hósdagur 11. september 2014síða 40

Sosialurin nr. 103 · 12. september 2014 Í ranga strúpan Mentanarvikur í Fuglafirði og Sundalagnum Komandi dagarnar eru nógv mentanartiltøk á skránni í Fuglafirði og í Sunda kommunu. Bæði í Fuglafirði og kring Sundalagið hava tey mentanarviku, og tær bjóða alt frá smáum konsertum, framsýningum og fyrilestrum til barnaundirhald, matstølur og kristin tiltøk. Vígdis í Menta­ mála­ráðnum Vígdis Petersen Høgagarð hevur restina av árinum framsýning í Mentamálráðnum í Havn. Framsýningin, ið kallast »Spectrum«, lat upp mikudagin og hongur uppi restina av árinum. Á framsýningini verða keramisk verk v.m. sýnd fram. Flestu verkini eru gjørd í Japan í The Shigaraki Ceramic Cultural Park, men við íblástri frá ferðum í Føroyum, Íslandi og Japan. Vígdis er fødd og uppvaksin í Tórshavn og flutti til Danmarkar í 1991 fyri at lesa. Hon hevur útbúgving sum Unika Designari frá Danmarks Designskole og er Cand.it frá IT-Universitetinum í Keypmannahavn. Samstundis hevur hon eisini dyrkað listina, serliga innan skulptur og málarí, verið á námsferðum og sýnt fram á ymiskum framsýningum, bæði í Føroyum og í útheiminum. At liva í nú’inum Fríggjadagin kl. 16.00 hava tey hugnaløtu við hugleiðingum, sangi, drekkamunni og práti í kjallaranum í Miðvágs kirkju. Jóan Pauli Joensen, fólkalívsfrøðingur, hug­leiðir um evnið »At liva í nú’inum«. Valdemar á Løgmansbø, Eivind á Prest­trøðni og John Edvin Joensen syngja og spæla. Prestarnir siga, øll eru hjartaliga vælkomin. Føroyskur filmur í biografi Hóskvøldið varð nýggi spælifilmurin hjá Katrin Ottarsdóttir frumsýndur, og komandi dagarnar ber til at síggja filmin í Havnar Bio, í Atlantis og í Biografinum undir Gøtuni á Sandi (hjá Thomasi Koba). Talan er um psykologiskt drama um eina gentu, sum er fangað millum sína sálarsjúku mammu og sín hjálpar­leysa pápa. Janus á bókasavni Janus á Húsagarði vísur komandi tíðina tekningar fram á Býarbókasavninum í Havn. Janus á Húsagarði er føddur í Havn í 1975. Hann hevur teknað, síðan hann var smádrongur, og sum vaksin hevur hann havt hópin av listaframsýningum í Føroyum, Íslandi og Danmark. Hann hevur teknað fleiri bøkur, plakatir, lýsingar og fløguhúsar, hevur teknað í barnasjónvarpi og undirvíst í tekning. Framsýningin á Býarbókasavninum er av myndum úr barnabókunum Veiða vind og Ferðin hjá Mosalisu. Framsýningin er søluframsýning og er at síggja í september og oktober. baksíðan... lagt til rættis: Eyðun Klakstein – Afturfyri at royna at fáa okkara út­ flutnings­ vinnu betri sømdir, verður ein kallaður idiotur og ikki at brúka vit og skil, hevði ynskt at politiskir mótstøðumenn kundu brúkt betri orðaval, sjálvt um ikki samdir, hetta fyri at varðveita virðingina fyri politikki – Kaj Leo hevur sitið Moskva og stungið Vesturheimin og NATO í bakið. Tað er ein kolossal provo­katión, sum kann gerast okkum sera dýr Kaj Leo Holm Johannesen, løgmaður Sjúrður Skaale, fólkatingsmaður – Besti lær- dómurin hjá einum sjónleikara er fara út á gøtuna at eygleiða fólk Rosamund Pike, enskur sjónleikari Egil’s ella Føroya Bjór? Ætla at finna gull í Íslandi portal.fo Skuldu arbeitt ókeypis Løn til føroyskar bankastjórar er vandamikil in.fo Javel! Klaksvík: Tað regnaði – men takið er tætt Portal.fo Ruddið forsíðuna! Í dag er veður at tekja Portal.fo Ætlar hon sær til skips? Bjørt vil vita um mynstringartreytir In.fo Hevði verið trupult at funnið, um tað var sprongt! Hava funnið ósprongt dynamit hjá SEV í Vági In.fo