mánadagur 8. september 2014síða 21

21 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 8. september 2014 · Nr. 101 ítróttur Norðurírar tóku øll á bóli Danmark slapp við skrekkinum Í okkara EM-bólki hendi í hinum báðum dystunum tað, at fyri fyrstu ferð í fýra ár vann Norðurírland á útivølli, samstundis sum Rumenia vann við bara tíggju monnum tað mesta av seinna hálvleiki Hilmar Jan Hansen Stóri skelkurin í bólki F var ikki, at Føroyar í hálv­leik­ inum vóru á odda 1-0 ímóti Finnlandi, hóast føroysk hálv­leiksleiðsla telist millum rárastu hendingar. Nei, heldur var tað norður­írski sigurin á Ungarn, sum veruliga fekk afturljóð, tí tí høvdu tey fægstu roknað við. Og so skal enntá havast í mentu, at Norðurírland fekk hesi trý stigini til høldar á útivølli. Ungarn, sum í luta­kast­ inum til hesa EM-undan­ kappingina var styrkismett í næstovasta bólkinum, skuldi eisini verið eitt av londunum, ið veruliga kunnu spæla við um at sleppa til EM í Frak­ landi um smá tvey ár. Men tað var lættari sagt enn gjørt, tí hóast norðurírar ikki høvdu vunnið ein úti­ dyst í fýra ár, fingu teir í gjár­kvøldið tikið sær betri partar fyri, tá teir vitjaðu Groupama Aréna í Budapest. Dysturin var málleysur, til bara eitt korter var eftir, tá Tamas Priskin legði heima­liðið á odda – og alt sá út, sum roknast kundi við frammanundan. Men so komu norðurírsku gestirnir í gongd. Fyrst fekk innskifti Niall McGinn fimm minuttir seinni javnað til 1-1 eftir upplegg frá Kyle Lafferty, sum sjálvur tveir minuttir fyri tíð fekk skorað sigursmálið, so Norðurírland vann 2-1. Eitt stórt vónbrot fyri ungarar, ið óivað høvdu ætlað sær annað og meira, men samstundis eisini ein áminn­ing til tey, ið hava givið til kennar, at Føroyar nokk skulu fáa stig á útivølli ímóti »The Green and White Army« um ein mánað, at ikki loysir seg at kanna sær bitan, fyrr enn hann er svølgdur. Vunnu við tíggju monnum Av teimum seks londunum í okkara bólki skuldi Grikka­ land verið tað sterkasta, og millum annað eru grikkar teir einastu í bólki F, sum vóru við í HM-endaspælinum í Brasil í summar. Har komu teir víðari úr bólka­spæl­inum, men máttu í áttanda­parts­ finaluni lúta fyri Costa Rica eftir umdyst og brots­sparks­ kapping. Allíkavæl megnaði Grikka­land ikki á heima­vøll­ inum hjá Olympiakos FC í Pireus at gera nakað muna­ gott við rumenar, ið sum á pappír­inum triðsterkasta lið í bólkinum vildu vísa, at teir ætla at gera vart við seg í hesi undankappingini. Longu í tíggjunda minutti fekk Rumenia best hugsandi kjansin, tá Alexandru Chipciuon varð feldur í grikska brotsteiginum, og enski dómarin, Mark Clatten­burg, eirindaleyst peik­aði á brots­sparks­blettin. Rumenski liðformaðurin, Ciprian Marica, tók sær av brotssparkinum og legði gestirnar á odda 1-0, men ein tíma seinni var tað hann, ið brádliga kom í stóran vanda fyri at gerast syndabukkur, tá hann átta minuttir eftir hálvleikssteðgin fekk seinna gula kortið og mátti undir brúsu í ótíð. Tíbetur fyri hann og hinar rumenarnar, megnaðu teir at halda tætt, so Grikkaland ongantíð fekk svarað aftur, og við tíggju monnum fingu gestirnir vart støðuna og hildið fast um 1-0, sum eisini bleiv úrslitið av dystinum. Kanska ein ábending um, at Rumenia veruliga hevur ta styrki, ið fleiri hava roknað við, og sum kann enda við, at rumenar fara at teljast mill­um tey fremstu í okkara EM-bólki, sum eftir hesar tríggjar fyrstu dystirnar nú sær enn meira opin út, tí Finn­land, Norðurírland og Rumenia hava trý stig í part, samstundis sum Ungarn og Grikkaland hava somu stiga­ leysu lagnu sum Føroyar. hilmarjan@sosialurin.fo fótbóltur undankapping Kyle Lafferty og hinir á norðurírska landsliðnum tóku øll á bóli, tá teir í gjárkvøldið løgdu út í hesi EM-undankappingini við at basa Ungarn Armenia, sum ikki júst hev­ ur verið eydnismótstøða hjá Danmark í undan­kapping­ um, kom á odda, men mátti allíkavæl lúta, tá avtornaði. Hini norðurlondini spæla í kvøld og í annaðkvøld. Fyri einum góðum ári síðani fekk Danmark ein ordans avsmurning frá Armenia í Parkini í Kjøpin­ havn, tá armenar vóru púra náðileysir í HM-undan­kapp­ ingar­dysti og vunnu heili 4-0. Nú møttust liðini aftur á sama stað í gjárkvøldið, men hesaferð fingu danskarar hevnd. Allíkavæl mundi bæði ein og annar blíva illa við og uppliva tað sum eitt slag av »deja vu«, tá Henrikh Mkhitaryan stutt inn í seinna hálv­leik legði gestirnar á odda 1-0. Men endurtøkan av eyð­ mýkingini kom ongantíð, tí í staðin bleiv tað 19 ára gamli Pierre-Emile Højbjerg, sum 20 minuttir inn í seinna hálv­leik fekk javnvág í rokn­ skapin, áðrenn Thomas Kahlen­berg 10 minuttir fyri tíð skjeyt sigursmálið. Danmark, sum eisini fekk eitt mál kolldømt av órøtt­ um, er tí á odda í EM-bólki I saman við Albania, ið gjørdi ein ordans vørr, tá tað á úti­ vølli eydnaðist at vinna 1-0 á Portugal. Fimta landið í hes­ um bólkinum er Serbia, sum í vinardysti í gjárkvøldið spældi javnleik, 1-1, ímóti kom­andi EM-vertunum úr Frak­landi. Av hinum Norður­lond­ unum skal Svøríki í eldin í klokkan 19.45 í kvøld á úti­ vølli ímóti Eysturríki í bólki G, og í annaðkvøld skulu Ísland og Norra á heima­ vøllin taka ímóti ávikavist Turka­landi í bólki A og Italia í bólki H. hilmarjan@sosialurin.fo Fegnir danskarar eftir heimasigurin á Armenia í gjárkvøldið Mynd: AFP/Getty Images