hósdagur 11. september 2014síða 21

21 Fríggjadagur 12. september 2014 · Nr. 103 Sosialurin Hugskot og viðmerkingar – send sms til 225000 ítróttur kappróður U21-landsliðið Frálíkur endi hjá U-21 landsliðnum Árgangurin 92 og 93 umboðaðu týskvøldið U-21 landsliðið hjá Føroyum fyri seinastu ferð, og avrikið í seinasta dystinum var sannførandi André Olsen Týskvøldið spældi U-21 lands­liðið hjá Føroyum fyri sein­astu ferð í brátt farnu undan­kappingini. Sigast má, at endin hjá føroyska liðnum var góður, tí við sannførandi av­rikið móti Montenegro vunnu okkara menn fult uppi­borið. Tendrað føroyskt lið Frá fyrsta brískli týsdagin sást, at føroyska liðið hevði ein møguleika. Okkara menn tóktust ágrýtnir og brúktu fyrstu tjúgu minuttirnar til at seta seg í virðing yvirfyri mótstøðuleikarunum. Hetta ørkymlaði gestirnar úr Montenegro, ið ikki tyktust at hava so nógv at svara aftur við. Tá eini tjúgu minuttir vóru farnir, kom veruligt glið á tað føroyska spælið eisini. Føroyska liðið kom fleiri ferðir til góðar støður, har tað sum oftast tó manglaði tann seinasti neyvleikin. Frálíkt føroyskt mál Tíggju minuttir áðrenn hálvleik kom føroyska liðið tó á odda. Eftir eitt mynstur álop, har føroyingar megnaðu at varðveita bóltin í langa tíð, og har spælið var skjótt og gott, eydnaðist tað Heðin Hansen at finna vinstra bakkin, Ára Mohr Jónsson, ið kom við fullari ferð í yvirlappi. Ári Mohr Jónsson trekti frá verjuni hjá Montenegro og fekk umvegis stongina, lagt Føroyar á odda 1-0. Eitt frálíkt mál hjá føroyska liðnum. At Føroyar fór til hálvleiks við eini leiðslu, var ikki óuppiborið, tí tað føroyska liðið var munandi meira vandamikið enn gestirnir. Føroyar var tættari at økja Í seinna hálvleiki var væntandi, at gestirnir úr Montenegro skuldu trýsta tað føroyska liðið, men tað føroyska liðið stóð væl ímóti allatíð. Og tá so landsliðsvenjararnir um miðjan seinna hálvleik skiftu Pál Mohr Joensen úr HB inn, tóktist tað sum um at tað føroyska liðið hevði eitt eyka gear. Pál Mohr Joensen kom fleiri ferðir í góðar støður, har hann ta einu ferðina skuldi havt lagt Føroyar á odda 2-0. Samanumtikið var talan um frálíkt føroyskt avrik, tí føroyska spælið var sannførandi gjøgnum allan dystin, umframt tað at allir vóru ágrýtnir í nærdystunum. Tað er ringt at taka nakran leikara framum nakran annan, men eyðsæð var at Brandur Hendriksson Olsen úr FCK er ein framtíðarmaður á føroyska landsliðnum. Eingin Lars Olsen Merkisvert var tó, at landsliðsvenjarin Lars Olsen, ikki var millum áskoðararnar á Svangaskarði týskvøldið. Hetta hóast at a-landsliðið bert 2 dagar frammanundan hevði spælt heimadyst í Føroyum, har fleiri av U-21 landsliðsleikarunum vóru partur av hópinum hjá Lars Olsen. andre@sosialurin.fo Føroyar Teitur Matras Gestsson – Bárður Hansen (Liðskipari), Bogi Reinert Petersen, Hørður Askham, Ári Mohr Jónsson – Árni Fredriksberg (Poul Ingason, 89.), Tróndur Jensen (Rógvi Joensen, 75.), Brandur H. Olsen ■, Heðin Hansen (Pál Mohr Joensen, 66.) – Ari Ellingsgaard ■ – Gunnar Zachariassen Montenegro Petkovic – Gojacanin, Bogdanovic ■, Bakrac, Cavnic ■ – Vukcevic (Vujnovic, 60), Kosovic (Raickovic, 46 ■), Mugosa ■, Jankovic (Hocko, 46.), Zoric ■ – Djordjevic Føroyar - Montenegro 1-0 (1-0) 1-0 Ári Mohr Jónsson, 31. Dómari: Ville Nevalainen (Finnland) Myndir: Álvur Haraldsen