týsdagur 26. august 2014síða 8

Mikudagur 27. august 2014 · Nr. 96 8 Sosialurin Hugskot og viðmerkingar – send sms til 225000 Brennir fyri føroysku undirgrundini - Tað er av alstórum týdningi, at vit framvegis bora eftir olju í Føroyum, og tí er umráðandi, at vit fáa fleiri oljufeløg higar at bora. Olja er her. Vit skulu bara finna hana – og tað verður gjørt við at bora fleiri brunnar. Soleiðis sigur jarðfrøðingurin Malan Ellefsen, sum í næsta mánaði skal byrja í nýggjum starvi, har uppgávan er at marknaðarføra føroysku undirgrundina til oljuleiting Rannvá G. Fossaberg - Eg eri greið yvir, at hetta ikki er nøkur løtt uppgáva, tí van­di er fyri at oljufeløgini byrja at trekkja seg aftur, av tí at vit hava borað tveir turr­ar brunnar bara í ár. Og so er tað eisini basalti, sum er ein avbjóðing. Men spor eru funnin av olju í føroysku undir­grundini, so vit skulu bara finna útav, júst hvar olj­ an liggur. Orðini eigur 35 ára gamla Mal­an Ellefsen úr Havn, ið er útbúgvin jarðfrøðingur. Her­fyri lýsti Jarðfeingi eftir fólki til at marknaðarføra før­oyska landgrunnin til olju­leit­ing. At kvinnan, sum er sett í starvið, veruliga brenn­ir fyri sínum arbeiðið, sæst týðiligt, tá hon við eld­huga greiðir frá nýggja starvi­num, avbjóðingunum og tanka­num um, at vit fyrr ella seinna fara at finna olju í før­oysku undirgrundini. - Líka síðani eg byrjaði at útbúgva meg í jarðfrøði, var dreymurin at sleppa at arbeiða við føroyska økinum, tí føroyski landgrunnurin er avgjørt áhugaverdur í sam­ bandi við oljuleiting. Olja er beint hinumegin mark­ið, so hví skuldu vit ikki funnið olju á føroyska øki­num? Sjálvandi finna vit olju­na einaferð, sigur Malan Elle­ fsen avgjørd og heldur fram: - Vit hava frá boringunum higar­til eina rúgvu av dátu og vitan um føroysku undir­ grund­ina. Vit skulu finna fleiri øki, har vit meta, at møgu­leikin at finna olju er stór­ur, og síðani fara út í heim til oljufeløgini við okkara vit­an og marknaðarføra tey spenn­andi økini, sigur Malan Ellef­sen. - Tá olja verður funnin, blíva møguleikarnir so ótrú­ liga nógv størri, og Føroyar koma av álvara á heimskortið og vera ikki verða longur ein lítil, tilvildarligur prikkur. Eg trúgvi upp á oljuna undir Før­oy­um, og tí vil eg vera við til at marknaðarføra undir­ grund­ina til oljuleiting, sigur Malan Ellefsen, sum hevur yms­ar royndir við oljuleiting, nú hon seinast í spetember tekur við nýggja starvinum. Tá hon í 2008 bleiv liðugt út­búgv­in jarðfrøðingur og hevði skrivað høvuðsritgerð um Brugdan økið, fekk hon starv hjá Dong Energy í Dan­ mark, har hon millum annað tulkaði ymiskar seismiskar dát­ur frá Faroe-Shetland øki­num og eisini var við í proses­sini, tá borað verður á ei­n­um øki. Síðani 2012 hevur Mal­an Ellefsen saman við man­ni sínum og tveimum børn­ um búð í Føroyum, har hon hevur starvast sum jarð­frøð­ in­g­ur hjá Faroe Petroleum og sein­ni á Jarðfeingi. Basalti er ein trupulleiki Ein av orsøkunum til, at tað er trupult at fáast við olju­ boring í Føroyum, er basalti. - Basalti ger, at tað er ógvu­liga avbjóðandi at fáa útlendsk oljufeløg til Før­ oya. Eg vil siga, at tað er størs­ta avbjóðingin. Basalti er ein trupuleiki, tí ringt er at síggja hvat er inni í og undir basaltinum, sigur Malan Ellefsen, sum í sama við­fangi vísir á, at basalti er tjúkt, men tó ikki eigur at vera nøkur forðing. - Basalti eigur ikki at vera ein so stórur trupulleiki, at oljufeløg setast aftur við at koma higar at bora. Í Meksikoflógvanum bora tey lættliga einar fimm-seks kilo­metr­ar niður fyri at fáa fatur á oljuni, so hví skulu vit ikki kunna tað her undir Før­oy­um. Týdningarmikið er at koma undir basalti og vita, hvat liggur har niðri, men tað kann mann ikki vita, fyrr enn borað verður nóg djúpt, sigur Malan Ellefsen og heldur fram: - Orsøkin til, at tað er so meldurin