mánadagur 1. september 2014síða 16

Mánadagur 1. september 2014 · Nr. 89 16 Sosialurin Hugskot og viðmerkingar – send sms til 225000 undir fýra eygum Eg ræðist ikki ópopulerar avgerðir Eyðun Klakstein Tað var í einum summar­ hús­um á Selatrað, at áhugin hjá Finnbjørn Vang fyri talvi kveiktist av fyrstan tíð. Hann var 11 ára gamal og royndi fyrstu ferð at telva. Síðani gjørdist hann púra burtur í talvi, og seinastu ár­ ini hevur hann serliga stað­ið og skipað fyri talvi í Føroy­ um. Nú er hann eisini blivin europeiskur varaforseti í talvi, og tað gevur honum nýggjar avbjóðingar og møgu­leikar. – Eg tími serstakliga væl at skipa fyri og leggja til rættis. Eg søki ikki prestisju ella heiður, men stór­trívist millum talvfólk. Talv­um­ hvørvið er heilt serstakt, og mær dámar sera væl at verða mitt í rokanum, sigur Finnbjørn Vang. – Sum telvari kemur tú sera tætt uppá fólk, og tú kanst eisini kenna teg sár­ baran, tí tú ert einsa­mallur í kapp­ing. Tú situr yvir av ein­um persónligum mót­ støðu­manni í fleiri tímar. Tit royna at fella hvønn annan, lesa tankarnar hjá hvørjum øðrum og eru í eirindaleysum stríði á talvborðinum. Tað skapar ein nærleika, sum tú ikki upplivir í nógvum øðrum ítróttargreinum, og tú kemur at kenna fólk væl – bæði við talvborðið og í um­ hvørv­inum annars. Kann vera krevjandi Seinastu fimm árini hevur Finnbjørn Vang verður forseti í Talvsambandi Før­ oya, og áðrenn tað var hann fleiri ár í nevndini í talv­sam­ bandinum. – Innan talv er tað sum við so nógvum øðrum felags­ skapum, at fólk tíma illa í nevnd. Ein orsøk er helst, at tað kann verða tungt at hava fíggjarliga ábyrgd av einum felagsskapi og vera tann, sum stendur fyri skotum, um alt ikki gongur eftir vild. Gongur tað illa, fært tú allar ákærurnar, men gongur tað væl, fært tú ikki rósið, sigur hann. – Eg bjóðaði meg fram, tí eg tími nevndararbeiði, og tí eg haldi meg gera mun. Eg hevði eisini nakrar mein­ ingar um, hvussu vit kundu stíla fyri talvi í Føroyum. Summi fólk bjóða seg fram til alt, men eru ikki til reiðar at taka eitt tak. Ein frí­tíðar­ felagsskapur hevur ikki ráð at gjalda seg frá uppgávum, og tí er fyrsta treytin, um tú ætlar tær at standa fyri, at tú ert til reiðar at gera ein inn­ sats. – Onkur heldur kanska, at eg eri ov nógv blandaður upp í praktiskar fyrireikingar og at avvikla kappingar, men tað dámar mær væl, og tað er sera gevandi. Eg eri ikki blivin forseti í Talv­sam­band­ inum fyri at umgangast topp­ar­nar. Eg trívist best mill­um talv­fólk mitt í talv­um­hvørvinum, sigur Finnbjørn Vang. – Talvsambandið hevur ikki ráð at keypa seg til tæn­ astur, tí um vit brúka nógvar pengar í dag, hava vit ongar pengar at brúka í morgin og ovur­morgin. Eg leggi stóran dent á, at tað, sum vit gera, er fíggjar­liga skynsamt. Samleiki Tað kann verða slítandi at standa á odda fyri einum ítróttar­felagsskapi, og tað er púra vanligt, at ítróttar­leið­ arar brenna út og leggja frá sær. Finnbjørn er tó við gott mót, hóast hann nú hevur staðið á odda fyri Talv­sam­ band­inum í fimm ár. – Januar mánaður er van­ liga sera strævin. Tá fella nógvar uppgávur saman, og tá kann eg kenn meg strongd­an. Í ár spurdi eg meg sjálvan, hví eg geri hetta. Men tað lag­aði seg eisini, og eg havi ongar ætlanir um at taka meg aftur. Eg kom at siga í út­varp­inum, at eg elski talv, og hóast tað kanska ljóð­ar eitt sindur undarligt at siga, so er nakað um tað. Talv er partur av mínum sam­ leika, sigur Finnbjørn Vang. Sum ein hvør annar ítróttar­leiðari kemur Finn­ bjørn eisini í støður, har fólk eru á ymiskum máli um ymisk viðurskifti. – Gularótin er avgjørt betur enn pískurin, og hóast vit skulu royna at finna semjur og verða samd, so má ein ítróttar­leiðari viðhvørt taka ein avgerð sjálvur – eis­ini um tað er ein ópopu­ler avgerð. Tað eri eg av­kláraður við og havi ongar trupul­leikar av. – Í felagsskapi skulu øll ikki at verða samd alla­ tíðina, men tað er umráðandi, at vit duga at verða ósamd og alíkavæl fáa avgreitt øll viður­skifti, samstarva og fáa úrslit. – Tað er so nógv uppi í tíðini, at leiðarar skulu verða semjusøkjandi og taka fólk við upp á ráð, at vit um nøkur ár fara at uppliva leiðarar, sum ikki megna at taka eina avgerð sjálvur. Samstarv er gott, men viðhvørt skal onkur skera ígjøgnum og taka eina avgerð, sigur Finnbjørn Vang. Altjóða uppgáva Í summar verða Finnbjørn Vang valdur til vara­ for­seta í europeiska talv­sam­bandinum, European Chess Union, fyri næstu fýra árini. – Tað er gott fyri føroyska telv­ing og fyri Før­oy­ ar sum heild, a t v i t h a v a fing­ið um­boð í eurpeisku talv­nevnd­ ina. Eg eri fullvísur í, at tað fer at hava onkrar fyrimunir við sær fyri Føroyar, og har­ afturat fáa vit eisini markera okkum enn meira í altjóða talvi, sigur Finnbjørn Vang. – Hetta ger tað eisini moti­ ver­andi hjá mær at halda fram sum leiðari innan talv, tí hóast tað kann gerast stræv­ið, so er tað eisini spenn­andi at royna nakað nýtt. – Føroyar eru ikki so lítlar Skulu vit halda fram at drepa grind? – Grindadrápið er partur av okkara mentan, og stovnurin er ikki hóttur. Vit skulu ikki drepa grind til stuttleika, men eta tað, sum vit drepa. Eg eri uppvaksin í einum útróðrarumhvørvi, og eg eri vanur við, at mann etur tað, sum kemur úr havinum. Er talv ein ítróttur? – Talv er avgjørt ein ítróttur. Sum yngri kundi eg renna sólina svarta í fót- bólti og koma skjótt fyri meg aftur, men eftir eitt 6 tíma talv var eg púra útlúgvaður mentalt og kropsliga. Telvarar skulu verða í góðum formi, tí annars er tað sum við øðrum ítrótti, at tú gert feilir, tá tú troyttast. – Tað er so nógv uppi í tíðini, at leiðarar skulu verða semjusøkjandi og taka fólk við upp á ráð, at vit um nøkur ár fara at uppliva leiðarar, sum ikki megna at taka eina avgerð sjálvur. Samstarv er gott, men viðhvørt skal onkur skera ígjøgnum og taka eina avgerð, sigur Finnbjørn Vang, føroyskur talvforseti Mynd: Eyðvør Klakstein Finnbjørn Vang – Gularótin er betur enn pískur, og hóast vit skulu royna at finna semjur og verða samd, so má ein ítróttarleiðari viðhvørt taka eina avgerð sjálvur – eisini um tað er ein ópopuler avgerð, sigur Finnbjørn Vang, føroyskur forseti og europeiskur varaforseti í talvi