mánadagur 15. september 2014síða 8

Mánadagur 15. september 2014 · Nr. 104 8 Sosialurin Hugskot og viðmerkingar – send sms til 225000 krígssavnið Í seinasta mánaði hevði Krígs­savnið vitjan av bretska hernaðarflogsøgu-ser­frøð­ ing­inum og fyrrverandi hern­ aðarflogskiparanum Steve Lloyd. Hann er í dag vara­ ovasti fyri loftsøgu­deildini hjá bretsku lofthermegini Royal Air Force, RAF. Umframt at kanna grøna SOR-bygningin væl og virði­ liga helt hann tveir fyrilestrar – ein almennan og ein fyri nevndini fyri Krígssavnið og øðrum serliga áhugaðum – um, hvussu bretska loft­ hermegin var skipað undir seinna heimskríggi. Góð loysn Undir almenna fyrilestrinum í fullsetta Gamla Skúla í Sør­ vági 19. august duldi Steve Lloyd ikki, at hann er hugtikin av Krígssavns-prospektinum, sum Fuglark í Klaksvík og WestTech í Sørvági hava gjørt, og sum hevur við sær, at SOR-bygningurin verð­ur lokaður inni í stóra savns­ bygninginum. – Eg havi kannað bygn­ ing­in væl, og hann er í hampuligum standi. Men takið er í ringum standi, og um onki verður gjørt, so heldur tað kanska ein vetur afturat, men neyvan tveir. Tykkara ætlan fyri at varðveita SOR-bygningin er ein framúrskarðandi loysn, segði Steve Lloyd. Landsverk hevur í nógv harrans ár nýtt bygningin at hýsa sínum maskinum, ser­liga kavaplógvum, og tí eru stór stykki sagað úr út­ veggjunum og garagu­hurðar ísettar. Men annars helt Steve Lloyd, at bygningurin er rættiliga væl varðveittur, og hann fegnaðist um, at Krígssavnið ikki sjálvt var farið undir nakað renover­ ings­arbeiði, áðrenn hann fekk høvi at kanna bygningin. Serligur bygningur Vitjanin hjá Steve Lloyd í summar var fingin í lag, tá nevndin fyri Krígssavnið í fjør var á námsferð í Onglandi og vitjaði søvn og millum annað SOR-bygningar har. SOR stendur fyri Sector Operation Room, og tað var úr hesum bygningum, ið lógu spjaddir í Stórabretlandi og hertiknu økjunum, at loft­ vegis hernaðarátøkini vórðu stýrd og samskipað. – Tað serstaka við tykkara bygningi er, at hann er ein kombineraður bygningur við tveimum høllum, eini SOR-støð og eini GR-støð. GR stendur fyri General Operation ROOM, og tað var úr hesi høll, at sjóvegis hernaðarátøkini í Norður Atlantshavi vórðu stýrd, greiddi Steve Lloyd frá. Átøkini í stórum parti av Norðuratlandshavinum bæði loftvegis og sjóvegis vórðu sostatt stýrd úr hesum bygningi við flogvøllin. Steve Lloyd, serfrøðingur í enskari hernaðarflogsøgu, fegnast um, at SOR-bygningurin við flogvøllin er varðveittur, men tað hevur skund at gera okkurt, um hann ikki skal farast, tí takið er í ringum standi Serfrøðingur: Ætlanin er framúrskarandi – Tykkara ætlan fyri at varðveita SOR-bygningin er ein framúrskarðandi loysn, segði Steve Lloyd, fyrrverandi flogskipari í RAF. Hann er í dag varaovasti fyri loftsøgudeildina hjá RAF Føroyar vóru strategiskt týdningarmiklar fyri tey sameindu undir seinna kríggi, greiddi Steve Lloyd frá. Átøkini í stórum parti av Norðuratlandshavinum bæði loftvegis og sjóvegis vórðu stýrd úr SOR-bygninginum, sum eisini hýsti eini sonevndari GR-støð, haðani stríðið á sjónum varð stýrt