mánadagur 1. september 2014síða 4

Mánadagur 1. september 2014 · Nr. 89 4 Sosialurin Hugskot og viðmerkingar – send sms til 225000 Tað hava ongantíð verið so nógv útlendsk tíðindafólk í Føroyum Vit eru sloppin at greiða frá okkara meining um grindadráp Áki Bertholdsen Tað hava ongantíð verið so nógv útlendsk fjølmiðlafólk í Føroyum sum í ár. Tað staðfestir Súsanna Sørensen á Ferðaráðnum. Hon sigur, at bara higartil í ár hava eini 100 útlendsk fjøl­miðlafólk verið í Føroyum og tað er tað mesta nakran­tíð upp á so stutta tíð. Hon sigur, at seinastu nógvu árini hevur Ferða­ráð­ ið gjørt eitt miðvíst ar­beiði fyri at fáa útlendsk tíðinda­ fólk higar at skriva og gera sendingar um Føroyar. – Tað hevur eydnast so mikið væl, at talið á út­ lendsk­um tíðindafólki, sum hava verið í Føroyum er al­ samt vaksið ár undan ári og í ár er tað so tað størsta nakran­tíð. Hon sigur onkur er kanska komin higar í kjalar­ vørr­inum á Sea Shepherd. Men tað eru avgjørt undan­tøkini. Nógv tey flestu eru komin higar sum eitt úrslit av tí mið­vísa arbeiðið, Ferðaráðið hevur gjørt og onnur eru komin higar, tí tey hava frætt um Føroyar onkrastaðni frá og halda, at hetta eitt spenn­ andi land at viðgera í teirra fjølmiðili. Súsanna Sørensen hevur heldur hug at venda tí við og halda, at tað er stak hugaligt at vita sær, at so stórir út­ lendsk­ir fjølmiðlar vilja koma higar, hóast vit halda, at allur heimurin er ímóti okk­um fyri tað at vit drepa grind. – At vit drepa grind sær ikki út til at ávirka hugin hjá útlendskum fjølmiðlum at koma higar at gera sendingar um Føroyar. – Tað er heldur ikki grind­ ini, teir eru áhugaðir í, men tey gera sendingar um alt møgu­ligt annað. – Onkur er kanska áhug­ aðir í grind, men bara sum ein partur í eini lýsing av, hvat Føroyar og føroyingar eru sum heild og ikki sum tann berandi parturin í teirra lýs­ing av okkum. – Tað, sum er áhugavert fyri útlendsku miðlarnar er at lýsa hetta serstaka sam­ fel­agið mitt í Atlantshavi og sum so fá vita nakað um. 20 milliónir Súsanna Sørensen sigur, at slík umrøða er gull verd fyri Føroyar. Á Ferðaráðnum gera tey upp, hvussu nógv umrøðan í útlendskum miðlum hevði kostað, skuldu tey havt líka stórar lýsingar í útlendskum miðlum. Leggja vit tað saman, út­ lendskir miðlar hava skrivað um Føroyar og rokna út, hvussu tað hevði kostað hjá okk­um at keypt líka stórar lýs­ingar, hevði tað kostað okkum einar 20 milliónir í lýs­inga­pengum, sum vit ístaðin fáa ókeypis. Aðrastaðni meta tey, at ókeypis umrøða í bløðum ella tíðarritum er tvær ella tríggjar ferðir so nógv vert sum ein lýsing, so eftir tí geva útlendsku fjølmiðlarnir før­oy­ingum ókeypis marknaðar­føringum fyri ein­ar 40 til 60 milliónir. Súsanna Sørensen sigur, at her er mest hugsað um prent­aðu fjølmiðlar, tí um­ røða í øðrum miðlum er verri at gera upp í lýsingapengum. Vit sleppa at siga okkara meining – Vit eru eisini sloppin at siga okkara meining. Tað heldur Ólavur Sjúrðar­berg, formaður í Grinda­manna­felagnum. Tá ið Sea Shepherd her­ fyri hálaðu gitnu, men hálv­føln­aðu hollywood­ stjørn­una, Pamelu Anderson til Føroya, gjørdi grindamannafelagið av at spæla við. Tá ið Sea Shepherd boð­ aði frá, at Pamela Anderson skuldi hava tíðindafund og at hann skuldi sendast bein­leiðis um allan heimin, gjørdi Grinda­mannafelagið av at gera eitt undantak og at møta upp á fundinum. – Endamálið við tí var, at tað, Sea Shepherd og Pamela Anderson førdu fram á tíðindafundinum, skuldi ikki sleppa at standa einsa­malt Og formaðurin í grinda­ mannafelagnum heldur, at ætlanin eydnaðist. – Á sluppu vit at siga okk­ara meining um grind og eg haldi, at vit fingu okkara boð­skap greiðari fram, enn tey fingu teirra Og í kjalarvørrinum á tí tíðindafundinum vóru tað ein ørgrynna av út­lendsk­ um fjølmiðlum, sum vildu sleppa at tosa við okkum. Og eisini síðani hava nógv útlendsk tíðindafólk tosað við okkum við tí endamáli at lýsa grindadráp úr okkara sjónarhorni. Ólavur Sjúrðarberg sigur, at hetta vóru professionell tíðinda­fólk, sum kenna sína ábyrgd at lýsa eitt mál frá øllum síðum. aki@sosialurin.fo Ongantíð so nógv sum í ár so nógv Ongantíð FØROYAR VÍÐAKENDAR Gull vert Innrásin av útlendskum tíðindafólkum vindur bara upp á seg og tað er gull vert fyri Føroyar