týsdagur 9. september 2014síða 20

Mikudagur 10. september 2014 · Nr. 102 20 Sosialurin Danjal av Rana Hóskvøldið verður forvitnslig fram­løga í Eydnuni á Oyrarbakka. Eftir at borgarstjórin hevur sett mentanarvikuna, verður framløga av verkætlanini Náttúrulund við Streymin. Náttúrulundin við Streymin er ein verkætlan, sum miðar ímóti at gera eitt øki við brúnna um Streym­ in til eina náttúrlund við trøum og runnum, sum føroyingar og gestir úr útlondum kunnu uppliva og njóta. Økið liggur sunnan og norðan fyri brúnna, bæði Eysturoyrar- og Streymoyarmegin. Økið er 130.000 fermetrar til víddar, og ætlanin er at planta um 70.000 trø og runnar á økinum. Edmund Joensen, fólkatings­ lim­ur og norðoyrisbúgvi, er ein av eldsálunum handan verkætlanina og hevur sitið í einum arbeiðsbólki saman við Dávidi Reinert Hansen, Ingolfi Joensen og Hans Dávidi Dam, sála. – Økið við streymin er nakað heilt serstakt, sigur Edmund Joensen. Støðuga umskiftið við flóð og fjøru, streymur, æti og fiskayngul, skapa góð gróðrarlíkindi fyri bæði fisk og fugl í økinum. Á havbotninum er tað sum ein Edens havi. Tað ýður í lívi, bæði av skeljadjórum, fiski og fugli, og serliga eru tað nógv tjøldur í økinum, sigur hann. – Vit ynskja, at hetta skal ger­ ast eitt náttúrustað fyri allar føroyingar, sigur Edmund Joen­sen. Hann vísir á, at Sunda komm­una liggur mitt í føroyska vega­kerv­ inum. Haðani er ein hálvur tími til Havnar, til flogvøllin, út á Toftir og til Klaksvíkar. – Teir dagar, tá mjørkin liggur tjúkkur yvir Havnini, er ofta klárt við brúnna. Eru nøkur trø, ein kann seta seg undir, so verður tað sum á Mallorca, sigur Edmund Joensen og lær. – Vónin er, at hetta skal gerast ein náttúrulund, har fólk kunnu njóta allan dagin. Fiskibryggjur verða bygdar og stilli verða reist, har ein kann hyggja at fugla- og djóra­lívinum. Kommunan fer eisini at byggja ymiskt inni á økin­um. Talan er millum annað um kamp­ ingpláss og minigolføki, sigur Ed­ mund Joensen. Náttúrulundin verður gjørd í fleiri stigum. Edmund Joensen væntar, at arbeiði fer at byrja komandi ár. – Kommunan hevur samtykt verkætlanina, og nú skal hon leggjast inn í býarplanin, men tað er nógv, ið skal gerast, sigur Edmund, sum ikki væntar at alt verður liðugt fyrr enn um eini 10 ár. Fyrst skal øki veltast og drenast og síðani skulu vegir og gøtur leggjast. Runnar og trø skulu plantast, bryggir byggjast, ið fólk kunnu fiska á, og stilli reisast, har fólk kunnu eygleiða fuglalívi. Eisini skulu fríøki til felagslív og hugna gerast. Danski grunnurin Aage V. Jensen Charity Foundation, hevur játtað 10 milliónir krónur til verkætlanina. Grunnurin stuðlar smærri og størri náttúruverkætlanum um allan heim. Sjálvt arbeiði verður, í so stóran mun sum møguligt, gjørt av sjálvbodnum. Stovnandi aðal­ fundur verður hósdagin, eftir fram­løguna. Tá hava fólk høvi at tekna seg sum lim, eins og at nevnd verður vald og skipað. Vónin er, at hetta skal gerast ein náttúrulund, har fólk kunnu njóta allan dagin, sigur Edmund Joensen, stigtakari Mentanarvikan í Sunda Kommunu Tveir limir í arbeiðsbólkinum, sum hevur arbeitt við at gera náttúrulundina til veruleika. F.v.: Ingolf Joensen og fólkatingsmaðurin Edmund Joensen, ið eisini er stigtakari til verkætlanina og hevur útvegað fíggingina á 10 mió. kr. Mynd: Per Højgaard Loftmynd av økinum við Streymin, har ið náttúrulundin skal staðsetast. Myndin er tikin við dronu á flogi. Mynd: Andrias Joensen, Vestmanna Ein náttúrulund fyri allar føroyingar Krabbar og onnur dýr við sjóvarmálan eru við til at gera komandi náttúrulundina spennandi - ikki minst hjá børnunum Mynd: Per Højgaard Náttúrulundin skal m.a. vera eitt stað, ið dregur fuglalív til sín. Her eitt tjaldur á flogi Mynd: Per Højgaard