mánadagur 8. september 2014síða 22

Mánadagur 8. september 2014 · Nr. 101 22 Sosialurin Hugskot og viðmerkingar – send sms til 225000 ítróttur undankapping fótbóltur soleiðis stóðu Gunnar Nielsen 5 Átti æruna av, at føroyska liðið fór til hálvleiks við eini leiðslu. Var óheppin við tí næsta málinum hjá finnum, har teir skora uppá returbólt. Hevði tó fleiri framúr góðar bjargingar í fyrra hálvleiki og var sum heild tryggur í øllum tí hann fyritók sær. Hóast hann ikki spælir í Motherwell til dagliga, so var avrikið sunnukvøldið sannførandi. Besti føroyski leikarin í dystinum. Jónas Tór Næs 3 Leikti væl á høgra bakki sum vanligt. Stríddist væl og var drúgvur í verjuspælinum. Hóast Jónas bert er 28 ár, so telist hann millum teir mest royndu leikararnar á føroyska landsliðnum og avrikið sunnukvøldið var, eins og tey flestu av hinum, væl og virðiliga góðkent. Odmar Færø 2 Leikti fyri fyrstu ferð á føroyska landsliðnum í gott og væl 2 ár og leikti fyri fyrstu ferð saman við Sonna Ragnar Nattestad í miðverjuni. Var fleiri ferðir sterkur í duellunum, har hann vann nærdystir. Men tað vóru eisini fleiri støður, har bóltarnir vóru spældir afturum ryggin á Odmari Færø. Ein av orsøkunum kann vera vantandi samskifti í verjuni. Hevur tó verið nógv skaddur og er avgjørt á veg upp aftur. Sonni Ragnar Nattestad 3 Leikti fyri fyrstu ferð frá byrjan í einum týdningarmiklum undankappingardysti. Var sannførandi fyrstu løtuna, har hann bæði vann luftbóltar og taklingar. Er framúr væl fyri fysiskt, men eins og við Odmari Færø, so vóru tað støður har bóltar vóru spældir afturum ryggin á føroysku miðverjunum. Umframt tað, so vóru einkultar støður har føroyska miðverjan var á millumhond. Millum annað einaferð í fyrra hálvleiki, tá ein finni varð spældur púra leysur við Gunnari Nielsen. Viljormur Davidsen 4 Leikti enn ein góðan landsdyst fyri Føroyar. Var góður í verjuspælinum, umframt at hann nærum hvørjaferð tók skilagóðar avgerðir við bóltinum. Hótti eisini fleiri ferðir í álopsstøðum. Millum annað ta einu ferðina, tá Jóan Símun Edmundsson royndi seg við saksarasparki. Situr í løtuni trygt á sessinum sum vinstri bakkur á føroyska landsliðnum. Fróði Benjaminsen 3 Leikti sunnukvøldið landsdyst nummar 80 fyri Føroyar. Liðskiparin á føroyska landsliðnum stríddist eisini væl allan dystin, har hann vann fleiri bóltar. Millum annað ein tíðliga í seinna hálvleiki, tá Jóan Símun Edmundsson kom í góða støðu. Føroyski miðvøllurin var tó trýstur nakað langt aftur fleiri ferðir í dystinum, av tí at nummar 7 og 8 hjá Finnlandi vóru so tryggir á bóltinum. Róaldur Jakobsen 2 Leikti sín fyrsta landsdyst fyri Føroyar. Sást sjónliga at talan var um fyrsta landsdystin, tí Róaldur var ikki eins róligur á bóltinum og hann vanliga er. Tók fleiri ferðir í byrjanini heldur skundisligar avgerðir við bóltinum og fekk ongantíð sítt vanliga spæl at koyra. Arbeiddi væl, men varð tikin út tíðliga í seinna hálvleiki. Hallur Hansson 3 Arbeiddi væl sum fremsti maður á miðvøllinum og er nokk tann leikarin á føroyska landsliðnum við tí bestu renniorkuni. Føroyski miðvøllurin varð tó ov ofta yvirspældur av finsku leikarunum. Men sigast skal at finska liðið dugdi framúr væl at varðveita bóltin. Gunar Nielsen hevði fleiri avbera góðar bjargingar, og var besti føroyski leikarin móti Finnlandi Hallur Hansson arbeiddi væl og er nokk tann leikarin við bestu renniorkuni Metingar: 1 til 6