mánadagur 15. september 2014síða 9

9 Mánadagur 15. september 2014 · Nr. 104 Sosialurin Hugskot og viðmerkingar – send sms til 225000 krígssavnið Mentamálaráðharrin ivast í, um nakað krígssavn var til, um ikki eldsálirnar í Vágum høvdu tikið stig til tað, og tí er upplagt at myndugleikarnir og Krígssaavnið samstarva, heldur hann Gamli Skúli í Sørváig var fullsettur, tá Steve Lloyd í seinasta mánaði helt fyrilestur um, hvussu bretska lofthermegin var skipað undir seinna kríggi. Hann greiddi eisini gjølla frá, hvussu SOR-bygningarnir, sum tann við flogvøllin, vóru innrættaðir, og hvussu teir virkaðu Ingolf S. Olsen Stendur tað til Bjørn Kalsø, mentamálaráðharra, so slepp­ur Krígssavnið eisini fram eftir at virka eftir nøku­ lunda sama leisti sum nú og fremja tær ætlanir, ið nevnd­ in fyri savnið hevur sett sær. – Vit mugu finna eina smidliga loysn, sum allir partar kunnu liva við. Tí er tað av týdningi at vit finna stevið og samstarva, tí virk­ semið á Krígssavninum krev­ur eisini okkurt slag av almennum trygdarneti, so­leiðis at raksturin kann tryggjast frameftir. Tí eigur Krígs­savnið onkursvegna at virka eftir tí lógarverki, sum er á økinum, sigur hann. Nýggj savnslóg Mentamálaráðharrin heldur, at tað ber væl til at skipa Krígssavnið undir verandi bygdasavnslóg, uttan at virk­ semið hjá savninum harvið verður skert. – Nei, eg síggi onki vera til hindurs fyri, at Krígssavnið eisini í tí førinum kann virka sum eitt sersavn, og sýna fram lutir úr øllum landinum, um semja annars er um tað. Eisini kunnu lutir frá Føroya Fornminnissavni og øðrum søvnum sýnast fram, men tað skal bara gerast undir skipaðum viðurskiftum, sig­ ur hann. Júst hvør endaliga loysn­in verður, veit hann tó ikki við vissu enn, tí hann hevur júst sett gongd á eina um­fatandi dagføring av allari savns­ lóggávuni. Dagføringin skal eftir ætlan enda við einari heilt nýggjari savns­lóg. ­– Uppkastið til hesa lóg er gjørt, tað er enn í trúnaði, tí ein arbeiðsbólkur situr og arbeiðir við tí, men endamálið er at gera lóggávuna greiðari og meira fullfíggjaða, so hon eisini tekur hædd fyri nógv- um, sum verandi lóg­gáva ikki tekur hædd fyri – og ætlanin er at sersøvn, sum eitt nú krígssøvn, beinleiðis verða fevnd av lógini. Annars vænti eg, sum avtalað var, at nevndin fyri Krígssavnið sjálv vendir aftur við onkrum út­spæli í kjalarvørrinum av fund­i­num, sum vit høvdu við tey síðst í juni, sigur Bjørn Kalsø. Góð verkætlan Landsstýrismaðurin ætlar, at nýggja savnslógin skal leggj­ ast fyri Løgtingið í hesi ting­ setuni og avgreiðast haðani til várs, men líka mikið, hvør loysn verður funnin fyri Krígssavnið, so heldur hann at tað hevur týdning at savnið fær framt tær ætlanir, ið eru stungnar út í kortið. – Tað eru eldhugað fólk í Vágum ella við tilnknýti til Vágar, ið hava tikið stig til Krígssavnið, og spurningurin er, um vit nakrantíð høvdu fingið eitt sovorðið savn, um tað ikki var so. Sum myndug­ leiki skulu vit stremba eftir at ganga hond í hond við slíkar eldsálir og ikki køva tær, leggur mentamálaráðharrin dent á. Hann heldur, at verk­ætl­ anin, ið longu liggur á borð­ inum hjá Krígssavninum, sær spennandi út. – Eg haldi tað sær ógvuliga positivt og spennandi út, men tað er bara mín persónliga áskoð­an, og ikki nakað, eg sum landsstýrismaður einsa­ mallur skal taka støðu til. Men tað er greitt, at ein verkætlan so ella so skal góðkennast av savnsmyndugleikunum og í síðsta enda Menta­mála­ ráðnum, sigur Bjørn Kalsø. Bjørn Kalsø, landsstýrismaður í mentamálum, hevur sett gongd á eina dagføring av allari savnslóggávuni, og ein nýggj savnslóg skal leggjast fyri tingið í hesi tingsetuni. Men líka mikið, hvør loysn verður funnin fyri Krígssavnið, so ætlar hann ikki, at savnið skal forðast í at fremja tær ætlanir, ið longu eru stungnar út í kortið Bjørn Kalsø: – Vit finna eina smidliga loysn