hósdagur 21. august 2014síða 6

Fríggjadagur 22. august 2014 · Nr. 94 6 Sosialurin Hugskot og viðmerkingar – send sms til 225000 Jón Brian Hvidtfeldt Tað er ein sera fáorðaður stjóri á Strandferðsluni, sum verður biðin um at lýsa aktu­ ellu fíggjarstøðuna á stovn­ in­um. Hilmar Eliasen sigur seg í løtuni vera í holt við at gjøgnumganga allar rakst­ rar­konti hjá Strand­ferðsl­uni. Fíggjar­ætlanin hjá stovn­in­ um fyri árið í ár hongur ikki saman, og longu nú er greitt, at pengar koma at mangla í. Tí noyðist Johan Dahl, lands­stýrismaður við ábyrgd av Strandferðsluni, í næst­um í løgtingið at biðja um eyka­ játtan til stovnin. Hvørki Johan Dahl ella Hilmar Eliasen vilja í dag upp­lýsa, hvussu nógvar peng­ ar talan er um. Lands­stýris­ maðurin vil bara upplýsa, at eykajáttanarlógin kemur í tingið í september. – Vit gjøgnumganga í løtuni allan raksturin, sigur Hilmar Eliasen, sum tó ikki vil útgreina orsøkina til at neyðugt er við fleiri peng­ um. Stjórin kann ikki peika á nakra, einstaka orsøk til at stovninum tørvar eina eyka­ játtan. Greitt er tó, at samstundis sum hetta arbeiðið fer fram inni á Strandferðsluni, so er fíggjarleiðarin á stovninum, Hans Petur Joensen, sendur til hús. Fíggjarleiðarin hevur fing­ið ætlanarskriv um upp­ søgn. – Jú, tað er rætt, at hann er ikki til arbeiðis á Strand­ ferðsluni fyribils, sigur Hilmar Eliasen, sum ann­ars als ikki ynskir at gera við­ merkingar til upp­lýs­ing­ar­ nar. Í aðrari grein her á síðuni váttar Hans Petur Joensen tó, at hann 13. august fekk hoyringsskriv um uppsøgn. – Eg eri í einum internum dialogi… Arbeitt verður við eini felags útmelding... ljóða einastu svarini frá Hilmari Eliasen, tá hann verður biðin um at vátta ella avsanna tíð­ indini um støðuna hjá fíggj­ ar­leiðaranum. Politikkur Hósdagin í síðstu viku var stjórin á Strandferðsluni á gátt í Tinganesi, har hann kunnaði leiðandi sam­gongu­ politikarar og em­bætis­fólk um støðuna á Strand­ferðsl­ uni. Við á fundinum var eis­ ini landsstýrismaðurin í vinnumálum. Men held­ ur ikki Johan Dahl vil gera við­merkingar til at fíggjar­ leiðarin er sendur til hús. – Tað mást tú tosa við Hilm­ar Eliasen um, ljóðar ein­ asta svarið frá Johan Dahl, sum er staddur á almennari vitjan í Álandi. Hilmar Eliasen sigur seg arbeiða við einari almennari fráboðan. Fráboðið var ikki komin, tá blaðið fór til prent­ ingar. Fíggjarligur ruðuleiki á Strandferðsluni Jón Brian Hvidtfeldt Uppsøgnin er dagfest 13. au­gust, tað er mikudagin í síðstu viku. Hoyringsskrivið varð latið honum dagin fyri at stjórin á Strandferðsluni fór á fund í Tinganesi at greiða leiðandi sam­gongu­ politikarum frá støðuni á stovninum. – Ja, eg kann bara vátta, at eg eri sendur heim við hoyringsskrivi um uppsøgn. Skrivið er dagfest 13. august og eg havi 14 dagar at gera viðmerkingar, sigur Hans Pet­ur Joensen. Higartil hevur fíggjar­ leiðarin ikki gjørt nakað burt­ur úr at svara hoyr­ings­ svarinum, og Hans Petur Joensen sigur seg ivast í, um hann yvirhøvur fer at gera nakað. – Nei, sum støðan sær út í løtuni rokni eg ikki við at koma við nøkrum hoyr­ ings­svari. Eg bara bíði, sigur Hans Petur Joensen, sum er sendur til hús, samstundis sum stjórin á Strandferðsluni er farin at ganga ígjøgnum allar rakstrarkonti, áðrenn hann í næstum fer at biðja landsstýrismannin í vinnu­ málum fara í løgtingið eftir eini eykajáttan. Søgan Tá tað stóð greitt, at játtanin til Strandferðsluna fyri 2013 ikki fór at halda, boðaði Hans Petur Joensen í vet­ur Fíggjarnevndini hjá løg­ting­ inum frá støðuni á stovn­ inum. Tað gjørdi fíggjar­ leiðarin uttan um sín stjóra, sum í kjalarvørrinum av málinum varð sendur til hús. Grannskoðaði roknskapurin fyri 2013 vísti seinni eitt undirskot á 4,4 milliónir krónur í mun til játtanina. Í mai komu løgtings­grann­ skoðararnir við hvøssum viðmerkingum til roknskapin hjá Strandferðsluni fyri 2013. Atfinningarnar peik­aðu ikki minst móti lands­stýris­mann­ inum í vinnumálum, sum varð lagdur undir at vera alt ov passivur í málinum. Víst varð á, at Johan Dahl ikki kunnaði løgtingið ella bað løgtingið um eykajáttan, hóast hann sambært løg­ tingsgrannskoðarunum var vitandi um, at játtanin til Strandferðsluna fór ikki at halda. Landsstýrismálanevndin er síðani farin at kanna hesi viðurskifti. Men hóast landsstýris­ mað­urin í lovaði bót og bata, so er fíggjarstøðan á Strand­ferðsluni framvegis langt frá í lagi. Fyrra hálvár í ár er meirnýtslan í mun til játtanina umleið tríggjar milliónir krónur. Enn vilja hvørki lands­ stýris­maðurin í vinnumálum ella stjórin á Strandferðsluni upplýsa, hvussu nógvar peng­ar Johan Dahl má biðja løg­tingið um í komandi eyka­ játtanarlóg, sum væntandi verður borin í løgtingið í september. Greitt er tó, at Strand­ ferðslan megnar ikki at halda sína játtan fyri 2014. Samstundis er fíggjarleiðarin, Hans Petur Joensen, sendur til hús. Spurdur, hvørt hann er offraður í hesum máli, svarar skjótt fyrr verandi fíggjarleiðarin turrisliga: – Tú kanst tulka tað, sum tú vil. Hóast hann ikki ynskir at fara í smálutir, so sigur Hans Petur Joensen seg tó kunna staðfesta, at framvegis er ikki samanhangur mill­um játtan og rakstur á Strand­ ferðsluni. Skjótt fyrrverandi fíggjarleiðarin á Strandferðsluni váttar at hava fingið hoyringsskriv um uppsøgn. Fíggjarleiðarin er sendur til hús, meðan stjórin roynir at fáa yvirlit yvir, hvussu stóra eykajáttan Strandferðslan hevur tørv á í ár Hilmar Eliasen, stjóri á Strandferðsluni Fíggjarleiðarin offraður