mánadagur 11. august 2014síða 13

13 Mánadagur 11. august 2014 · Nr. 89 Sosialurin Hugskot og viðmerkingar – send sms til 225000 Burhan G Longu 20 sekund aftaná kon­sert­byrjan hugdi eg fyrstu ferð at tele­fon­u­nim. Bur­han G gjørdi á leið alt tað, sum hann ikki skuldi havt gjørt. Í stuttum var talan um eina innøvaða og poler­aða plastikkonsert við ongum kanti ella dýpd. Um man fyrst tekur sang­ ir­nar hjá honum, so eru teir ógvuliga banalir, onki sigandi og snúgva seg allir um útvatnaðan kær­ leika til onkra gentu, sum ongin kennir. Tað var ikki akkurát nakar Janus Djur­ huus, ið stóð á palli­num, og tað skurrar eisini bara í oyrunum, tá ein 31 ára gamal maður syngur kær­ leiks­sangir til 14 til 16 ára gaml­ar gentur. Ímillum sangir­nar blívur hann við á kunstigasta máta at tosa um kærleika, meðan hann formar hendurnar sum eitt hjarta. Alt var bara ov rómakent, og óerlig­heit­in skein ígjøgnum fram­førslu­ na sum sólin gjøgnum eitt wc papír. Harafturat kemur hann á pallin við attitudu sum ein kongur, sum bara ikki er føroyski mátin at gera tað uppá. Í Føroyum er bara pláss fyri eyðmjúkum fólk­um. At tónleikararnir vóru ótrúliga góðir var tó eitt fínt plástur á sárið. Manglandi festivalkensla Summarfestivalurin klárar at savna út og við 10.000 fólk, men tað er alíkavæl okkurt, sum manglar fyri at geva mær eina ordi­liga festivalkenslu. Í roynd og veru minnir Sum­mar­ festi­val­urin meira um eina stev­nu enn um ein festival – bara við nógvum tónleiki. Tey fægstu – tó nøkur – fara á Summarfestival fyrst og fremst fyri tónleikin, men held­ur fyri at møta fólki. Júst sum á eini stevnu. Ein orsøk man vera, at Summar­ festi­val­urin roynir at raka so breitt sum gjørligt í aldri, at festi­valurin fær dám av at vera ein familju­festi­val­ u­r meira enn ein tónleika­ festi­val­ur. Siktar ov nógv eftir børnum og tilkomnum Eitt sindur til børnini og eitt sind­ur til tey tilkomnu er gott. Men í ár var ov nógv krút brúkt á hesar bólkarnar og ov lítið til teirra millum 20 og 35 ár. At børnini fingu sítt var sum so í lagi, tí tey hildu til í KÍ høllini og tóku ikki nógv pláss av skránni. Men av fimm útlendskum høvuðs­nøvnum vóru trý til tilkomin, eitt til børnini og eitt til 14 til 16 ára gamlar gent­ur. Jú víst vóru fleiri góð før­oysk nøvn til forsømda aldurs­bólkin, men føroysku bólk­ar­nar hoyrir man á leið fýra ferðir um árið og eru tí ikki nakað, man betalir eitt fýrasifrað krónutal fyri at hoyra. Uppskriftin hev­ur eisini verið í so ein­tátt­að í nøkur ár: Fáa eitt rokknavn ella ein danskara úr 70unum til tey tilkomnu og eitt pop­navn til yngru gent­ur­nar. Manglar kant Hevði Summarfestivalurin verið ein bilur, hevði hann ver­ið ein Toyota. Riggar og koyr­ir væl, men hevur ikki kant­in, sum fær hann at skilja seg úr mongdini. Prís­ur­in fyri at fevna øllum kann vera, at tað kann vera tor­ført at gera festivalin ser­ stak­an. Eitt nú er allur tón­ leik­urin á festi­valinum slíkt, sum man hev­ur hoyrt áð­ur. Man fer ikki á Sum­mar­festi­ val við trúgv og vón um, at man kann verða tikin á bóli, tí man kennir allar bólkarnar fram­man­undan. Við tí er ikki sagt, at tón­ leik­urin er vánaligur, tí víst er nógv gott – hann er bara ikki spennandi. Í staðin fyri at hyggja frameftir og kanska dyrka nýggjar bólk­ar, sum eru spennandi, verð­ur mesta av krútinum brúkt aft­ur­lítandi upp á bólk­ar, sum í dag longu eru populer­ir. Summarfestivalinum Summarfestivalurin 2014 Tað minni góða