mánadagur 8. september 2014síða 23

23 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 8. september 2014 · Nr. 101 ítróttur Gilli Sørensen 2 Spældi eisini sín fyrsta týdningarmikla undan­kappingar­ dyst frá byrjan. Hevur so høga ferð, at hann kann renna frá einum og hvørjum. Tað sást tó ov sjáldan sunnukvøldið, tí Gilli kom ongantíð veruliga til sín rætt. Er tó við at koma fyri seg eftir longri skaðasteðg. Christian L. Holst 4 Skoraði føroyska málið stutt áðrenn hálvleik, ið veruliga setti eld í áskoðararnar á Tórsvølli. Var ikki so sjónligur áðrenn føroyska málið í fyrra hálvleiki, men vísti fleiri ferðir í seinna hálvleiki góðar dygdir til at varðveita bóltin. Sá eisini út til at vera væl fyri, og hevði ongar trupulleikar av at spæla fullan dyst. Páll Klettskarð 2 Spældi frá byrjan í álopinum. Stríddist væl, men var tó ov ofta spældur skeivt, soleiðis at føroyska liðið ikki fekk varðveitt bóltin. Páll hevur sínar styrkir í júst at varðveita bóltin og at koma við í feltið. Tískil kom hann ikki veruliga til sín rætt og var útskiftur í hálvleikinum fyri Jóan Símun Edmundsson. Jóan Símun Edmundsson 3 Kláraði betri at varðveita bóltin enn Páll Klettskarð. Var eisini nær við at saksasparka bóltin í netið í einari støðu, har tað seinni bleiv bríkslað fyri rangstøðu. Var í einari lyklastøðu tá støðan var 1-0 til Føroyar tíðliga í seinna hálvleiki, har Jóan Símun hevði bóltin stutt uttanfyri feltið hjá finnum. Kundi væl havt funnið Gilla Sørensen, ið var við at renna seg púra leysan, men valdi at skjóta sjálvur. Rógvi Baldvinsson 2 Spældi í einum nýggjum leikluti á landsliðnum, tá hann var innskiftur í seinna hálvleikinum. Spældi sum defensivur á miðvøllinum, hóast hann áður altíð hevur spælt í miðverjuni. Hevur góðar fyritreytir fyri at gerast ein góður miðvallari, tí Rógvi er góður við bóltinum, umframt at hann fyllir nógv fysiskt. Kom tó ongantíð veruliga til sín rætt sunnukvøldið á miðvøllinum. Ári Mohr Jónsson 2 Spældi síðsta korterið, eftir at hann avloysti Gilla Sørensen. Spælir vanliga á vinstra bakki, men var skiftur inn sum vinstri miðvallari. Fekk ongantíð veruliga tíð at koma inn í dystin og var onkra ferðina heldur óheppin í sínum avleveringum. Er tó ein leikari, ið hevur framtíðina framman fyri sær og kemur allarhelst at spæla sum vinstri bakkur hjá U-21 landsliðnum móti Montenegro týskvøldið. Samlaða avrikið 2 Vónirnar undan landsdystinum vóru góðar, tí mett var at Finnland var eitt av liðunum, ið Føroyar skuldu hava møguleika ímóti á heimavølli. Finska liðið yvirraskaði tó føroyingar frá byrjan. Finska liðið legði eitt høgt trýst frá fyrsta bríksli, og tað sá ikki út til at hóva føroysku leikarunum, ið høvdu ringt við at koma fram til kontra álop. Afturat tí, so spældi finska liðið munandi betri fótbólt enn fleiri føroyingar høvdu givið sær far um undan dystinum. Føroyska liðið førdi í hálvleikinum, men hevði ikki verið leikliga omaná. Byrjanin av seinna hálvleiki var góð, men tíverri, so javnaði Finnland í tí bestu perioduni hjá føroyingunum. Tað sum eftir var, var finska liðið omaná. Á einum góðum degi, kundi tað føroyska liðið saktans givið finska liðnum betri mótstøðu, men avrikið sunnukvøldið var undir miðal frá føroyska landsliðnum. andre@sosialurin.fo fótbóltur undankapping okkara seg Christian Lamhauge Holst skoraði føroyska málið, og vísti fleiri ferðir í seinna hálvleiki dygdir at varðveita bóltin Jóan Símun Edmundsson byrjaði seinna hálvleik fyri Páll Klettskarð, og kláraði betri at varðveita bóltin Høga ferðin hjá Gilla Sørensen, ið leikti sín fysta undankappingardyst frá byrjan, sást ov sjálvdan sunnukvøldið Myndir: Álvur Haraldsen