týsdagur 26. august 2014síða 13

13 Mikudagur 27. august 2014 · Nr. 96 Sosialurin Hugskot og viðmerkingar – send sms til 225000 Leiðari fyri Norðoya Bú- og Heimatænastu STARVSLÝSING Klaksvíkar kommuna I Nólsoyar Páls gøta 32 I Postboks 2 I 710 Klaksvík I Tlf. 41 00 00 I klaksvik@klaksvik.fo I www.klaksvik.fo Hevur tú hugsanir um, hvussu eldraøkið kann mennast frameftir? Dámar tær avbjóðingar, og hevur tú evnini til at leiða og motivera eitt fjølbroytt lið av leiðarum í ymiskum arbeiðsumstøðum? Starvið gevur tær ávirkan og møguleika fyri at seta tíni fingramerkju á eina nýggja framtíð fyri eldraøkið í Norðoyggjum. BYGNAÐUR OG STARV Eldraøkið í Norðoyggjum er skipað sum eitt javnbjóðis samstarv ímillum kommunurnar í Norðoyggjum. Eldraøkið fevnir um bústovnar, heimarøkt og aðra tilhoyrandi tænastu. Virksemið fevnir um allar Norðoyggjar. Tað eru í løtuni uml. 150 starvsfólk innan økið. Endamálið hjá Norðoya Bú- og Heimatænastu er at stuðla undir, at borgarar kunnu vera sum longst í egnum heimið, við: a. at fyribyrgja sjúku, b. at stimbra sálarligu og likamligu heilsu og trivnað borgarans, c. at endurmenna mistan førleika, d. at stimbra møguleika hins einstaka at klára seg sjálvan, e. at veita røkt og umsorgan. Arbeiðsplássið er dynamiskt og umsitur eina sera týðandi samfelagsskipan. Økið hevur stóran almennan áhuga, tí tað fevnir um tænastu til nógv fólk. UPPGÁVUR OG KRØV Leiðarin hevur ábyrgdina av dagligu leiðsluni og menningini av Norðoya Bú- og Heimatænastu og teimum stovnum, sum eru og koma í økinum. Leiðarin skal tryggja at uppgávurnar verða loystar á einum høgum stigi, og at bygnaður og mannagongdir eru í samsvari við nútímans krøv. Hann hevur beinleiðis tilvísing til stýrið fyri Norðoya Bú- og Heimatænastu, sum hevur evstu ábyrgd av eldraøkinum. Dagliga umsitingin av Heimatænastuni verður partur av umsitingini hjá Klaksvíkar Kommunu. Tú verður sjálv/ur í stóran mun við til at skapa starvið, og at menna nýggju umsitingina saman við leiðslunum og starvsfólkunum umsitingini. Talan er um eitt nýtt og spennandi starv við nýggjum avbjóðingum innan eldraøkið, har tú fært møguleikan at verða við til, at samansjóða allar tænasturnar, sum Norðoya Bú- og Heimatænasta hevur at bjóða í Norðoyggjum. HØVUÐSUPPGÁVURNAR HJÁ LEIÐARANUM ERU M.A. AT: •• ganga á odda, soleiðis at tænasturnar í Norðoya Bú- og Heimatænastu frameftir verða í fremstu røð •• gera uppskot um bygnað og samansjóðing av øllum tænastunum •• byggja upp eitt vælvirkandi og sam- skipandi leiðslutoymi, sum sam starv- ar og gagnnýtir førleikar og skipanir í umsitingini best møguliga •• fremja skilagott samstarv og samskifti við politikarar, borgaran, leiðslur, um- sit ing, starvsfólk, myndugleikar og aðrar áhugabólkar •• tryggja, at visitatiónin innan allar tænastur og veitingar, sum samstarvið veitir borgarunum í økinum innan heimatænastu, eldrarøkt v.m., verður skipað so skilagott sum til ber •• ráðgeva stýrinum o.ø. og vegleiða í spurning um innan eldraøkið •• verða skrivari og at føra gerðabók fyri stýrið í Norðoya Bú- og Heimatænastu VIT VÆNTA OKKUM, AT TÚ: •• hevur viðkomandi heilsufakliga útbúgving ella aðra viðkomandi útbúgving og hevur leiðsluroyndir frá tí almenna og/ ella privata arbeiðsmarknaðinum, •• við tínum leiðsluhátti skapar trivnað og mennir leiðarar, starvsfólk og Norðoya Bú- og Heimatænastu sum heild, •• ert tænastusinnað/ur, fyrikomandi, •• ert savnandi og skapandi, tí einki verður framt uttan í samstarvi við onnur, •• ert virkisfús/ur og týðilig/ur og dugir væl at lýsa sjónarmið fyri øðrum, •• ert strukturerað/ur, hevur skil fyri fíggjar stýring og hevur góðar um- sitingarligar førleikar, •• hevur førleika at menna samstarv og sam skifti við politikarar, borgaran, leiðslur, umsiting, starvsfólk, myndugleikar og aðrar áhugabólkar og •• hevur hegni og evni at koma fram til fram tíðarloysnir og fremja tær í verki. LØNAR OG SETANARTREYTIR Starvið verður lønt í 35. lønarflokki hjá Tænastumannafelag Landsins, tó uttan at verða eitt tænastumannastarv. Lønin er í løtuni 39.293,77 kr. um mánaðin, og harumframt verða 15% goldin í eftirlønargjaldi. Setanarøkið fevnir um Norðoyggjar og tænastustaðurin er býráðsumsitingin hjá Klaksvíkar Kommunu. UMSÓKN Umsókn við prógvum, c.v. og øðrum viðkomandi skjølum skal sendast til: Norðoya Bú- og Heimatænastu, C/O Klaksvíkar Kommuna, Nólsoyar Pálsgøta 32, Postboks 2, 700 Klaksvík. ella til teldupost-adressuna: klaksvik@klaksvik.fo Umsóknin skal verða okkum í hendi í seinasta lagi mánadagin 15. september 2014 kl. 12:00. Starvið verður sett frá 1. oktober 2014 ella skjótast tilber. Um fleiri upplýsingar ynskjast, ber til at ringja til Klaksvíkar Kommunu og tosa við Tummas T. Eliasen, kommunustjóra (fartlf. 217788), ella John Færø, trivnaðar stjóra (fartlf. 222216). NORÐOYA BÚ- OG HEIMATÆNASTA Eitt áhugavert, spennandi og fjølbroytt starv sum leiðari fyri eldraøkið í Norðoyggjum er nú leyst at søkja. Økið verður yvirtikið frá landinum 1. januar 2015, og tí krevst ein framsíggin persónur við góðum leiðaraevnum, ið setur framburð og trivnað í hásætið.