týsdagur 9. september 2014síða 24

Mikudagur 10. september 2014 · Nr. 102 24 Sosialurin Mentanarvikan í Sunda Kommunu Skála á vitjan við Margáir Fótbóltur er eisini á skránni, nú mentanardagar eru í Sunda kommunu. Stóri dysturin verður sunnudagin kl. 15.00, tá ið Effoliðið hjá EB/Streymi fer at spæla ímóti Skála. Júst EB/Streymur og Skála samstarva við fleiri liðum, men í Effodeildini spæla feløgini ímóti hvørjum øðrum. EB/Streymur er við í kappingini um pláss í Europa næsta ár, meðan Skála stríðist fyri at yvirliva í deildini. Besta kvinnuliðið hjá EB/Streymur/Skála hevur frí um vikuskiftið, tí at kvinnulandsliðið er á ferð í Skotlandi og Norðurírlandi, har undankappingardystir eru á skránni. Signar á Langasandi Leygarkvøldið 13. september ber til at uppliva ein av best umtóktu føroysku tónleikarunum í tjaldinum á Langasandi. Signar í Homrum, sum í meira enn 20 ár hevur verið virkin í føroyskum tónleikabólkum, hevur seinastu trý árini staðið meira fram sum solistur, og hann hevur fingið óføra móttøku kring landið alt. Leygarkvøldið kl. 18.00 til. 20.00 verður tónleikatiltak í tjaldinum á Langasandi, har Signar í Homrum verður á pallinum. Eisini verður boðið okkurt ókeypis ábit, og í skúlanum verður framsýning av gomlum myndum. Tónleikacafé í Garnhúsinum Fríggjakvøldið 12. september verður tónleikacafé í Garnhúsinum á Oyrarbakka, og har verða fleiri áhugaverdir tónleikarar á skránni. Ein tónleikabólkur úr Garnhúsinum – kallaður Garnar – fer at spæla, og fara Sanna Apol Moretensen úr Havn, Jessica Joensen úr Klaksvík og Rútmiskt kór úr Kollafirði at syngja og spæla. Tónleikatiltakið í Garnhúsinum byrjar kl. 20.00 fríggjakvøldið. Fyrilestur um Viderø Mánakvøldið 15. september verður fyrilestur á bókasavninum í Hvalvík. Tað er Bergur Djurhuus Hansen, ið fer at greiða frá um lívið og virkið hjá Kristiani Osvald Viderø. Bergur hevur granskað skriving og lív hjá Viderø, og hann heldur áhugaverdan fyrilestur um umstrídda prestin, ið var nógv á ferð, og eisini skrivaði nógv um føroyingar og viðurskifti úti í heimi. Aftankvirra í Haldórsvík Mikukvøldið 17. september verður aftankvirra í Haldórsvíkar kirkju. Kórið Aurora Borealis, sum er stjórnað av Ólavi Jøkladal, luttekur, og eftir aftankvirruna verður drekkamunnur í avhaldshúsinum. Aftankvirran byrjar kl. 19.30 mikukvøldið. a Kjakast um ferðavinnu Ferðavinna hevur fingið alsamt størri týdning fyri føroyska samfelagið, men framvegis eru nógvir møguleikar í hesi vinnu. Mánakvøldið verður vinnukvøld í Eydnuni á Oyrarbakka, har júst ferðavinna er á skránni. Guðrið Højgaard, Erik Suni Danielsen og Magni Arge leggja fram, og tosað verður um, hvørjir møguleikar eru í ferðavinnuni – bæði fyri land og lokaløki. Vinnukvøldið í Eydnuni byrjar kl. 19.00 mánakvøldið. Vilmund Jacobsen Nógv ymiskt verður á skránni á mentanarvikuni í Sundalagnum, sum byrjar við setan í Eydnuni á Oyrarbakka hóskvøldið - tað er í annaðkvøld - klokkan 19. Við setanina verða eisini tón­ leikaframførslur, eins og lutakast verður millum innkomnar myndir til eina myndakapping. Hóskvøldið eftir setanina verður eisini framløga av verkætlanini, ið rópt verður ”Náttúrulund við Streymin”. Fríggjadagin verður markn­ aðar­dagur á handilsøkinum við Norðskála, og klovnurin Bubu fer at vitja Á-handilin við Norðskála. Grilla heilan grís Millum tey forvitnisligu tiltøkini fríggjadagin, er, at matvøruvirkið Krás í Hósvík fer at grilla og borð­ reiða við ókeypis brellbitum á sínum bási í tjaldinum á økinum við Norðskála. Í tjaldinum verða eisini Sjógæti og bryggjaríið Okkara, sum fara at vísa, hvat tey hava í útboði. Alberg Gaardlykke, dagligur leiðari á Krás, sigur, at tey hava keypt ein heilan grís frá Danish Crown, sum tey fara at grilla heilan á básinum í tjaldinum. – Hetta verður ein púra heilur kroppur við høvdi og øllum. Vit fara eisini at grilla aðrar brellbitar úr eitt nú oksakjøti, eins og vit fara at grilla ymiskt grønmeti, sum vit fara at borðrreiða við sum brellbitar. Leiðarin á Krás sigur, at tey fara ikki at borðreiða við heilum ókeypis máltíðum, men øll, sum leita sær fram við, fáa brellbitar og soleiðis góðar smakkiroyndir. – Eg havi skilt, at Á-handilin, sum er við Norðskála og sum vit eru høvuðsveitari av kjøtvørum til, eisini fer at hava góð tilboð. Aftur at fletta Hjá matvøruvirkinum Krás í Hós­ vík starvast umleið 15 fólk í dagligu framleiðsluni, sum fevnir um tilsamans 258 vørunummur - alt frá ymiskum kjøtvørum, fiska­ úrdráttum til livurpostei og við­ skera. Alberg Gaardlykke sigur, at aftur í ár fer Krás at fletta fyri bóndur og fólk, ið eiga seyð. – Vit byrja at fletta 22. september og fara at fletta, so leingi sum eftirspurningur er. Í fjør flettu vit einar 2000 seyðir, og vit vóna, at talan verður enn fleiri í ár. Dagligi leiðarin sigur, at tey, sum vilja hava Krás at fletta fyri seg, kunnu ringja á tlf. 360148/ 235360. Á mentanarvikuni í Sundalagnum fer matvøruvirkið Krás í Hósvík at grilla ein heilan grís í tjaldinum við Norðskála fríggjadagin millum klokkan 16 og 20 Krás fer at grilla ein heilan grís