mánadagur 25. august 2014síða 19

19 Mánadagur 25. august 2014 · Nr. 95 Sosialurin Hugskot og viðmerkingar – send sms til 225000 kjak Nú sansar at hjá fiskimálaráðharranum Frank Davidsen Sørvági Sambært Jákupi Mikkelsen, formanni Fólkafloksins á tingi, kann flokkurin ikki liva við tí vinar- og kenn­ingar­ politikki, ið fiskimála­ráð­ harrin hevur ført seinastu nógvu árini. Samstundis er tann fyrr so harðmælti og arroganti fiskimálaráðharrin nú sum hamsskiftur. Í Degi og Viku herfyri líktist hann nærum einum piprandi kanariufugli, tá spurningar um gøluna við Asbjørn Senior vóru havdir á lofti. Samstundis var hyggjarin vitni til ein skelkaðan landsstýrismann, ið mól sum hundur um heitan greyt, eins og hann varð noyddur at krúpa í eitt politiskt músahol ístaðin fyri at argumentera fyri tí poltiska anarkii, ið hevur valdað í Fiskimálaráðnum, meðan hann hevur umsitið fiskivinnumál. Sjálvt um hann hevur verið arkitekturin til tað anarki, ið hevur valdað, segði hann seg tó ikki hava nakran lut í tí gølu, sum formaður Fólkafloksins á tingi nú krevur eina frágreiðing frá landsstyrimanninum uppá. Hinvegin so legði fiski­mála­ ráðharrin samgonguna, sum sat í 2011, undir at hava útskrivað eitt varandi fiski­ loyvi, sum hann var noyddur at fyrihalda seg til. Hetta er beinleiðis ósatt, samstundis sum henda jánka­sliga og ósanna útsøgn prógv­ar, hvussu djúpt polit­ iskt Jacob Vestergaard er sokkin. Nú roynir hann at renna undan sínum egna skugga, aftaná at hann hevur verið undangongumaður í tí politiska svansinum, sum hevur valdað í Fiski­mála­ráð­ num. Hann veit væl, at talan var um eina generella orðing í lógini um, at kom eitt reiðarí í eina støðu, sum kundi metast sum ein serstøða – “force majeure” – sum til dømis eitt havarí, so kundi reiðaríið leiga skip inn, og flyta veiðiloyvi frá skipinum, ið varð komið illa fyri, yvir á leigaða skipi. Samstundis stendur púra greitt, at ásetingin bert var galdandi fyri 2011, og hon fór sostatt úr gildi á midnátt 31. desember 2011. Í 2010 hevði Jacob Veste0­ rgaard sjálvur blástemplað veiðiloyvini hjá Athenu og Poseidon, tá hann fyrst avtók ræðisavmarkingina á hesum báðum skipunum, og harnæst uttan viðmerkingar gjørdi veiðiloyvini permanent. Fiski­málaráðharrin varð herfyri í løgtinginum spurd­ ur av millum annað Bill Justinus­sen, um loyvið hjá Athenu, sum varð givið við serlóg, nú varð eitt nýtt loyvi, og um endurgjaldskrav fór at verða reist, um eigarnir ikki longur fingu makrelloyvi. Ta var eitt margháttligt og einkissigandi svar, ið Bill Justinesen fekk frá fiski­ málaráðharranum. Athena var ein partur av føroyska veiðiflotanum, segði hann, men um veiðiloyvið var gald­andi allar ævir, tað visti fiskimálaráðharrin ikki. Hetta svarið er bert ein staðfesting av, at nú sansar at hjá sitandi fiskimalaráðharra, og hann er komin har út, har eingin politiskur botnur er. Lógin um vinnuligan fiskiskap frá 1994 er av sitandi fiskimálaráðharra vorðin so misbrúkt og tambað, at hon fyri tað eisini kundi verið brúkt til í sambandi við ætl­ anirnar hjá honum um at privatisera landsjørðina. Um nevndu loyvi vórðu skrivað út til tey økir, sum í dag einki fáa burtur úr hesum velduga makreltilfeingi, so var ein meining við galskap­ inum. Men ístaðin skrivar fiski­ málaráðharrin eitt fiskiloyvi út til eitt skip, sum fyri fleiri árum síðan er upphøgt og selt sum gamalt jarn. Sjálvsagt takkar felag­ ið Thor í Hósvík fyri fiski­ loyvið, sum felagið selur víðari fyri milliónaupphædd til eitt reiðarí, sum fyri tveim­um árum síðan frá Fiski­málaráðnum fekk eitt fiski­loyvi til royndafiskiskap eftir hvitingsbróðuri. Men nú sær tað út til, at tað er eitt danskt reiðarí, ið skal fiska burtur av makrel­kvotuni í føroyskum sjógvi, tá avtornar. Sostatt er ruðuleikin fullkomin, nú tann føroyski Fólkaflokkurin er farin at selja og útflyta fiskiloyvir til spekulantar í Danmark, meðan áhugaðir føroyingar sita við sviðusoð. Tískil sær ta út til, at Jacob Vestergaard fyribils hevur útspælt sín leiklut sum landsstýrismaður í fiski­ vinnumálum. Sam­stundis sæst á øllum brøgdum, at hann tykist hava fingið kaldar føtur, nú eitt reiðarí hevur stevnt Fiskimálaráðnum fyri tað óskil og tann órætt, ið hevur valdað úti í Fski­ málaráðnum, meðan sitandi fiskimálaráðharri hevur valdað har. Festivalurin takkar fyri stuðulin Nevndin í Sørvágs Country- & Blues festivali vil av øllum sínum hjarta takka øllum fyri stuðulin vit fingu til okkara triðja festival, sum var í døgunum 13. og 14. Juni 2014. Somuleiðis vilja vit takka Sørvágs kommunu, grannum til festivaløkið og øllum teimum mongu, sum hjálptu til at fáa festivalin so væl avgreiddan. Uttan stuðulin okkum varð veittur hevði ikki borðið til at skipa fyri einum so stórum tiltaki. Vit eru sera væl nøgd við undirtøkuna festivalurin fekk, afturmeldingarnar hava verði sera jaligar, bæði frá tón­leikarum, ljóð- & ljósfólki, hjálparfólki og teimum, ið vitjaðu festivalin. Nevndin í Sørvágs Country- & Blues festivali hevur gjørt av aftur at skipa fyri festivali komandi ár, dag­arnir eru settir til fríggja­ dagin 05. og leygardagin 06. juni 2015. Sum á teimum undan­ farnu festivalinum verður stórur dentur lagdur á tað familjuvinarliga tiltakið. Hetta tiltakið skal verða eitt tiltak sum øll familjan kann verða saman um, uttan at tað skal kosta nógv meira enn atgongumerkið. Enn einaferð, takk fyri stuðulin og takk fyri gott samstarv. Vinarlig heilsan Nevndin í Sørvágs Country- & Blues festivali Jógvan Philbrow tók seg fyrr í summar úr nevndini í Føroya Pedagogfelag, men útvarpið vendi alt á høvdið, tá tað fekk høvuðsorsøkina at vera misnøgd við nevndina í felagnum, sigur hann. Frustrasjónirnar, ið fingu hann at pakka saman, galda almennu arbeiðsgevararnar og ikki Pedagogfelagið, leggur hann dent á.