mánadagur 22. september 2014síða 25

9 Vinnublaðið hjá Miðlahúsinum nr. 7 I 22. september 2014 júpa samfelagskreppan í Føroyum tíðliga í 1990-árunum, tá Regin W. Dalsgaard var smá­drongur, eru beinleiðis orsøk til, at hann sum blaðungur bleiv vinnulívsmaður. – Kreppan rakti samfelagið hart, ikki so nógv okkara familju, men nógv rundanum, til dømis fólk ein kendi frá skúlanum og ítrótti. Eg gjørdi tá av, at eg og mín familja ongantíð skuldu koma illa fyri fíggjar­ liga. Tað bleiv eitt mál í lívinum, sum eg ongantíð havi slept. Samstundis var eg sann­førdur um, at bara eg sjálvur kundi syrgja fyri, at málið varð rokkið, og tí var tað sjálvsagt, at eg skuldi vera sjálvstøðugur vinnu­rekandi, sigur Regin W. Dalsgaard. So longu meðan hann sum 16 ára gamal gekk í studentaskúla, legði hann til brots. Tað var um aldarskiftið, tá internetið var bæði vánaligt og dýrt. Her var eitt potensjali, sá hann, og bjóðaði seg fram við net­umsiting og bíligari satellittsambandi. Hann var tá ov ungur til sjálvur at standa fyri fyritøkuni, so tað gjørdi mamman, Martha Weihe Dalsgaard, ið eisini kendi til hetta vinnu­økið, tí hon undirvísir í millum annað kunningar­tøkni á Føroya Handils­ skúla. Beinanvegin hann fylti 18, stovnaði hann tó egna fyritøku, Emperi-Tech, sum seldi teldur, telduútgerð og teldutænastur. Konservativ vinna Hann var íverkseti tá og hevur verið tað síðani. Tað krevur dirvi, sum tað sambært honum sjálvum tó er alt ov lítið av í føroyska vinnu- og handilslívinum sum heild. – Føroyar eru ein sera lítil marknaður, so inntøkumøguleikarnir eru altíð avmarkaðir, um tað bara verður dúvað upp á okkara egna marknað. Tað er helst orsøkin til, at vit hava eitt konservativt vinnulív, ið mest fer eftir tí trygga. Eg hevði viljað, at fleiri hugs­ aðu eitt sindur longri og eitt sindur størri. Tað snýr seg um at tora at hugsa longur enn til bøgarðarnar. Vit eiga ikki bara at hyggja út og eftir, hvat hendir har, men eiga at seta okkum spurningin, sum hví til dømis Face­ book ikki varð uppfunnið í Føroyum, sigur Regin W. Dalsgaard. Sjálvur hevur hann brent seg nakrar ferðir av at hugsa stórt. Altíð hevur hann tó reist seg aftur, og tann stóri vinningurin kom eisini at enda. Tað hendi, tá hann í fjør seldi høvuðs­virksemið burtur úr fyritøkuni Globi, ið er hansara vinnuliga hjartabarn. Globi hevði ment eina sera vælumtókta sms-boð-skipan, sum í dag er eftirspurd í ikki færri enn 60 londum. – Globi hevur eisini ment onkrar appur, men sms-boð-skipanin var stóra frambrotið, og nú hon er seld donsku fyritøkuni Immobile, eru bert konsulenttænastur og íløgur eftir í Globi í løtuni, sigur Regin W. Dalsgaard. – Tá 30 ára gamli Regin W. Dalsgaard fyri tveimum vikum síðani tók við sum býlings- og marknaðarstjóri í SMS, var tað samstundis fyrstu ferð í lívinum, at hann fekk eina A-inntøku. Síðani hann var 16 ára gamal, hevur hann nevniliga verið sjálvstøðugur vinnurekandi. Tað snýr seg um at tora og hugsa longur enn til bøgarðarnar, men føroyska vinnulívið er tó sum heild konservativt og torir illa at hugsa stórt, heldur hann Regin livir av hug- skotum framhald... Profilurin: Regin W. Dalsgaard Tekstur: Ingolf S. Olsen, Myndir: Álvur Haraldsen