mánadagur 8. september 2014síða 27

27 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 8. september 2014 · Nr. 101 ítróttur T að byrjar spakuliga at líkjast, men enn er rúm fyri batum, so vit veruliga kunnu fáa altjóða dám kring altjóða dystir okkara. Allur bati bøtir. Undan steypafinalu staðfestu vit her á klummuni, at øl-søla sjálvandi hoyrir heima til fótbóltsdystir, og mínsann um hetta ikki varð veruleiki, nú finnar komu á vitjan. At kranarnir so kundu verið fleiri í tali, er nakað annað, men nú er hol sett á. Hugaligt og hugnaligt var tað eisini við mongu smá-básunum við eystaru langsíðuna, og uttan iva verður hetta enn hugnaligari, tá næsta byggistigið á teirri síðuni stendur liðugt eina ferð í komandi ári. Karmarnir kring vøllin byrja at líkjast, og á áskoðaraplássunum var tað framúr hugskot frá hart-rópandi pr-oraklinum hjá FSF, at fáa fjepparar frá ymsu feløgunum at skapa eina harða kjarnu av landsliðsfjepparum. Hesir hildu óføran gang allan dystin, og meira enn tí einu ferðina fingu teir samlaðu fjøldina við í kórið. Rópini frá kórinum vóru tó heldur óskipað. Næsta stigið má vera, at fjeppararnir verða sendir í venjingarlegu at skapa og venja sær nøkur eyðkennisróp til landsliðið. Hví ikki hava kapping, har tað ræður um at finna besta fjeppararópini – ella kanska skriva onkrar nýggjar sangir, sum eru egnaðir at syngja a cappella við leikvøllin. Og so ræður sjálvandi eisini um at fáa enn fleiri við í hesa hørðu kjarnuna. Hesa ferð rúgvaðu tey bara mittastu sektiónina í niðara partinum av nýggja bygninginum við suðurendan. Málið má verða at fylla allan suðurendan við geylandi fjepparum. Tá takið eisini er komið, verða rópini enn hvøllari. Ongan tíð betur, enn at harða kjarnan er somikið stór, at VIP’ararnir ikki sleppa at sita einsamallir á ovaru tribununi. Og so bilar tað forrestin einki, um nóg mikið av atgongumerkjum eru á nærmasta sølustaðnum. Áskoðarar á venjingar­ legu Ítróttar klumman Jákup Mørk ítróttur ítróttartoymið Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Teitur Joensen Pætur E. Jensen Føroyski landsliðsvenjarin var ikki nøgdur við avrikið í fyrsta dystinum í hesi EM undankappingini. Føroyar taptu 3-1 og Lars Olsen fílist á, at okkara ikki megnaðu at fylgja upplegginum og spæla bóltin Mynd: Álvur Haraldsen Lars Olsen ónøgdur og vónbrotin Tróndur Arge Landsliðsvenjarin tók ikki langa tíð um at siga sína hugs­an, tá hann skuldi greiða frá, havt hann helt um avrikið móti Finnlandi. Før­oyar komu á odda 1-0 í fyrra hálvleiki, men orkan gekk undan í seinna hálvleik. – Fyri okkara viðkomandi, so eri eg serliga ónøgdur við teir fyrstu tjúgu minuttirnar. Vit eru slett ikki við í dyst­ inum. Vit tveita bóltin vekk og renna bara aftaná teim­ um. Tað ger, at vit blíva skjót­ ari troyttir í seinna hálvleiki, tí miðvøllurin arbeiðir so hart, sigur landsliðsvenjarin og heldur fram. – Teir seinastu 25 min­ uttirnar av fyrra hálvleiki eri eg meiri nøgdur við. Tá vísa vit nakað av tí spælinum, sum vit gjarna vilja spæla. So kunnu vit kjakast um tað var uppiborið, at vit vóru á odda í hálvleikinum, sigur Lars Olsen. Hóast Finnland hevði uppi­borið sigur, tá saman­ um­kom, so vóru støður, har føroyska liðið kundi fingið meiri burturúr. Millum ann­ að brast bólturin eina ferð í tvørstongina hjá Finnlandi. – Tilvildin er heldur ikki við okkum. Teir útjavna, eftir at bólturin rakar Jónas Tór Næs í ryggin. Stutt eftir endar bólturin á tvørstongini hjá teimum, í staðin fyri at fara inn, sigur Lars Olsen argur á málinum. Bæði málið til 2-1 og til 3-1 koma eftir skot uttan­ fyri brotsteigin. Her heldur landsliðsvenjarin, at mangl­ andi orkan hjá okkara spælir inn. – Eftir hetta síggja okkara troyttir út. Vit orka ikki at leggja trýst á skotini hjá teim­um og harfrá koma tvey tey seinastu málini hjá teimum. Tað seinna er gott nokk eitt framúr skot, men har skal ein av okkara órógvan hann, sigur Lans Olsen og leggur afturat. – Samanumtikið eri eg ikki nøgdur við mátan, sum vit arbeiddu við bóltinum. Vit tveita alt for nógvar bóltar vekk. Kanska blíva okk­ara stressaðir og renna ov nógv eftir bóltinum, men um vit ikki skulu tapa slíkar dystir, so mugu vit duga betri við bóltinum, er stað­ fest­ingin hjá Lars Olsen. Landsliðsvenjarin valdi at geva trimum nýggjm spæl­arum møguleikan frá byrjan. Serliga miðverjan var nýggj. Odmar Færø og Sonni Ragnar Nattestad spældu á fyrsta sinni saman í mið­verjuni. Odmar hevur ikki verið á landsliðnum í hálvt annað ár vegna skaða, meðan Sonni Ragnar Nattestad spældi sín fyrsta undan­kappingardyst. – Sonni Ragnar og Odmar spæla »ok« í miðverjuni. Eg haldi teir hava gott tamar­ hald á støðuni fram til Finnland skiftir ein stór­an áleypara inn í seinna hálv­ leiki. Generelt skulu okk­ ara tosa meiri saman og tað er eisini galdandi fyri mið­verjuna, sigur lands­liðs­ venjarin og leggur afturat. – Tað er lætt at vera eftir­ snarin, og tá tú tapir, so er tað alítð nógv tú kundi havt gjørt øðrvísi. Skuldi eg havi byrja dystin á nýggjum, so hevði eg havt gjørt tað sama. Eg síggi møgulikar á liðnum, men vit mugu taka eitt fet á gangin. Vit kunnu ikki seta fimm ella seks nýggjar mans inn á liðið. Vit mugu hava royndir á liðnum eisini, stað­festur Lars Olsen, sum viåurkennur, at Finnland var eitt betri lið á degnum. – Finnland eitt betri lið og teir spældu bóltin væl runt. Eg eri als ikki bilsin av, at Finnland spældi so væl. Eg segði tað áðrenn, at teir eru undirvurderaðir. Teir eru eitt gott lið og spæla bóltin væl runt. Umframt tað, so eru teir skjótir á fótum, tá teir skulu vera tað, sigur Lars Olsen at enda. Rás2 sigur frá U21 Rás2 fer at siga beinleiðis frá U21 landsdystinum millum Føroyar og Montenegro. Dysturin verður spældur á Svangaskarði og byrjar týsdagin klokkan 17. Til ber eisini at fylgja dystinum á in.fo, har tað somuleiðis verða myndir frá dystinum. Lars Olsen, landsliðsvenjari Mynd: Álvur Haraldsen