hósdagur 10. juli 2014síða 35

23 Fríggjadagur 11. juli 2014 · Nr. 78 Sosialurin Hugskot og viðmerkingar – send sms til 225000 ítróttur fótbóltur Enn eitt føroyskt felag víðari í Champions League. Annað árið á rað hevur eitt føroyskt felag spælt seg víðari í Champions League kappingini. Í fjør var tað EB/Streymur og í ár var tað HB. Hetta sigur okkum, at føroyskur fótbóltur hevur flutt seg tann rætta vegin. Byrjanin hjá HB í seinna hálvleiki. HB kom undir stórt trýst móti Lincoln FC í seinna hálvleiki. Tað er tað ikki pláss fyri í komandi rundu, tá HB skal møta serbisku meistarunum úr Partizan Beograd. Vónandi lærir HB hópurin av løtuni fyrst í seinna hálvleiki. HB er við sigrinum móti Lincoln FC, tað triðja føroyska felagið til at spæla víðari úr fyrstu undankappingarrundu av Champions League. B36 var tað fyrsta føroyska felagið nakrantíð, tá teir í 2006 slerdu maltesiska liðið FC Birkirkara úr kappingini. EB/Streymur var í fjør tað næsta, tá teir vunnu móti FC Lusitanos úr Andorra. ligan spenning í dystin, tá 76 minuttir vóru farnir. Tá skoraðu teir til 3-2 eftir horna­spark. Maðurin, ið skor­aði málið fyri Lincoln FC æt John Paul Duarte. Góður HB endi 3-2 málið hevði við sær, at ein ávísur ótryggleiki kom mill­ um áskoðararnar á Tórsvølli, tí HB avrikið fyrra partin av seinna hálvleiki var ikki góð­ kent. Men 10 minuttir fyri tíð, eydnaðist tað HB at økja aftur. René Joensen slapp væl í gjøgnum í høgru síðu og átti uppleggið, tá Levi Hanssen enn einaferð skor­ aði í Evropa. Nú var støðan 4-2 og nú fór luftin úr ballónini hjá útiliðnum. Móti endanum av dyst­ inum fann HB sama spæl fram sum í fyrra hálvleiki og tað eydnaðist eisini HB at vinna dystin 5-2. Maðurin, ið skoraði til 5-2 var sjálv­andi HB liðskiparin Fróði Benjaminsen, sum eftir góðari renning frá mið­vøllinum gjørdist leysur og einsa­mallur við mál­verjanum var hann ósvikaliga tryggur. Sigurin ber við sær, at HB í komandi rundu skal spæla móti serbiska liðnum Partizan Beograd. Fyrri dyst­ urin verður leiktur í Serbia longu mánakvøldið andre@sosialurin.fo Myndir: Álvur Haraldsen HB Teitur Matras Gestsson – René Joensen (Jógvan Rói Davidsen, 90.), Rógvi Holm, Johan Troest Davidsen, Alex José dos Santos – Levi Hanssen, Tróndur Jensen (Andrew av Fløtum, 58 ■), Heini Vatnsdal ■, Kristin Mouritsen (Pál Mohr Joensen, 90) – Jóan Símun Edmundsson ■, Fróði Benjaminsen Lincoln Red Imps Jordan Perez – Kyle Casciaro (Lee Casciaro, 46.), Ryan Casciaro, Brian Perez ■, Roy Chipolina (liðskipari) – Aaron Payas (Robert Guiling, 86.), Liam Clarke, George Cabrera, Alain Pons (John Paul Duarte, 68.), Joseph Chipolina – Jean Carlos Garcia Nakað av tí besta vit hava spælt Enn eitt met til Levi Tað segði HB venjarin, Heðin Askham, eftir 5-2 sigurin á Lincoln FC týskvøldið. HB vann týskvøldið 5-2 móti Lincoln FC á Tórsvølli. Hóast HB var undir trýsti eina løtu í seinna hálvleiki, var talan tó um eitt gott HB avrik og HB venjarin, Heðin Askham var eisini væl nøgdur við dystin. – Vit hava spælt nakað av tí besta, vit hava spælt í ár. Tað sóu vit serliga í fyrra hálvleiki. Vit komu eisini væl út til seinna hálvleik, men so brádliga koma teir inn í dystin og ta løtuna tykist liðið eitt sindur fjáltur­stungið. Sjálvt um vit eru undir trýsti, skapa vit tó allíka­væl møguleikar og tá vit fáa málið til 4-2, hava vit fult tamarhald á støðuni aftur. HB skal í aðru rundu møta serbiska Partizan Beograd og tí uppgávuna gleðir HB venjarin, Heðin Askham seg til. – Eg eri spentur uppá upp­ gávuna í Beograd. Vit vita at teir spæla góðan, skjótan og tekniskan fótbólt. Men vit fara frískir inn til uppgávuna og ætla at gera okkara allar­ besta. andre@sosialurin.fo Tá Levi Hanssen í seinastu viku skoraði fyri HB á Gibraltar, gjørdist hann sam­stundis eisini tann mest skorandi føroyski leikarin í evro­peiskum fótbólti, við um­boðan frá føroyskum feløgum. Levi Hanssen økti um tað metið týskvøldið, tá hann skeyt 2 mál í 5-2 sigrinum móti Lincoln FC. Men tað var ikki tað ein­ asta metið, ið Levi setti. Levi Hanssen er nevnliga eis­ini tann fyrsti leikarin nakran­ tíð, ið hevur leikt seg víðari í Champions League kapp­ ingini tvey ár á rað, við um­boðan frá føroyskum feløgum. Levi spældi í fjør við EB/ Streymi, ið leikti seg víðari úr fyrstu undanrundu og týs­ kvøldið royndi Levi Hanssen fyri aðru ferð uppá tvey ár at koma víðari í Champions League. Tað er ein annar leikari, ið er komin víðari tvær ferðir í Champions League við um­ boðan fyri føroysk feløg og tað er HB liðskiparin, Fróði Benjaminsen. Tað er tó ikki talan um tvey ár á rað, tí Fróði kom víðari við B36 í 2006, tá B36 slerdi maltesiska liðið, FC Birkirkara úr kapp­ ingini. Levi Hanssen var annars væl nøgdur við dystin móti Lincoln FC. – Tað kennist deiligt at koma víðari. Vit høvdu ein málsetning sum var at koma víðari í Champions League og hann hava vit í kvøld nátt. Og Levi sær eisini fram til dystin móti Partizan Beograd í komandi viku. – Vit skulu bara gera tað so gott sum møguligt. Vit hava nátt okkara mál­setn­ ingi. Koma vit víðari, er tað sjálv­andi frálíkt, men tað verð­ur torført. Vit fara í øllum førum at gera okkara besta. Levi Hanssen kom við sínum báðum málum týs­ kvøldið uppá 8 mál í evro­ peiskum fótbólti. 6 av teim­ um eru skotin í Champions League og 2 í Europa League.