hósdagur 7. august 2014síða 7

7 Fríggjadagur 8. august 2014 · Nr. 88 Sosialurin Hugskot og viðmerkingar – send sms til 225000 tíðindi Jóannes Hansen Tað er nógv talvvirksemi í Tromsø í hesum døgum. Síð­ ani síðsta leygardag hava telv­ arar kring allan heimin sett dám á norska býin. Samlaða talið er væl omanfyri fimt­ an hundrað. Í opna bólk­in­ um eru 882 tilmeldaði, og í kvinnukappingini er lut­tak­ ara­talið 673. Fyrsta OL kappingin var í London í 1927. Føroyar lut­ tóku fyrstu ferð í 1970, tá ið 19. kappingin var í Siegen í Vesturtýsklandi. Síðani hava føroyingar verið við í øllum kappingunum, og í hesum døgum er 41. kappingin. Føroyska liðið var hesa ferð styrkismett sum numm­ ar 73 av 177 liðum. Tað er hægri styrkismeting, enn Før­ oyar áður hava havt. Tað vil siga, at styrkistølini hjá før­ oysku telvarunum eru í miðal hægri, enn tey plaga at vera. Tað kemst fyrst og fremst av, at Helgi Dam Ziska er rokkin væl longri fram á listanum, enn nakar før­oysk­ur telvari áður hevur verið. Styrkistalið hjá Helga var undan kappingarbyrjan 2507. Hann er fyrsti føroyski telvarin, sum hevur rokkið so høgt. Helgi Dam Ziska er besti føroyski telvarin nakrantíð, men tølini siga, at tað eru nógv­ir telvarar, sum á pappír­inum eru betri enn hann. Helgi er nummar 223 av teimum 882, sum luttaka í opnu kappingini í Tromsø. John Rødgaard er nummar 362 við styrkistalinum 2361, John Arni Nilssen er nummar 395 við styrkistalinum 2322, Olaf Berg er nummar 398 við styrkistalinum 2320 og Høgni Egilstoft Nielsen er nummar 450 við styrkistalinum 2256. Helgi og Høgni Í gjár var frídagur, og í dag er grannauppgerð, tá ið Ísland og Føroyar bresta saman. Undan hesum umfarinum er Ísland nummar 45, og Føroyar eru á 53. plássi. Merkisvert er tað, at fleiri onnur norður­ lond eru aftanfyri Føroyar: Svø­ríki er nummar 54, Finn­ land nummar 76, og Danmark er á 98. plássi! Flóvin þór Næs var før­ oya­meistari í 2000. Umframt at telva í Føroyum hevur hann seinnu árini telvað í Danmark og eisini í Íslandi, har hann á hvørjum ári lut­ tekur í hvussu so er í einum umfari í liðkappingini. Hann heldur, at íslendingar eru ikki so fegnir um, at føroyingarnir sita hinumegin borðið í dag: – Íslendingarnir kenna seg at hava alt at tapa, tá ið teir telva ímóti Føroyum, sigur Flóvin þór Næs á síni face­book vangamynd. Undan frændadystinum eru tað serliga tveir av før­ oysku telvarunum, sum hava staðið seg væl. Annar er Helgi Dam Ziska, sum burturúr fýra teimum fyrstu umførunum vann 3 ½ stig. Hann helt frí í fimta umfari. Um tað framvegis fer at ganga væl hjá Helga í hesi kappingini, so er góður møguleiki fyri, at hann verður fyrsti føroyski GM í talvi. Hann hevur ognað sær tveir IM. Fyri at verða GM skal hann lúka tvær treytir. Aðra – at vinna styrkistal oman fyri 2500 – hevur hann rokkið. Hin – at vinna tríggjar IM – hevur hann møguleika at røkka í hesi kappingini. Hin telvarin, sum hevur staðið seg væl, er 17 ára gamli Høgni Egilstoft Nielsen, sum er við í talv OL fyri fyrstu ferð. Fyrr í ár vann hann FM fyri lið við Sandavágs Talvfelag, og síðani vann hann FM fyri einstaklingar. Hann var við í fimm teimum fyrstu umførunum, og burt­ ur úr teimum vann hann 3 ½ stig. Tað hevur víst seg, at Høgni ofta stendur seg væl fram ímóti endanum á kappingum. Tí kann tað væl hugsast, at hann fer at gera eitt skarvslop á styrkis­ listanum, tá ið henda kapp­ ingin verður av. Politikkurin Aftur hesa ferð er Finnbjørn Vang ferðaleiðari hjá før­oyska talvlandsliðnum. Tað hevur hann verið fleiri ferðir áður. Á ferðini í Tromsø er eis­ ini annað á dagsskrá hjá Finn­birni enn at taka sær av føroysku telvarunum. Tað man ikki vera so torfør upp­ gáva, tí burtursæð frá Høgna Egilstoft Nielsen, so hava teir allir fleiri ferðir áður luttikið í talv OL, og tískil vita teir, hvat tað snýr seg um. Mánadagin fer europeiska talvsamgongan, ECU, á aðal­ fundi at velja nýggja nevnd. Valið er skipað á tann hátt, at fimm limir verða valdir á ein­ um og sama lista, og so verða tríggir einstaklingar vald­ir aftrat. Tveir listar og nak­rir einstaklingar bjóða seg fram. Finnbjørn Vang hevur góðar vónir um, at tað skal eydnast listanum, har hann er á, at vinna teir fimm sess­ irnar í ECU: – Tað er nógv prát um valið her í Tromsø. Høvuðsmaður á okkara lista er Zurab Azmai­parashvili, sum er for­seti í talvsambandinum í Georgia. Vit stilla upp ímóti sitandi forsetanum, sum er Silvio Danailov úr Bulgaria. Tað verður mett, at vit hava undirtøku frá fleiri enn hin listin, men nú fáa vit at síggja. Okkara aðalmál er, at europeisk telving aftur skal verða umsitin og stýrd av europearum og ikki av al­ tjóða talvsamgonguni FIDE. Hvussu ber tað til, at ein føroyingur er uppstillaður? – Tað kemst av, at teir feg­ nir vildu hava ein á list­an sum umboðar smáu talv­ tjóð­irnar. Vit eru tíggju smá­ ar talvtjóðir í Europa, sigur Finnbjørn Vang úr Tromsø. Føroyar í altjóða talvfamiljuni Finnbjørn Vang er í uppskoti at verða varaformaður í europeisku talvsamgonguni, og Helgi Dam Ziska er á veg at verða fyrsti føroyski GM í talvi Helgi Dam Ziska er besti føroyski telvarin nakrantíð Finnbjørn Vang