftir hálv­ finalunum, so er Týsk­ land uttan iva favo­rittur, men kanska Lionel Messi vaknar, og gerst eins stórur fyri heim­landið, sum Diego Maradona. Vinnur Argen­tina verður tað uttan iva ein eyka stór eyð­mýking fyri vertslandið, Brasil, sum tá kann stað­ festa, at grannarnir, og argastu kappingarneytarnir í Suður­amerika, Uruguay og Argen­tina hava vunnið HM-kappingar­nar, sum eru avgreiddar í Brasil í 1950, og í 2014. Tí hava týskarar uttan iva ein størri uppbakning á Maracana leikvøllinum í Rio de Janeiro, enn Argentina, sjálvt um týskararnir góvu Brasil ein lemjandi 7-1 ósigur. Talan verður um tað áttandu HM-finaluna hjá Týsk­landi, sum higartil hevur vunnið tríggjar, og tapt fýra HM-finalur. Talan er um fjórðu HM-finaluna hjá Argen­tina, sum hevur vunn­ið tvær, og tapt eina HM-finalu. Diego Maradona í finaluni ímóti Týsklandi í 1986