hósdagur 21. august 2014síða 30

nr. 94 · 22. august 2014 2 VIKUSKIFTI Summarredaktørur: Eyðun Klakstein Forsíðumynd: Sigmar Mørkøre Fríggjakvøldið verður útikonsert úti í Klaksvík. Hesa vikuna og um vikuskiftið eru Sjómannadagar í Klaksvík, og í tí sambandi verður konsert í søguliga umhvørvinum í Klaksvíksgarðinum í kvøld. Jassuti poppbólkurin Quarter To Three leggur fyri kl. 22.00, og síðani taka Danny And The Veetos við, áðrenn Grandma’s Basement hevur seinastu framførsluna. Millum framførslurnar spælir DJ-X tónleik. Læra føroyingar at eta tara Einaferð varð tað mett sum reina armóð at eta tara, men tíðir broytast, og nú verður tari brúktur í fínari matgerð burturi og heima. Hetta setir Sjómannadagurin í samstarvi við Ny Nordisk Mad eisini sjóneykuna á leygardagin. Millum kl. 13 og 16 verða ymisk sløg av tara sýnd fram. Agnes Mols Mortensen, sum er taraserfrøðingur, og Ruben Busk, sum er leiðandi kokkur á Hotel Hafnia, fara at greiða frá tarasløgunum og hvussu tey kunnu brúkast í matgerð. Eisini verður onkrar smakkiroyndir at fáa. Monkey- Rat á Sandi Fríggjakvøldið fáa sandoyingar vitjan av tónleikabólkinum MonkeyRat. Høvuðsfólk í bólkinum eru Anna Lachino og Arnold Ludvig, og afturat sær hava tey Rúna Eysturlíð, Brand Jacobsen og Elin Brimheim Heinesen, ið er serligur gestasangari hetta kvøldið. MonkeyRat fer at framføra sangir av sínum útgávum og onkrar nýggjar sangir. Konsertin verður á Virkinum á Sandi fríggjakvøldið kl. 21.00. Altjóða orkestur spælir Wagner og Sibelius Sokallaði FIMM festivalurin verður í hesum døgum hildin í Norðurlandahúsinum. Festivalurin er møtistað fyri tónleikalesandi og yrkistónleikarar úr Føroyum og útlandinum. Festivalurin bjóðar verksmiðjur, masterclasses og konsertir, og alt endar við, at FIMM Festivalorkestrið hevur konsert sunnudagin kl. 16.00. Í orkestrinum eru ungir klassiskir tónleikarar úr Føroyum og Italia saman við altjóða solistunum Guntis Kuzma, klarinett, Sergey Ostrovsky, violin og Kristina Blaumane, cello. Dirigentur er Federico S. Morresi. Á konsertini spælir orkestrið verk eftir eitt nú Richard Wagner, Gioachino Rossini, Dobrinka Tabakova og Jean Sebilius. Ups! Hvar fór handan heimaupptøkan? Hóskvøldið varð filmurin Sex Tape frumsýndur her á okkara leiðum. Filmurin snýr seg um hjúnini Jay og Annie, sum gera eina upptøku av teirra ástarleiki. Men tað, sum skuldi verða til stuttleika, verður ikki so stuttligt, tá ið teirra heimagjørda video verður uploadað á netinum. Sex Tape er skemtifilmur úr Hollywood, har Jason Segel og Cameron Diaz hava høvuðsleiklutirnar. Grandma´s Basement úti í Klaksvík