týsdagur 8. juni 2004síða 9

16 Nr. 106 - 8. juni 2004 Nr. 106 - 8. juni 2004 17 Sambært tingskipan- ini hava tingmenn onga møtiskyldu, og hóast tinglimir fara í farloyvi og lata eyka- mann røkja sessin, fáa teir framvegis fulla mánaðarløn á 30264 krónur. - Fráveru- skipanin er ikki nøkt- andi, og hon skuldi verið endurskoðað, sigur løgtingsformað- urin Edmund Joensen FRÁVERA Heini í Skorini heini@sosialurin.fo Týsdagin 25. mai kastaði Sosialurin ljós á fráveru í tinginum. Johan Dahl varð mest fráverandi tingmaður, og fólkatingslimirnir Høgni Hoydal og Lisbeth L. Peter- sen vóru síðani ávikavist á øðrum og triðja plássi við níggju og átta forsømdum tingfundum. Formaður í Norðurlanda- ráðnum, Kári P. Højgaard, var eisini millum mest frá- verandi tingmenn við fimm forsømdum tingfundum, og hevur hann í lesarabrævi rættvísgjørt fráveruna við, at hann hevur verið burtur í øðrum tingarbeiði í Norð- urlandaráðnum. Felags fyri øll hesi er, at eingin teirra hevur søkt um farloyvi og latið eykamann sín komið á ting, hóast tey sjálvi tykjast hava trupul- leikar at møta upp orsakað av øðrum tingarbeiði. Øll hava fingið fulla ting- mannaløn á 30264 krónur um mánaðin, og umframt hetta fáa fólktatingslimirnir Lisbeth og Høgni eina heila tingmannaløn afturat úr Danmark, sum er væl hægri enn løgtingslønin. Um ting- menn fara í farloyvi, verður bert kostnaðarendurgjald hildið aftur, men annars hevur hetta onga ávirkan á lønina. Niðurstøðan hesum við- víkjandi er, at løgtingslimir hava onga løgfrøðiliga ábyrgd at møta upp í ting- inum, tí tingskipanin ongar reglur hevur um hetta. Skipanin sigur eisini, at fer ein tingmaður í farloyvi, er kravið minimum 10 dagar, og er hetta ikki ein serliga góð loysn, tá tingmenn aloftast eru fráverandi minni enn 10 dagar í senn. Skipanin endurskoðast Edmund Joensen er løg- tingsformaður, og hann sig- ur, at í prinsippinum eigur tingið at vera mannað, antin við tingmanni ella eykamanni, um tingmaður er fráverandi. Men í fleiri førum er ikki gjørligt hjá tingmanni at vera til staðar, uttan at hann ynskir at fara í 10 daga farloyvi. Men er hetta ein nøktandi skipan, sum ger, at tinglimir kunnu rættvísgera stóra fráveru við øðrum virksemi, uttan at teir taka farloyvi og lata eykamann koma inn? – Nei, eg meti ikki, at skipanin við fráveru er nøktandi, og hon skuldi verið endurskoðað. 10 daga minstakravið er eftir mín- um tykki í meira lagi, og høvdu vit stytt hesa minim- um áseting, hevði fráveran helst verið minni, sigur Edmund Joensen, løgtings- formaður og hægsti mynd- ugleiki løgtingsins. Edmund Joensen heldur, at knúturin við fráveru ofta liggur júst í skipanini um farloyvi, sum tingmenn ikki gera sær dælt av, og tí eru broytingar neyðugar hesum viðvíkjandi. – Hinvegin spara ting- menn tinginum nakrar krónur við ikki at fara í far- loyvi, tí teir fáa fulla ting- mannaløn í farloyvi, meðan eykamaðurin eisini skal hava sínar góðu 30.000, sigur Edmund Joensen. Men kostnaðarendurgjaldið verður tikið av lønini, um tingmenn eru fráverandi. Her er talan um nakrar fáar túsund krónur. Fólkatingslimirnir Verður hugt at fráverulist- anum í Sosialinum 25. mai sæst, at fólkatingslimirnir Høgni Hoydal og Lisbeth L. Petersen hava verið mest fráverandi eftir Johan Dahl. Hesi fáa tvær tingmanna- lønir, og hóast onkur teirra skuldi valt at fara í farloyvi, høvdu Høgni og Lisbeth framhaldandi fingið bæði fólkatings- og løgtingsløn. Spurningurin er, um tað er rætt at fáa løn fyri nakað, tú er í farloyvi frá, og um tað er rætt at fáa tvær fullar tingmannalønir, tá tað vísir seg, at fráveran er stór hjá fólkatingslimunum. – Høgni og Lisbeth kunnu sjálvsagt ikki røkja tveir tingsessir til fulnar, og um tað gerst ov trupult at møta upp, áttu tey at gjørt sær dælt av farloyvinum og latið eykamann koma í staðin, heldur løgtingsfor- maðurin. Spurdur, um tað er rætt, at fólkatingslmirnir fáa tvær tingmannalønir, hóast tey velja at fara í far- loyvi og bara eru virkin á einum staði, er Edmund ikki so avgjørdur. – Eg vil ikki leggja meg út í lønarviðurskifti, sigur l ø g t i n g s f o r m a ð u r i n Edmund Joensen at enda, sum sostatt heldur, at regl- urnar um farloyvi áttu at verið endurskoðaðar. Á henda hátt hevði tingið oft- ari verið fullsett, og ting- limir í øðrum ørindum høvdu ikki havt eins góðar orsøkir til fráveru. Tingmenn kunnu skulka so galið teir vilja – Tað er absurd, at ein føroyskur fólkatings- limur fær tvær ting- mannalønir, hóast hann fer í farloyvi í øðrum sessinum, og fráveruskipanin skuldi verið broytt, sigur fólkatings- og løgtingslimurin Høgni Hoydal FRÁVERA Heini í Skorini heini@sosialurin.fo Á fráverulistanum fyri tinglimir í Sosialinum 25. mai sæst, at virknir politik- arar í øðrum ørindum hava trupulleikar at møta upp í løgtinginum. Fólkatings- limirnir Høgni Hoydal og Lisbeth L. Petersen eru nummar tvey og trý á frá- verulistanum, og nakað eftir tey er Kári P. Højgaard at finna, sum alment hevur rættvísgjørt fráveru sína orsakað av tingarbeiði í Norðurlandaráðnum. Aðra- staðni á síðuni vísir Edm- und Joensen á, at fráveru- skipanin ikki er nøktandi, men eitt annað áhugavert mál hesum viðvíkjandi eru lønarviðurskiftini, sum undantikið kostnaðarendur- gjald ikki verða ávirkað av fráveru og farloyvi. Absurd við tveimum tinglønum Høgni Hoydal, fólkatings- limur, fær í løtuni tvær tinglønir, og hann hevði áðrenn 25. mai forsømt 9 av 39 møguligum tingfund- um – ein frávera á 23%. Er tað gjørligt at røkja tveir tingsessir til fulnar, hann fær løn fyri, og er tað rætt at fáa tvær tinglønir, hóast hann velur at taka farloyvi í øðrum sessinum? – Eg haldi ikki, at eg havi forsømt nakað týdningar- mikið í løgtinginum, og fleiri aðrir tingmenn hava forsømt næstan líka nógv, hóast teir einki annað ting- arbeiði hava, sigur Høgni Hoydal, sum leggur afturat, at tað er gjørligt at røkja báðar sessirnar. Hinvegin sigur Høgni, at tað er burt- urvið, at føroyskir fólka- tingslimir fáa tvær lønir, hóast teir fara í farloyvi í øðrum sessinum. – Hetta havi eg fyrr víst á, og hóast eg ikki enn havi mett tað vera neyðugt við farloyvi, vænti eg, at tað verður aktuelt fyri meg í framtíðini, og tá er tað jú absurd, at eg fái tvær lønir fyri at arbeiða í einum tingi, sigur Høgni Hoydal. Andstøðuleiðarin sigur so- statt, at løgtingsinntøkan skal takast burtur, um farið verður í farloyvi. 60.000 um mánaðin Í sama viðfangi viðmerkir Høgni Hoydal, at Sosial- urin hevur borið ósannindi um inntøku hansara sein- astu tíðina. – Sosialurin skrivar, at eg fáa 115.000 krónur um mánaðin, men hetta er burturvið. Nakað síðani helt eg uppat at fáa lands- stýrismannalønina, og vit hava ta skipan í Tjóðveldis- flokkinum, at fólkatings- limirnir bert fáa útgoldið fólkatingsløn áljóðandi før- oysku løgtingslønina, tvs. tvær løgtingslønir, sum til- samans er 60.000 krónur, sigur Høgni Hoydal. Sam- bært honum fer restin í ein grunn í flokkinum. Líkamikið hvussu teir í Tjóðveldisflokkinum gera og ikki, er tað ein sann- roynd, at fólkatingslimirnir fáa tvær lønir uttan mun til fráveru og enntá farloyvi, og hetta heldur Høgni Hoy- dal vera burturvið, sam- stundis sum hann metir, at báðir sessirnir kunnu røkj- ast. Onnur tinglønin skal vekk – Skipanin við fráveru er ikki nøktandi, og hon skuldi verið endurskoðað. 10 daga minstakravið fyri farloyvi er í meira lagi, og høvdu vit stytt hesa minimum áseting, hevði fráveran í tinginum helst verið minni, sigur Edmund Joensen, løgtingsformaður C M Y K 17 16