mikudagur 9. juni 2004síða 4

6 Nr. 107 - 9. juni 2004 Nr. 107 - 9. juni 2004 7 Mánakvøldið var hugnalig samkoma í Kafé Inn við Norð- skála, har Lions C Eysturoy handaði Frelsunarherinum ein kekk á 50.000 krónur til tað megnararbeiði, sum felagið ger fyri heimleys í Føroyum við sínum Herbergi í høvuðsstaðnum GÁVA Vilmund Jacobsen vilmund@sosialurin.fo Tað var formaðurin í Lions C Eysturoy, Poul Rustin, sum handaði kekkin, og tað var ein takksamur, Sámal Jákup Joensen, sum tók ímóti honum. Sámal Jákup er leiðari hjá Frelsunarherinum í Føroyum. Stórur áhugi Gávan, sum Lions C Eyst- uroy gevur felagsskapinum, er nettoinntøkan frá páska- framsýningini, sum Lions- felagið í Eysturoy á hvørj- um ári hevur í Runavíkar skúla. Á framsýniningini hesa- ferð vístu eini 50 fólk fram sínar málningar og myndir, sum plaga at vera út við 400 í tali. – Framsýningin hevur stóran áhuga, og tí noyðast vit at seta mark fyri, hvussu nógvar málningar hvørt einstakt listafólk kann hava við. Vit plaga at siga, at eini 4-5 málningar ella myndir er hóskandi, men tey eru nógv, sum á hvørjum ári eru til reiðar at koma við fleiri listaverkum, sigur Poul Rustin. Á framsýningini verða eisini lutaseðlar seldir, eins og atgongumerkið er ein lutaseðil. Poul sigur, at Lions C Eysturoy fær 15% av søluni av listaverkunum, men í summum førum lata tey, sum sýna fram, heldur eitt listaverk, sum svarar til prosentini. – Tað hendir eisini, at onkur framsýnari bæði let- ur prosentini og eitt lista- verk aftrat, sigur hann. Hugtakandi Sámal Jákup Joensen segði, at honum untist ikki at vera við til sjálva framsýningina í Runavík, men kona hans- ara var við, og tað var horn- orkestrið hjá felagsskapin- um eisini. – Tey vóru ógvuliga hug- tikin av framsýningini, tí umframt kend nøvn innan okkara listarliga umhvørvi, høvdu eisini vanlig fólk – um ein so kann siga – høvi at sýna fram sínar frálíku myndir, og tað setir ein ser- ligan dám á eina slíka fram- sýning. Leiðarin hjá Frelsunar- herinum segði, at gávan kemur væl við, og at felags- skapurin hevur nógv at brúka hana til. – Vit hava nógv hol at tippa, segði hann. Poul Rustin segði seg vóna, at Frelsunarherurin, sum eitt nú ger eitt gott arbeiði fyri tey heimleysu í Føroyum, fær brúkt pening- in so væl sum gjørligt. Á samkomuni í Kafé Inn við Norðskála varð borð- reitt við leskiligum mati til tey umleið 17 fólkini, sum komin vóru saman til hand- anina av kekkinum. Afturvendandi tiltøk Páskaframsýningin hjá Lions C Eysturoy hevur eftirhondini nógv ár á baki. Fyrstu ferð, felagið tók stig til listaframsýning í Eyst- uroy, var í 1978, og síðan 1980 hevur vælumtókta og væl vitjaða framsýningin verið í Runavíkar skúla. Lions C Eysturoy er stovnað 25. oktober 1969, og síðan 1970 hevur verið skipað fyri árligari kapp- sigling á Skálafjørðinum. Hini Lions-feløgini í Før- oyum eru LC Tórshavn, sum er stovnað 19. novem- ber 1966, LC Klaksvík (11. mars 1978), LC Vágar (14. apríl 1986) og LC Suðuroy, sum er stovnað, 14. juni 1986. Frelsunarherurin 50.000 kr. frá LC Eysturoy Lions-feløgini kring landið eru feløg, har bert menn eru í leiðsluni. Men eitt undantak er. Tað er felagið, LC Eysturoy, sum í síni reglugerð eisini kann hava kvinnulig umboð í leiðsluni LIONS CLUB Vilmund Jacobsen vilmund@sosialurin.fo Lions-feløgini í Føroyum, sum eru fimm í tali, eru at kalla øll mannað við monn- um. Reglugerðirnar hjá fel- øgunum siga, at tað eru bert menn, sum kunnu verða í leiðsluni. Tó er eitt undan- tak. Tað er Lions C Eyst- uroy. Hetta er einasta Lions-felagið í Føroyum, sum sambært reglunum kann hava kvinnulig umboð í leiðsluni. Og tað hevur felagið eisini. Kvinnuliga umboðið hjá LC Eysturoy er Eyðbjørg Thorleifsson, sum er grann- skoðari og í fleiri ár hevur havt grannskoðaravirki á Skála. Eyðbjørg er onnur kvinn- an, sum hevur havt sæti í leiðsluni í Lions C Eyst- uroy, men í løtuni er hon einasta kvinnan yvirhøvur, sum umboðar eitt Lions- felag í Føroyum. Trívist væl – Mær dámar væl at fáast við arbeiði, sum Lions- feløgini takast við, og eg trívist væl millum mann- fólkini, sum annars eru í leiðslu felagsins. Hon sigur, at í sínum arbeiði sum grannskoðari, eru flestu viðskiftafólkini mannfólk, tó at virkið eisini hevur viðskiftafólk, sum eru kvinnur. – Í mínum arbeiði eri eg so von við at samskifta við mannfólk, og tí er tað eing- in sum helst trupulleiki, at eg í løtuni eri einasta kvinna í Lions C Eysturoy, sigur Eyðbjørg Thorleifs- son. Tók sína tíð Umboð fyri Lions C Eysturoy siga, at tað tók sína tíð at fáa undirtøku fyri at broyta reglugerðina, soleiðis at felagið eisini kann hava kvinnulig umboð í leiðsluni. – Men hetta eydnaðist, og sambært skipanini er einki tal ásett, hvussu stórur part- ur skal vera menn, og hvussu stórur partur av leiðsluni kann vera kvinn- ur, siga tey í Lions C Eyst- uroy. Her handar Poul Rustin, sum er formaður í Lions C Eysturoy, Sámal Jákupi Joensen, sum er leiðari hjá Frelsunarherinum í Føroyum, kekkin á 50.000 krónur. Mynd: Vilmund Jacobsen Ein kvinna millum menn Eyðbjørg Thorleifsson er einasta kvinnuliga umboð í Lions-feløgunum í Føroyum Mynd: Vilmund Jacobsen – Talið av gistingum á Herberginum hjá Frelsunarherinum í Havn, veksur alsamt. Í 1998, tá Herbergið byrjaði, vóru til- samans 662 gistingar, men í 2003 vóru tær ikki færri enn 2.764 í tali, sigur Sámal Jákup Joensen, sum harmast um, at tær tvær miljónirnar, sum upprunaliga vórðu settar á fíggjarlógina til heim til heimleys í Føroyum, eftir upp- skoti frá fíggjar- nevndini vórðu skornar burtur aftur HEIMLEYS Vilmund Jacobsen vilmund@sosialurin.fo Talið av gistingum á Her- berginum hjá Frelsunar- herinum í Havn veksur al- samt. Í fjør vóru ikki færri enn 2.764 gistingar. Talan var um tilsamans 45 fólk, sum gistu á Herberginum. Av hesum vóru 38 menn og 7 kvinnur. Umframt hesi, hevði Herbergið í fjør 477 vitjanir, og á dagsentrinum vóru tilsamans 2.477 fólk til døgurða og annað. Herbergið hevur nøkur hagtøl um brúkararnar seinasta ár. Tølini vísa, at 8 av teim- um 45, sum gistu, hava egnan bústað, 7 búgva í bú- felagsskapi, 16 komu av bygd og hava bústað har, 5 halda til hjá vinum og í Herberginum, og 7 hava bert Herbergið at halda seg til og hava sínar ognarlutir har. Hagtølini vísa eisini, at av teimum 45, sum gistu á Herberginum síðsta ár, vóru tvey deyð við árslok 2003. Ein talva, sum Frelsunar- herurin hevur gjørt, vísir eisini, at talið av gistingum vaks úr 2.176 í 2002 upp í áðurnevnda tal, 2.764, í 2003. Hetta eru stór tøl, tá ið havt verður í huga, at um- støðurnar í Herberginum eru rættiliga trongligar. – Tað mesta, vit hava havt inni í senn til gistingar, er 15, men tað er nógv meira, enn pláss er fyri. Hetta hevur verið gjørt fyri at fólk ikki skulu liggja úti, sigur Sámal Jákup Joensen, leiðari á Frelsunarherinum í Føroyum. Nýggj byrjan Á móttøkuni í Kafé Inn við Norðskála mánakvøldið, tá ið Lions C Eysturoy hand- aði Frelsunarherinum kekk- in á 50.000 krónur, greiddi Sámal Jákup í stuttum frá tí arbeiði, sum altjóða felags- skapurin ger. Hann greiddi eisini frá nøkrum av teim- um hendingum, hann hevur verið úti fyri tey 30 árini, hann arbeiddi fyri Frelsun- arherin í Noregi. – Eg eri vágbingur, men tað eru 46 ár, síðan eg fór úr Vági, og harav havi eg starvast 30 ár í Noregi. Sámal Jákup segði, at ar- beiði hjá Frelsunarherinum, sum hevur sítt grundstøðið í Bíbliuni, fer fram um allan heimin. – Vit lata gleðiboðskapin og tað sosiala arbeiði, vit gera, ganga hond í hond, sum hann tók til. Málsetningurin Hann segði, at málsetning- urin hjá Frelsunarherinum fyri arbeiði á Herberginum, er hesin: "Ikki bert ein song fyri náttina, men ein nýggj byrj- an…" – Tann heimleysi hevur sum oftast lítla sjálvsvirð- ing, og hjá mongum teirra er tað ofta trupult at finna eitt nýtt mál fyri lívinum. Tað er her, tann kristni boð- skapurin er so neyðugur. Vit hava ein Guð, sum elskar okkum treytaleyst, og tað er ongantíð ov seint at byrja av nýggjum. Sámal Jákup vísti á, at sambært kanningum er arbeiðsterapi í mongum førum nógv effektivari enn samtaluterapi. – Tí er tað so umráðandi, at tey, sum leita okkum upp í neyðini, hava okkurt at fara upp til. Men so langt eru vit í Føroyum tíverri ikki komin enn. Hann segði, at nógv kundi verið at fortalt um tíðina, hann var í Noregi og um tað arbeiði, sum Frels- unarherurin ger kring um heimin. Svong menniskju Stovnarar av Frelsunarher- inum, vóru hjúnini, Willi- am og Cathrine Booth í Onglandi. – Sosiala arbeiðið var ógvuliga týdningarmikið fyri William, tí sum hann segði: "Hvat nyttar tað at tosa við svong menniskju…" William ásannaði, at fólk, sum vóru ringast fyri í samfelagnum, máttu hava onkustaðni at búgva, tey máttu hava mat, klæðir og kunna vaska sær. – Frelsunarherurin á- sannaði longu beinanvegin, at evangeliið og hjálpin máttu ganga hond í hond. Í Noregi var Sámal Jákup eitt nú leiðari fyri einum heimi, sum tók sær av neyðstøddum. Her starvað- ist hann í átta ár. – Vit høvdu ein garð við 40 neytum, nógvum flog- fenaði og einum verkstaði. Her kundu tey, sum búðu á heiminum, koma upp hvønn morgun at gera okkurt. Hetta hevði stóran týdning fyri hesi neyðars menniskju, ið annars ikki høvdu nógv at taka sær fyri. Eg vildi ynskt, at vit høvdu pening í Føroyum, soleiðis at hesi fólk kundu havt okkurt at farið upp til. Hetta hevði givið teimum eitt størri innihald. Týdningurin Sámal Jákup segði, at hann hevði við nógv ymisk fólk at gera, meðan hann starv- aðist í Noregi. – Eitt nú høvdu vit ein persón, sum var dømdur í 21 ára fongsul fyri at hava dripið 24 fólk við eituri. Hann vísti á, at sjálvur át hann mat og drakk av tí, sum hesin kom við, meðan hann var hjá teimum. – So nógv kunnu fólk broytast, og so stórt álit kanst tú fáa sjálvt á teim- um, sum hava framt størstu illgerðirnar. Sámal Jákup vendi sær til Poul Rustin, sum er for- maður í Lions C Eysturoy og hevur matstovu á Muntra í Fuglafirði: – Hvat sigur ein arbeiðs- gevari, um ein tílíkum per- sónur, sum hevur sitið í geglinum í fleiri ár fyri at hava eitrað onnur menn- iskju, kemur og biðir um arbeiði?? Leiðarin í Frelsunarher- inum segði, at sjálvsagt himprast arbeiðsgevarin og er betonkiligur. – Men kemur ein slíkur persónur og sigur, at hann hevur arbeitt hjá Frelsunar- herinum í eitt ár, hevur við- komandi hóast alt nøkur betur kort á hondini – enn um fongsulsrevsingin er tað einasta, ið liggur aftanfyri. Nógv gull Sámal Jákup segði, at nógv dømi eru um fólk, sum hava ligið við rennisteinin, ið seinni eru vorðin góðir samfelagsborgarar. – Nógv av hesum fólkum eru ógvuliga skilagóð, men umstøður av ymiskum slagi førdu til, at tey endaðu, sum tey gjørdu. Eitt kann eg siga frá mínum royndum í hesum arbeiði: Tað liggur nógv gull við rennisteinin, segði Sámal Jákup Joensen. Nógv gull liggur við rennisteinin Sámal Jákup Joensen er vágbingur, men tað eru 46 ár, síðan hann fór úr Vági. Av hesum hevur hann arbeitt 30 ár í Noregi Mynd: Jens Kristian Vang C M Y K 7 6